 |
| វេជ្ជបណិ្ឌតដាវឃឿង-ប្រធានដំណាក់សុខាភិបាលឃុំថាញ់គ្វើយ ស្រុកមីស្វៀង |
ឆ្នាំ១៩៩៣ បន្ទាប់ពីបញ្ចប់ការសិក្សាជាគ្រូពេទ្យពហុព្យាបាល វេជ្ជបណ្ឌិតណាមបានសុំមកធ្វើការនៅដំណាក់សុខាភិបាលឃុំហ្វាទូ២ ស្រុកមីស្វៀង។ នេះជាតំបន់ជនបទមូលដ្ឋាន សម្ភារៈ ឧបករណ៍ពេទ្យនៅខ្វះខាត ជីវភាពប្រជាជនជួបការលំបាក។ មកទីនេះ ក្រៅពីពិនិត្យសុខភាពព្យាបាល បងតែងចុះដល់គ្រួសារដើម្បីផ្សព្វផ្សាយចំណេះដឹងអំពីការថែទាំសុខភាពនិងវិធីបង្ការ ទប់ស្កាត់ជំងឺ។ ឃោសនាចលនាម្តាយដែលមានកូនតូចយកកូនទៅដំណាក់សុខាភិបាលដើម្បីចាក់វ៉ាក់សាំងតាមការកំណត់របស់ក្រសួងសុខាភិបាល។ វេជ្ជបណ្ឌិតណាមឱ្យដឹង៖ កាតព្វកិច្ចរបស់គ្រូពេទ្យគឺជួយសង្គ្រោះមនុស្ស ដូច្នេះ ទោះបីស្ថិតក្នុងស្ថានភាពណាក៏ដោយ ខ្ញុំក៏ខិតខំពុះពារជម្នះការលំបាក។ សុខភាពជីវិតរបស់អ្នកជំងឺសំខាន់ណាស់ ដូច្នេះ ពេលមកបំពេញការងារនៅដំណាក់សុខាភិបាលខ្ញុំទៅគ្រប់ផ្ទះដើម្បីចាក់វ៉ាក់សាំងកុមារ។ ទន្ទឹមនឹងនោះផ្សព្វផ្សាយចំណេះដឹងជាមូលដ្ឋាននៃការថែទាំសុខភាពបង្ការ ទប់ស្កាត់ជំងឺដើម្បីប្រជាជនយល់ដឹងនិងធ្វើតាម។ ដោយប្រជាជនមានស្មារតីខ្ពស់ក្នុងការបង្ការទប់ស្កាត់ជំងឺដូច្នេះ បានជួយខ្ញុំសម្រេចល្អភារកិច្ច។ បានថែទាំជូនមាមីងនៅជនបទខ្ញុំសប្បាយចិត្តខ្លាំងណាស់និងសុភមង្គល ព្រោះនេះជាគោល បំណងសំខាន់ដែលជំរុញខ្ញុំទៅរៀនពេទ្យ។
សម្រេចភារកិច្ចជាគ្រូពេទ្យក្នុងការថែទាំសុខភាពប្រជាជន ឆ្នាំ២០១៣ វេជ្ជបណ្ឌិតណាមបានចាត់មកធ្វើប្រធានដំណាក់សុខាភិបាលឃុំថាញ់គ្វើយ ស្រុកមីស្វៀងរហូតមកដល់បច្ចុប្បន្ន។ស្រឡាញ់របរអស់ពីចិត្តជាមួយអ្នកជំងឺ ទោះជាធ្វើការងារនៅកន្លែងណាក៏ដោយវេជ្ជបណ្ឌិតណាមតែងបានអ្នកជំងឺជឿទុកចិត្ត។ពូឡឹមហឿងភូមិដៃសូឃុំថាញ់គ្វើយឱ្យដឹង៖ ខ្ញុំមានជំងឺពោះវៀន មកពិនិត្យបានជួបគ្រូពេទ្យណាម ខ្ញុំសប្បាយចិត្តណាស់ ព្រោះបានណែនាំពីរបៀបសម្រាក ហូបឆ្អិន ផឹកឆ្អិន ដើម្បីមានសុខភាពល្អ។ ចំពោះមិត្តរួមអាជីពវេជ្ជបណ្ឌិតណាមតែងគោរពលើកទឹកចិត្តគ្នាទៅវិញទៅមកជម្នះការលំបាកដើម្បីថែទាំល្អសុខភាពប្រជាជនជនបទ។គ្រូពេទ្យវ៉ភុកយីដំណាក់សុខាភិបាលឃុំថាញ់គ្វើយឱ្យដឹង៖ វេជ្ជបណ្ឌិតណាមតែងណែនាំខ្ញុំឱ្យមានការាក់ទាក់ថែទាំអ្នកជំងឺ ពិសេស ត្រូវកំណត់រោគវិនិច្ឆ័យឱ្យបានច្បាស់លាស់ ណែនាំពីរបៀបហូបថ្នាំ សម្រាកនិងវិធីបង្ការជំងឺឱ្យមាមីងខ្មែរយល់។ ចំណែកមុខជំនាញវិញ ពេលមានចម្ងល់ វេជ្ជបណ្ឌិតណាមណែនាំអស់ពីចិត្ត ម៉្លោះហើយខ្ញុំស្ងប់ចិត្តបំពេញការងារ។ ដើម្បីមានមុខជំនាញរឹងមាំ វេជ្ជបណ្ឌិតណាមតែងចូលរួមថ្នាក់បំប៉នវិជ្ជាជីវៈនៃផ្នែកសុខាភិបាល។ ទន្ទឹមនឹងនោះ ស្នើជាមួយមជ្ឈមណ្ឌលសុខាភិបាលស្រុកមីស្វៀងបំពេញបន្ថែមឱសថ ឧបករណ៍ពេទ្យឱ្យបានគ្រប់គ្រាន់ ដើម្បីបម្រើការពិនិត្យព្យាបាលជំងឺ។ ហេតុដូច្នេះ អ្នកជំងឺកាន់តែមានទំនុកចិត្ត ចំនួនអ្នកជំងឺមកពិនិត្យនៅដំណាក់សុខាភិបាលមួយថ្ងៃកាន់តែកើនឡើង។
ជាមួយនឹងទឹកចិត្តរបស់ខ្លួន វេជ្ជបណ្ឌិតដាវឃឿងណាមជាគំរូភ្លឺស្វាងនៃក្រមសីលធម៌ គ្រូពេទ្យក្នុងការការពារថែទាំសុខភាពឱ្យអ្នកជំងឺ ពិសេសអ្នកជំងឺក្រអ្នកជំងឺជនជាតិភាគតិចជួយឱ្យគ្រប់គ្នាមានសុខភាពជីវិតរស់នៅល្អ៕
ដាលីន
Thông tin bạn đọc
Đóng Lưu thông tin