 |
| វេជ្ជបណ្ឌិតមន្ទីរពេទ្យពហុព្យាបាលខេត្តកំពុងពិនិត្យជំងឺឱ្យប្រជាជន |
អនុវត្តល្អនូវដំបូន្មានរបស់អ៊ំហូ “គ្រូពេទ្យប្រៀបដូចម្តាយ” ផ្នែកសុខាភិបាលខេត្តផ្តោតលើការកសាងនិងអភិវឌ្ឍកងជួរ គ្រូពេទ្យ“ភ្លឺស្វាងខាងក្រមសីលធម៌ពូកែខាងបច្ចេកទេសពេទ្យ” លើក កម្ពស់គុណភាពបម្រើអ្នកជំងឺ ខិតខំនាំយកសេវាពេទ្យប្រកបដោយគុណភាពដល់ប្រជាជន។ តាមនោះ រួមជាមួយនឹងការវិនិយោគលើហេដ្ឋារចនាសម្ព័ន្ធ ឧបករណ៍បំប៉ន លើកកម្ពស់ចំណេះដឹងមុខជំនាញឱ្យកងជួរគ្រូពេទ្យ វេជ្ជបណ្ឌិត ផ្នែកសុខាភិបាលបានអនុវត្តការជឿនលឿនវិទ្យាសាស្ត្រ-បច្ចេកទេសក្នុងការពិនិត្យនិងព្យាបាល។ល។ នាំមកនូវក្តីសង្ឃឹមនិងបន្ថយការចំណាយឱ្យអ្នកជំងឺ។ ក្នុងឆ្នាំ២០២៣ ផ្នែកសុខាភិបាលខេត្តបានពិនិត្យជំងឺឱ្យជាង២,៥លាននាក់ ក្នុងនោះ អ្នកជំងឺព្យាបាលស្នាក់ក្នុងពេទ្យចំនួន១៧.៦០០នាក់ អ្នកជំងឺព្យាបាលដែលមិនស្នាក់នៅមន្ទីរពេទ្យ៩៨.៦០០នាក់ ទូទាំងខេត្តមានសរុបចំនួន៣.៩៥០គ្រែ អត្រាវជ្ជបណ្ឌិត/ប្រជាជនមួយម៉ឺននាក់ សម្រេច៩,០១%វេជ្ជបណ្ឌិត/ប្រជាជនមួយម៉ឺននាក់។ ពិសេស មន្ទីរពេទ្យពហុព្យាបាល មន្ទីរពេទ្យសម្ភពខេត្តបានអនុវត្តបច្ចេកទេសថ្មី បច្ចេកទេសខ្ពស់ក្នុងសកម្មភាពពិនិត្យព្យាបាលបង្កើនការបង្ការ ទប់ស្កាត់ជំងឺ ការផ្លាស់ប្តូរឌីជីថល។ល។ រួមចំណែកជាក់ស្តែងក្នុងបុព្វហេតុការពារនិងថែទាំសុខភាពប្រជាជន។ វេជ្ជបណ្ឌិតឯកទេស២ ជុងតឹងឌិញ-នាយកមន្ទីរពេទ្យសម្ភពសុកត្រាំងឱ្យដឹង៖ រួមជាមួយការវិនិយោគមូលដ្ឋានសម្ភារៈ ឧបករណ៍ពេទ្យទំនើបៗ មន្ទីរពេទ្យបានផ្ទេរបច្ចេកទេសខ្ពស់ក្នុងការព្យាបាលជំងឺ។ ពិសេស មន្ទីរពេទ្យមានកងជួរគ្រូពេទ្យ វេជ្ជបណ្ឌិតមានជំនាញច្បាស់លាស់ មានការទទួលខុសត្រូវខ្ពស់ ក្នុងការថែទាំអ្នកជំងឺ ដូច្នេះហើយ ទើបទទួលបានការពេញចិត្តច្រើនរបស់អ្នកជំងឺដែលស្នាក់នៅក្នុងនិងក្រៅមន្ទីរពេទ្យ។ ឆ្នាំ២០២៤ មន្ទីរពេទ្យជំរុញការបណ្តុះបណ្តាល សហការជាមួយមន្ទីរពេទ្យថ្នាក់លើក្នុងការអនុវត្តភារកិច្ចជំនាញ ផ្ទេរបច្ចេកទេសថ្មី ទំនើបដើម្បីលើកកម្ពស់គុណភាព សមត្ថភាពជំនាញបំពេញតម្រូវការពិនិត្យព្យាបាលជំងឺជូនប្រជាជន។
តាមវេជ្ជបណ្ឌិតឯកទេស២ ង្វៀងកុងជឺ-នាយកមន្ទីរសុខាភិបាលខេត្តឱ្យដឹង បច្ចុប្បន្នដំណាក់សុខាភិបាលឃុំ សង្កាត់ ទីរួមស្រុក១០០%តែងសម្រេចលក្ខឋានសុខាភិបាលជាតិ ដូច្នេះ ការចាក់ថ្នាំបើកទូលាយបានសម្រេចតាមផែនការ។ រួមជាមួយនោះ អង្គភាពជំនាញក៏បានដោះស្រាយទាន់ពេលសម្បុកជំងឺគ្រុនឈាម-ដៃ-ជើង-មាត់និងជំងឺថ្មីផ្សេងទៀត ទប់ស្កាត់មិនឱ្យជំងឺកើតឡើង។ ដោយការខិតខំប្រឹងប្រែងរបស់កងជួរគ្រូពេទ្យ វេជ្ជបណ្ឌិត បុគ្គលិកពេទ្យ មកដល់ពេលនេះ ផ្នែកសុខាភិបាលខេត្ត អនុវត្តសម្រេចនិងផ្លោះផែនការសេចក្តីសម្រេចមហាសន្និបាតបក្ខភាគខេត្តដែលបានដាក់ចេញ សម្រេចភារកិច្ចការពារល្អនិងថែទាំសុខភាពប្រជាជន។
កំណត់ច្បាស់តួនាទីពីការលើកកម្ពស់គុណភាពពិនិត្យ ព្យាបាលជំងឺ ប៉ុន្មានឆ្នាំកន្លង ផ្នែកសុខាភិបាលខេត្តមិនបង្អង់ផ្លាស់ថ្មីក្នុងការគ្រប់គ្រង ដោយយកចិត្តទុកដាក់លើការបង្កើនចំណេះដឹងមុខជំនាញ ក្រមសីលធម៌គ្រូពេទ្យ។ ទន្ទឹមនឹងនោះអនុវត្តយ៉ាងសកម្មនូវសេវាបច្ចេកទេសខ្ពស់ រួមចំណែកលើកម្ពស់គុណភាពនិងប្រសិទ្ធភាពក្នុងការថែទាំសុខភាពឱ្យប្រជាជន៕
ដាលីន-លីហាន់
Thông tin bạn đọc
Đóng Lưu thông tin