 |
| សាលាអនុវិទ្យាល័យអន្តេវាសិកស្រុកចូវថាញ់ បានយកចិត្តទុកដាក់វិនិយោគកសាងរឹងមាំ |
លោកគ្រូដូវ៉ាំងណូន-ចាងហ្វាងសាលាអនុវិទ្យាល័យជនជាតិអន្តេវាសិកស្រុកចូវថាញ់ឱ្យដឹង៖ ក្នុងសកម្មភាពសាលាតែងទទួលបានយកចិត្តទុកដាក់ពីគណៈកម្មាធិការបក្ស រដ្ឋអំណាច គណៈផ្នែកគ្រប់ថ្នាក់ មូលដ្ឋានសម្ភារៈមួយថ្ងៃកាន់តែបានបើកទូលាយ គុណភាពអប់រំមួយជំហានម្តងៗបានលើកកម្ពស់ កងជួរគ្រូបង្រៀនមានមូលដ្ឋានគ្រប់គ្រាន់អំពីចំនួន រៀបចំវិញ្ញាសាគ្រប់គ្រាន់១០០% ចំណេះវិជ្ជាសម្រេចតាមស្តង់ដារនិងលើសស្តង់ដារ។ ឆ្នាំសិក្សា២០២៤-២០២៥ សាលាមានកម្មាភិបាល គ្រូបង្រៀន បុគ្គលិក៣៧រូបមាន៨ថ្នាក់ ពីថ្នាក់ទី៦ដល់ថ្នាក់ទី៩ មានសិស្ស២៦៥រូប ជាកូនជនជាតិភាគតិច។ ក្នុងការបង្រៀន សាលាបានកែប្រែនូវវិធីសាស្ត្របង្រៀនឱ្យស័ក្តិសមនឹងសិស្សជនជាតិភាគតិច កសាងចលនាសិស្សរៀនដោយខ្លួនឯងប្រសិទ្ធភាព វាយតម្លៃនិងលើកកម្ពស់គុណភាពការងារប្រចាំថ្នាក់ យកចិត្តទុកដាក់លើការអប់រំ របៀបរស់នៅនិងជំនាញសកម្មភាពសង្គមសមស្រប។ សាលាបានត្រួតពិនិត្យគុណភាព ក្តាប់ស្ថានភាពនិងបែងប្រភេទសិស្សដើម្បីមានវិធានការបង្រៀនបន្ថែមទាន់ពេល សមស្របប្រសិទ្ធភាព ចាត់គ្រូបង្រៀនបំប៉នលើកកម្ពស់គុណភាពឱ្យសិស្សគ្រាន់បើ ពូកែ បង្កើតក្រុមសិស្សពូកែគ្រប់មុខវិជ្ជា ទន្ទឹមនឹងនោះ មានផែនការបង្រៀនបន្ថែម ជួយដល់សិស្សមធ្យម ខ្សោយ។ ប៉ុន្មានឆ្នាំកន្លង សាលាតែងរក្សាបាន១០០%អត្រាចំនួនសិស្សឡើងថ្នាក់ អត្រាសិស្សសម្រេចនិទ្ទេសគ្រាន់បើ ពូកែសម្រេចពី៧០%ឡើងទៅ។
រួមជាមួយនោះ សាលាតែងយកចិត្តទុកដាក់ក្នុងការថែទាំគិតអាន ធានានូវសកម្មភាពប្រចាំថ្ងៃ បង្កលក្ខណៈងាយស្រួលឱ្យសិស្សស្ងប់ចិត្តក្នុងការសិក្សានិងលត់ដំ។ ការចាត់តាំងនិងការគ្រប់គ្រងអន្តេវាសិកដ្ឋានឱ្យសិស្សតែងបានសាលាយកចិត្តទុកដាក់ជាមួយនឹងដំណោះស្រាយជាច្រើនដូចៈ បង្កើតក្រុមស្វ័យគ្រប់គ្រងសិស្ស ក្រុមទង់ក្រហម