 |
| សិស្សានុសិស្សសាលាអនុវិទ្យាល័យវិទ្យាល័យជនជាតិអន្តេវាសិកថាញ់ភូ ស្រុកមីស្វៀង (សុកត្រាំង) ពេលមុនម៉ោងចូលរៀន |
ទូទាំងស្រុកមីស្វៀងមានសាលាចំនួន៥៤ ក្នុងនោះ មាន១៧សាលានៅតំបន់ជនរួមជាតិខ្មែរមានបង្រៀនអក្សរខ្មែរ សាលាជនជាតិអន្តេវាសិកចំនួន២និងវិនិយោគសម្ភារៈបរិក្ខារ ឧបករណ៍សម្រេចតាមស្ដង់ដារ។ លោកង្វៀងមិញទ្រី-អនុប្រធានប្រចាំការគណៈកម្មាធិការប្រជាជនស្រុកមីស្វៀងឱ្យដឹង៖ កាលពីឆ្នាំមុន ស្រុកបានវិនិយោគជាង៧២ពាន់លានដុង ក្នុងនោះ សាលាជនជាតិអន្តេវាសិកចំនួន២បានវិនិយោគ បង្កើនលើកកម្ពស់គុណភាពជិត៣០ពាន់លានដុង។ បច្ចុប្បន្ន ទូទាំងស្រុកមានសាលារៀន២៨/៣១នៅតំបន់ជនរួមជាតិខ្មែរសម្រេចបទដ្ឋានជាតិ។ ពិសេស សាលាចំនួន១៧នៅតំបន់ជនរួមជាតិខ្មែរសុទ្ធតែបង្រៀនពីរភាសាវៀត-ខ្មែរ។ ក្នុងរដូវវិស្សមកាល បណ្តាវត្តទក្ខិណនិកាយខ្មែរបើកថ្នាក់បង្រៀនអក្សរខ្មែរ រួមចំណែកក្នុងការលើកកម្ពស់គុណភាពអប់រំនៅតំបន់ជនជាតិភាគតិច។
ទន្ទឹមនឹងនោះ ការងារលើកកម្ពស់គុណភាពកងជួរគ្រូបង្រៀន កម្មាភិបាលគ្រប់គ្រងអប់រំក៏បានយកចិត្តទុកដាក់ផងដែរ។ បច្ចុប្បន្ន ទូទាំងស្រុកមាន៥៧៩/១.៥៣៥រូប គ្រូបង្រៀន កម្មាភិបាលគ្រប់គ្រងអប់រំជាជនជាតិខ្មែរ ស្រូបអត្រាជាង៣៧,៧%។ លោកគ្រូលីហ្វាងថុង-ចាងហ្វាងសាលាអនុវិទ្យាល័យជនជាតិអន្តេវាសិកមីស្វៀងឱ្យដឹង៖ បច្ចុប្បន្នសាលាបានវិនិយោគយ៉ាងគ្រប់គ្រាន់ ដូច្នេះ សិស្សានុសិស្ស១០០%ស្នាក់នៅក្នុងសាលាស្ងប់ចិត្តសិក្សាបានល្អ។ គ្រូបង្រៀនរបស់សាលាមានចំណេះវិជ្ជាជំនាញតាមការកំណត់និងមានវិធីសាស្ត្របង្រៀនសមស្របនឹងសមត្ថភាពរបស់សិស្ស ដូច្នេះ គុណភាពកាន់តែប្រសើរឡើង។ រៀងរាល់ឆ្នាំ អត្រាសិស្សឡើងថ្នាក់សម្រេច១០០% ក្នុងនោះ សិស្សដែលសម្រេចនិទ្ទេសគ្រាន់បើ ពូកែ ស្រូបអត្រាជាង៧០%។ លោកគ្រូយឿងសាផន-ចាងហ្វាងសាលាអនុវិទ្យាល័យវិទ្យាល័យជនជាតិអន្តេវាសិកថាញ់ភូឱ្យដឹង៖ ឆ្នាំ២០១៥ សាលាសម្រេចបទដ្ឋានជាតិ ដូច្នេះ សម្ភារៈបរិក្ខារ ឧបករណ៍បង្រៀនបានវិនិយោគយ៉ាងគ្រប់គ្រាន់។ កងជួរគ្រូបង្រៀន១០០%មានចំណេះវិជ្ជាតាមការកំណត់និងសាលាអនុវត្តយ៉ាងគ្រប់គ្រាន់នូវគោលនយោបាយរបបចំពោះគ្រូបង្រៀន សិស្សត្រូវតាមការកំណត់ បង្កការលើកទឹកចិត្តខាងស្មារតីក្នុងការបង្រៀននិងរៀន។ អាស្រ័យហេតុនេះគ្រូបង្រៀនជាច្រើនមានវិធីសាស្ត្របង្រៀនល្អសមស្របជាមួយនឹងសិស្ស ដូច្នេះ រៀងរាល់ឆ្នាំអត្រាសិស្សជាប់ថ្នាក់និងបញ្ចប់វិទ្យាល័យសម្រេច១០០%។ មកដល់ពេលនេះគុណភាពអប់រំតំបន់ជនរួមជាតិខ្មែរនៅស្រុកមីស្វៀងមានភាពប្រសើរឡើងមិននៅគម្លាតបើធៀបនឹងតំបន់ទីក្រុង។
គោលនយោបាយចំពោះការអប់រំនិងបណ្តុះបណ្តាលនៅតំបន់ជនជាតិភាគតិចបានគណៈកម្មាធិការបក្ស រដ្ឋអំណាចគ្រប់ថ្នាក់នៅស្រុកមីស្វៀងយកចិត្តទុកដាក់វិនិយោគសម្ភារៈ បរិក្ខារ ឧបករណ៍បង្រៀនបណ្តុះបណ្តាលកងជួរកម្មាភិបាលគ្រប់គ្រង អប់រំ គ្រូបង្រៀនជនជាតិខ្មែរបន្តអនុវត្តឱ្យបានគ្រប់គ្រាន់ ទាន់ពេលនូវគោលនយោបាយ របបចំពោះកម្មាភិបាលអប់រំ គ្រូបង្រៀន សិស្សនៅសាលាជនជាតិអន្តេវាសិក សាលាបង្រៀនពីរភាសាតំបន់ដែលមានស្ថានភាពសេដ្ឋកិច្ចសង្គមលំបាក ដើម្បីលើកកម្ពស់គុណភាពនៃការអប់រំនៅតំបន់ជនជាតិភាគតិច៕
ដាលីន-លីហាន់
Thông tin bạn đọc
Đóng Lưu thông tin