 |
| ប្អូនអុងហ្វិញហាន់ញ៉ឹង (ខាងឆ្វេង) សិស្សថ្នាក់ទី១២B សាលាវិទ្យាល័យជនជាតិអន្តេវាសិកហ្វិញគឿង (ទីក្រុងសុកត្រាំង) |
កើតនិងធំដឹងក្តីក្នុងគ្រួសារមានប្រពៃណីគ្រូបង្រៀន ដោយបានឪពុកម្តាយយកចិត្តទុក្ខដាក់គិតអានរៀនសូត្របានល្អ ប្អូនអុងហ្វិញហាន់ញ៉ឹង សិស្សថ្នាក់ទី១២B សាលាវិទ្យាល័យជនជាតិអន្តេវាសិកហ្វិញគឿង ជាសិស្សដែលធ្លាប់បានចូលរួមក្នុងពិធីប្រឡងច្នៃប្រឌិតយុវកុមារ ទទួលបានរង្វាន់លេខ៣សិស្សពូកែថ្នាក់ខេត្ត។ អស់រយៈ១១ឆ្នាំកន្លង ប្អូនតែងទទួលបានកិត្តិនាមជាសិស្សពូកែ។ ក្នុងនោះ ជាច្រើនលើក ហាន់ញ៉ឹងជាសិស្សឆ្នើមបំផុតនៅក្នុងថ្នាក់ សាលា។ ក្រៅពីនេះប្អូនមានការខ្នះខ្នែងក្នុងរាល់សកម្មភាព ចលនាដោយសម្ព័ន្ធយុវជនសាលាចាត់តាំង។ ហាន់ញ៉ឹងចែករំលែក ក្តីជក់ចិត្តចូលរួមរាល់សកម្មភាពចលនាតាំងពីកុមារ។ ក្រៅពីបទពិសោធន៍បន្ថែមនិងលត់ដំខ្លួនឯង បណ្តាសកម្មភាពចលនាក៏តែងផ្តល់ឱ្យប្អូននូវអារម្មណ៍រៀនសូត្រនិងចំណុចថ្មីៗ។ ជាមួយការគិតនោះ ហាន់ញ៉ឹងមានកិត្តិយសបានទទួលស្គាល់ជាសិស្សិល្អ៣ប្រការថ្នាក់ខេត្តនិងសម្ព័ន្ធយុវជនសាលាកំពុងស្នើសុំជ្រើសរើសសិស្សល្អ៣ប្រការថ្នាក់មជ្ឈិម។ ពេលរៀនប្អូនក្រេបជញ្ជក់មេរៀនបានយ៉ាងឆាប់រហ័ស។ ហាន់ញ៉ឹងឱ្យដឹង ក្រៅពីការសិក្សានៅសាលា ពេលរសៀលនៅអន្តេវាសិកដ្ឋាន ប្អូនរៀនដោយខ្លួនឯងនិងដោះដូរជាមួយមិត្តភក្តិដើម្បីស្វែងយល់ចំណេះដឹងបន្ថែម។ ជាមួយការគិត ខិតខំរៀនសូត្រដើម្បីទទួលបានលទ្ធផលខ្ពស់ ជាវិធីដើម្បីតបស្នងសងគុណឪពុកម្តាយនិងជួយខ្លួនឯងឱ្យក្លាយជាមនុស្សមានប្រយោជន៍ដល់គ្រួសារនិងសង្គម។ នោះក៏ជាការលើកទឹកចិត្តដែលជួយប្អូនខិតខំក្នុងការសិក្សា ឈានឡើងរៀនសូត្រពូកែ។ សិស្សវ័យក្មេងរូបនេះ តែងតែមានស្មារតីទទួលខុសត្រូវខ្ពស់ រៀបចំផែនការឱ្យការងារនិងពេលវេលាសិក្សាដើម្បីធានាបានលទ្ធផលល្អទាំងពីរ។
អ្នកគ្រូតាំងញ៉ឹកភឿង គ្រូប្រចាំថ្នាក់ធ្វើការបញ្ជាក់៖ ប្អូនអុងហ្វិញហាន់ញ៉ឹងជាសិស្សសកម្ម ខិតខំរៀនដោយខ្លួនឯង សុភាពរាបសា រាក់ទាក់ជាមួយមិត្តរួមថ្នាក់ ជាកម្មាភិបាលសម្ព័ន្ធយុវជនប្រកបដោយភាពខ្នះខ្នែង ច្នៃប្រឌិតនិងគប់វាល់យ៉ាងសកម្មក្នុងការអភិវឌ្ឍនៃសម្ព័ន្ធយុវជនសាលា។ ទន្ទឹមនឹងនោះ ប្អូនក៏តែងលើកទឹកចិត្តដល់មិត្តភក្តិក្នុងថ្នាក់ សាលាឱ្យចូលរួមយ៉ាងសកម្មក្នុងចលនា ខិតខំក្នុងការសិក្សា លត់ដំ។ ក្តីជក់ចិត្តក្នុងការរៀនសូត្របានជួយហាន់ញ៉ឹងប្រមូលផ្តុំទេពកោសល្យជាច្រើនក្នុងចលនាសិល្បៈ និងពិធីការិនី យ៉ាងល្អនៅពេលដែលសាលាចាត់តាំងបណ្តាព្រឹត្តិការណ៍។ ដោយមានសមត្ថភាពនិងការពេញចិត្តទាំងនោះ ហាន់ញ៉ឹង តែងជាឈ្មោះមិនអាចខ្វះបានក្នុងចលនាសម្ព័ន្ធយុវជននិងជាសិស្សពូកែ។ លោកគ្រូស៊ើងភឿកង្វៀង-លេខាសម្ព័ន្ធយុវជនសាលាឱ្យដឹង៖ ប្អូនអុងហ្វិញហាន់ញ៉ឹង ជាកម្មាភិបាលសម្ព័ន្ធយុវជនសាលាគំរូ តែងឈានមុខក្នុងចលនា សកម្មភាពរបស់សម្ព័ន្ធយុវជនសាលា។ ក្រៅពីសម្រេចភារកិច្ចឆ្នើមដែលបានប្រគល់ ប្អូនហាន់ញ៉ឹងនៅទាំងជាគំរូឆ្នើមក្នុងការសិក្សារបស់សាលា។
ជាមួយនឹងសកម្មភាពលេចធ្លោរបស់ប្អូន ហាន់ញ៉ឹងបានទទួលលិខិតបញ្ជាក់របស់ស្ថាប័ននិងអាជីវកម្មខេត្ត ព្រមទាំងកិត្តិនាមលេចធ្លោជាច្រើនផ្សេងទៀតពីការងារសម្ព័ន្ធយុវជននាប៉ុន្មានឆ្នាំកន្លង។ ដោយប្អូនខិតខំឧស្សាហ៍ព្យាយាមសិក្សាឥតឈប់ឈរ ចាំបាច់ត្រូវបង្កើនជំនាញ ក៏ដូចជាចូលរួមយ៉ាងសកម្មក្នុងសកម្មភាពសម្ព័ន្ធយុវជនសាលាដែលបានសាលាចាត់តាំង៕
ដាលីន-លីហាន់
Thông tin bạn đọc
Đóng Lưu thông tin