ថ្នាក់ប្រចាំសប្តាហ៍ដើម្បីគ្រប់គ្រងសិស្សក្នុងសកម្មភាពក្រៅម៉ោង បណ្តាសកម្មភាពពលកម្មអនាម័យអប់រំសិស្សក្រៅម៉ោងរៀន សាមគ្គីជួយគ្នាក្នុងការសិក្សា សកម្មភាពនៅអន្តេវាសិកដ្ឋាន។ ជាសាលាអន្តេវាសិក សិស្សហូប ស្នាក់នៅក្នុងសាលា ដូច្នេះ សាលាតែងយកចិត្តទុកដាក់លើគុណភាពអាហាររបស់សិស្ស ដូចជាការធានានូវជាតិបំប៉ន ជួយប្អូនៗមានសុខភាពល្អសម្រាប់រៀនសូត្រ សកម្មភាពនិងលត់ដំ។ ប្អូនត្រឹងយ័ញអាញ់ធី សិស្សថ្នាក់ទី៨A១ ចែករំលែក៖ បរិស្ថានសាលានៅទីនេះល្អណាស់ សិស្សបានសាលាឧបត្ថម្ភ រៀបចំហូប ស្នាក់នៅយ៉ាងល្អ អាស្រ័យហេតុដូច្នេះ គ្រួសារប្អូនសប្បាយចិត្តណាស់ ព្រោះអីមិនបារម្ភពីថ្លៃសិក្សារៀងរាល់ឆ្នាំ។ ដើមឆ្នាំ ប្អូនៗបានសាលា ជំនួយសៀវភៅ ប៊ិចគ្រប់គ្រាន់។ល។ គ្រូបង្រៀនតែងយកចិត្តទុកដាក់ចំពោះប្អូន លើកទឹកចិត្តឱ្យប្អូនខិតខំរៀន ក៏ដូចជាអនាម័យនៅទីកន្លែងហូប កន្លែងនៅស្អាតបាត។ លោកគ្រូដូវ៉ាំងណូន-ចាងហ្វាងសាលាឱ្យដឹងបន្ថែម៖ ដោយមានការយកចិត្តទុកដាក់ពិសេសពីរដ្ឋអំណាចភូមិភាគគ្រប់ថ្នាក់ សាលាបានវិនិយោគជួសជុលឧបករណ៍បង្រៀននិងរៀនកន្លែងកម្សាន្តសប្បាយបម្រើដល់សកម្មភាពក្រៅម៉ោងរបស់ប្អូនៗ។ ថ្មីៗនេះ វិនិយោគកសាងអាងហែលទឹក ជំនួយឧបករណ៍ភ្លេងពិណពាទ្យរបស់ជនរួមជាតិខ្មែរនិងចូលរួមសម្តែង។ល។ ដោយឡែកក្នុងឆ្នាំសិក្សា២០២៤-២០២៥ សាលាបានជួសជុលកន្លែងស្នាក់នៅ បន្ទប់កុំព្យូទ័រនិងឧបករណ៍មួយចំនួនផ្សេងទៀត សរុបថវិកាជិត៨ពាន់លានដុង។
ការយកចិត្តទុកដាក់របស់គណៈកម្មាធិការបក្ស រដ្ឋអំណាចភូមិភាគ រួមជាមួយនឹងការខិតខំប្រឹងប្រែងនិងការប្តេជ្ញាខ្ពស់របស់សមូហភាពកម្មាភិបាល គ្រូបង្រៀននិងសិស្សសាលាអនុវិទ្យាល័យជនជាតិអន្តេវាសិកស្រុកចូវថាញ់ បានឆ្លើយតបល្អតម្រូវការចំពោះការបង្រៀននិងរៀនរបស់គ្រូបង្រៀន ប្អូនៗសិស្សានុសិស្សជនជាតិ តាំងពីនោះ អប់រំនៅតំបន់ជនជាតិភាគតិចនៅភូមិភាគមិនបង្អង់អភិវឌ្ឍ៕
ចន្ថា-លីហាន់
Thông tin bạn đọc
Đóng Lưu thông tin