ក្នុងពិធីជំនួបមុខ តំណាទាំងឡាយបានស្តាប់ថ្នាក់ដឹកនាំអនុមន្ទីរអប់រំនិងបណ្តុះបណ្តាលទីក្រុងសុកត្រាំង ថ្លែងសុន្ទរកថារំលឹកឡើងវិញនូវប្រពៃណីនៃទិវាគ្រូបង្រៀនវៀតណាម ដើម្បីលើកតម្កើងរបរគ្រូបង្រៀន ស្ងើចសរសើរបណ្តាសមូហភាព បុគ្គលឆ្នើមក្នុងចលនាប្រឡងប្រណាំង ដាស់អារម្មណ៍សីលធម៌ប្រពៃណី “គោរពគ្រូ” នឹងរំលឹកឡើងវិញនូវលទ្ធផលលេចធ្លោមួយចំនួននៃផ្នែកអប់រំនៅទីក្រុងសុកត្រាំង ឆ្នាំ២០២៤។ មកដល់ពេលនេះបណ្តាញសាលា ថ្នាក់រៀនរបស់ទីក្រុងសុកត្រាំង មានការអភិវឌ្ឍនៅគ្រប់ទីកន្លែង។ ការសិក្សាអប់រំបានកើនឡើងយ៉ាងឆាប់រហ័ស ឆ្លើយតបតម្រូវការរៀនសូត្ររបស់សង្គម។ ការកៀរគរកុមារក្នុងកម្រិតអាយុមានការកើនឡើងបើធៀបនឹងឆ្នាំមុន។ គុណភាពអប់រំបន្តមានការផ្លាស់ប្តូរយ៉ាងសកម្ម។ ការថែទាំចិញ្ចឹមថែទាំកុមារនៅមូលដ្ឋានអប់រំមត្តេយ្យកាន់តែមានភាពល្អប្រសើរឡើង អត្រាកុមារអាយុ៥ឆ្នាំ បញ្ចប់កម្មវិធីអប់រំមតេ្តយ្យ សម្រេច១០០% អត្រាសិស្សបញ្ចប់កម្មវិធីបឋមសិក្សា សម្រេច៩៩,៨៣% អត្រាបញ្ចប់អនុវិទ្យាល័យ សម្រេច១០០% បញ្ចប់វិទ្យាល័យសម្រេច៩៩,៨៩%។ អំពីការអប់រំជាប្រចាំៈ ទូទាំងទីក្រុងមាន៩/៩សង្កាត់ សម្រេចស្តង់ដារពីការអប់រំមត្តេយ្យឱ្យកុមារអាយុ៥ឆ្នាំ។ល។
 |
| ថ្នាក់ដឹកនាំបក្ស ក្រុមប្រឹក្សាប្រជាជន គណៈកម្មាធិការប្រជាជនទីក្រុង បានជូនប័ណ្ណសរសើរនិងថតរូបអនុស្សាវរីយ៍ជាមួយសមូភាព បុគ្គលដែលទទួលបានប័ណ្ណសរសើររបស់នាយករដ្ឋមន្ត្រី។ |
ថ្លែងប្រសាសន៍ជូនពរទិវាគ្រូបង្រៀនវៀតណាម ប្រធានគណៈកម្មាធិការប្រជាជនទីក្រុងសុកត្រាំងត្រឹងវ៉ាំងជី បានវាយតម្លៃខ្ពស់ចំពោះលទ្ធផលដែលផ្នែកអប់រំទីក្រុងសម្រេចបាននាពេលកន្លង ទន្ទឹមនឹងនោះ ក៏បានស្ងើចសរសើរចំពោះការខិតខំប្រឹងប្រែងបំពេញការងារយ៉ាងសកម្មរបស់កងជួរគ្រូបង្រៀនទូទាំងផ្នែកអប់រំ។ ឆ្លងតាមនោះ សង្ឃឹមថា នាពេលខាងមុខ ផ្នែកអប់រំទីក្រុងនឹងបន្តអនុវត្តនូវដំណោះស្រាយលើកកម្ពស់គុណភាពអប់រំ ជំរុញការងារសង្គមភាវូបនីយកម្មនៃការអប់រំ ជំរុញល្បឿនកសាងសាលាសម្រេចបទដ្ឋានជាតិ បង្កើនអនុវត្តបច្ចេកវិទ្យាព័ត៌មានក្នុងការបង្រៀន។ បណ្តាលោកគ្រូ អ្នកគ្រូមិនបង្អង់បំប៉ន លើកកម្ពស់ចំណេះវិជ្ជា ដើម្បីឱ្យគ្រូបង្រៀនម្នាក់ៗជាគំរូសីលធម៌ រៀនដោយខ្លួនឯងនិងច្នៃប្រឌិត ទន្ទឹមនឹងនោះ ផ្តោតលើការបង្រៀនអក្សរ ទន្ទឹមជាមួយនឹងការអប់រំមនុស្ស។
ក្នុងឱកាសនេះ មានសមូហភាពចំនួន១និងបុគ្គលចំនួន៥រូប បានទទួលប័ណ្ណសរសើររបស់នាយករដ្ឋមន្ត្រី ដែលមានស្នាដៃក្នុងការងារអប់រំនិងបណ្តុះបណ្តាលពីឆ្នាំសិក្សា២០១៨-២០១៩ដល់ឆ្នាំសិក្សា២០២២-២០២៣ រួមចំណែកក្នុងបុព្វហេតុកសាងសង្គមនិយមនិងការពារមាតុភូមិ៕
ហ្វិញញឺ-លីហាន
Thông tin bạn đọc
Đóng Lưu thông tin