រសៀលទី១៩ វិច្ឆិកា នៅមជ្ឈមណ្ឌលវប្បធម៌និងសន្និបាតខេត្ត មន្ទីរអប់រំនិងបណ្តុះបណ្តាលសុកត្រាំងឱឡារឺកចាត់តាំងជំនួបមុខអនុស្សាវរីយ៍៤២ឆ្នាំទិវាគ្រូបង្រៀនវៀតណាម(២០/១១/១៩៨២-២០/១១/២០២៤) និងជូនកិត្តិនាមគ្រូបង្រៀនឆ្នើមដល់កម្មាភិបាល គ្រូបង្រៀនរបស់ខេត្ត។ ចូលរួមមានបណ្តាសមមិត្តឡឹមវ៉ាំងម៉ឹង-សមាជិកគណៈប្រតិបត្តិការមជ្ឈិមបក្ស លេខាបក្សខេត្ត ប្រធានក្រុមតំណាងរដ្ឋសភាខេត្ត ហូធីកឹមដាវ-អនុលេខាប្រចាំការបក្សខេត្ត ប្រធានក្រុមប្រឹក្សាប្រជាជនខេត្ត លីរដ្ឋា-សមាជិកបក្សខេត្ត អនុប្រធានក្រុមប្រឹក្សាប្រជាជនខេត្តនិងថ្នាក់ដឹកនាំ បណ្តាមន្ទីរ គណៈផ្នែកខេត្ត។
 |
| បណ្តាតំណាងចូលរួមជំនួបមុខអនុស្សាវរីយ៍៤២ឆ្នាំទិវាគ្រូបង្រៀនវៀតណាម។ |
នៅពិធីជំនួបមុខ បណ្តាតំណាងបានស្តាប់ថ្នាក់ដឹកនាំមន្ទីរអប់រំនិងបណ្តុះបណ្តាលសុកត្រាំងថ្លែងការណ៍រំលឹកឡើងវិញប្រពៃណីទិវាគ្រូបង្រៀនវៀតណាម ដើម្បីលើកតម្កើងរបរគ្រូបង្រៀន ស្ងើចសរសើរបណ្តាសមូហភាព បុគ្គលឆ្នើមក្នុងបណ្តាការចលនាប្រឡងប្រណាំង ដាស់ស្មារតីប្រពៃណី “ គោរពគ្រូ” និងលើកឡើងបណ្តាលទ្ធផលលេចធ្លោរបស់ផ្នែកអប់រំខេត្តយើង។
ប៉ុន្មានឆ្នាំកន្លង ផ្នែកអប់រំនិងបណ្តុះបណ្តាលខេត្តសុកត្រាំងមិនបង្អង់ខិតខំអនុវត្តភារកិច្ច ឆ្លើយតបតម្រូវការផ្លាស់ថ្មីជាសារវន្តលើវិស័យអប់រំ។ វិស័យអប់រំបណ្តាកម្រិតតែងបានពង្រឹងនិងពង្រីកដើម្បីឆ្លើយតបតម្រូវការរៀនសូត្ររបស់ប្អូនៗ។ កងជួរគ្រូបង្រៀននិងកម្មាភិបាលគ្រប់គ្រងតែងបានយកចិត្តទុកដាក់បណ្តុះបណ្តាល បំប៉នមុខជំនាញវិជ្ជាជីវៈនិងធានារបបគោលនយោបាយតាមការកំណត់។ ការអនុវត្តបច្ចេកវិជ្ជាព័ត៌មានក្នុងការងារចង្អុលការ គ្រប់គ្រងផ្នែកអប់រំនិងផ្លាស់ថ្មីវិធីសាស្រ្តបង្រៀននិងរៀនមានភាពវិវត្តន៍យ៉ាងសកម្ម ដើម្បីបង្កលក្ខណៈ លើកកម្ពស់គុណភាពសិក្សាអប់រំ អត្រាសាលាសម្រេចបទដ្ឋានជាតិទូទាំងខេត្តសម្រេចជាង៨៥%។ គិតមកដល់សព្វថ្ងៃ ខេត្តសុកត្រាំងមានគ្រូបង្រៀនប្រជាជន២រូបនិងគ្រូបង្រៀនឆ្នើម២១៧រូប។
 |
| សមមិត្តឡឹមវ៉ាំងម៉ឹង-សមាជិកគណៈប្រតិបត្តិការមជ្ឈិមបក្ស លេខាបក្សខេត្ត ប្រធានក្រុមតំណាងរដ្ឋសភាខេត្តនិងសមមិត្តហូធីកឹមដាវ-អនុលេខាប្រចាំការបក្សខេត្ត ប្រធានក្រុមប្រឹក្សាប្រជាជនខេត្តជូនកិត្តិនាមដល់គ្រូបង្រៀនឆ្នើម។ |
ថ្លែងការណ៍នៅក្នុងពិធីជំនួបមុខ អនុលេខាប្រចាំការបក្សខេត្តហូធីកឹមដាវបានសង្កត់ធ្ងន់៖ ច្រើនឆ្នាំកន្លង ផ្នែកសិក្សាអប់រំខេត្តយើងមានការខិតខំនិងសម្រេចបានស្នាដៃគួរឱ្យមោទនៈឆ្លើយតបតម្រូវការអភិវឌ្ឍពីមួយថ្ងៃកាន់តែខ្លាំងរបស់សង្គម។ នាឱកាសពិធីជំនួបមុខ ពោរពេញដោយអត្ថន័យនេះ ជំនួសមុខ គណៈអចិន្រ្តៃយ៍បក្សខេត្ត ខ្ញុំសូមជូនពរនិងស្ងើចសរសើរបណ្តាស្នាដៃដែលសម្រេចបានរបស់ផ្នែកសិក្សាអប់រំនិងកត់សំគាល់ អំណរគុណការគប់វាល់នៃលោកគ្រូអ្នកគ្រូដែលបានខិតខំ មិនរុញរាការលំបាកដើម្បីបង្រៀនបានល្អ គប់វាល់យ៉ាងសំខាន់សម្រាប់អភិវឌ្ឍវិស័យសិក្សាអប់រំរបស់ខេត្ត។ ដើម្បីបន្តរពង្រីកប្រពៃណីល្អប្រសើររបស់គ្រូបង្រៀនវៀតណាម បុព្វហេតុសិក្សាអប់រំខេត្តពីមួយថ្ងៃកាន់តែអភិវឌ្ឍ សមមិត្តហូធីកឹមដាវស្នើ ផ្នែកសិក្សាអប់រំគប្បីកសាងកងជួរគ្រូបង្រៀននិងកម្មាភិបាលគ្រប់គ្រងឱ្យមានសីលធម៌ ចរិយាសម្បត្តិ កម្រិតវិជ្ជាមុខជំនាញ សមត្ថភាពច្នៃប្រឌិតនិងអនុវត្តឆ្លើយតបតម្រូវការធនធានមនុស្សគុណភាពខ្ពស់សម្រាប់បម្រើបុព្វហេតុឧស្សាហូបនីយកម្ម ទំនើបភាវូបនីយកម្មប្រទេសជាតិ។ សកម្មផ្លាស់ថ្មីវិធីសាស្រ្តគ្រប់គ្រងអប់រំ វិនិយោគកសាងមូលដ្ឋានសម្ភារៈ សាលារៀនឆ្លើយតបតម្រូវការក្នុងការបង្រៀននិងរៀន ពិសេសបណ្តាសាលាសំខាន់ សាលាសម្រេចបទដ្ឋានជាតិតាមទិសទំនើប ចីរភាព។
 |
| ថ្នាក់ដឹកនាំខេត្តជូនកម្រងផ្កាជូនពរផ្នែកសិក្សាអប់រំសុកត្រាំងនាឱកាសអនុស្សាវរិយ៍៤២ឆ្នាំទិវាគ្រូបង្រៀនវៀតណាម។ |
នៅពិធីជំនួបមុខ មានលោកគ្រូ អ្នកគ្រូចំនួន៦២រូបបានជូនកិត្តិនាមជាគ្រូបង្រៀនឆ្នើម(លើកទី១៦) ជូនឥស្សរិយសពលកម្មលេខ៣ឱ្យគ្រូបង្រៀនមួយរូប។ មានគ្រូបង្រៀន២៦រូបបានទទួលប័ណ្ណសរសើររបស់នាយករដ្ឋមន្រ្តីនៃរដ្ឋាភិបាលដែលមានស្នាដៃក្នុងការងារអប់រំបណ្តុះបណ្តាលពីឆ្នាំសិក្សា២០១៨-២០១៩ដល់ឆ្នាំសិក្សា២០២២-២០២៣រួមចំណែកក្នុងបុព្វហេតុកសាងលទ្ធិសង្គមនិយម និងការពារប្រទេស។ មន្ទីរសិក្សាអប់រំនៅទាំងស្ងើចសរសើរគ្រូបង្រៀនឆ្នើមឆ្នាំសិក្សា២០២៣-២០២៤ចំនួន៨រូប៕
ហ្វិញញឺ-សុផល
Thông tin bạn đọc
Đóng Lưu thông tin