តាមសមមិត្តលីថាញ់ផុង-អនុលេខាប្រចាំការបក្សឃុំធ្វឹងហ៊ឹង បក្ខភាគឃុំធ្វឹងហ៊ឹងសព្វថ្ងៃមានសាខាបក្សចំនួន១៨ ដោយមានបក្ខជនចំនួន៣៨៣រូប ក្នុងនោះ បក្ខជនជាជនជាតិខ្មែរចំនួន១៨១រូប។ ពេលកន្លង កងជួរបក្ខជនខ្មែរមិនត្រឹមតែពង្រីកតួនាទីក្នុងការកសាងបក្សនៅសាខាបក្ស បក្ខភាគមូលដ្ឋានតែនៅទាំងជាកងកម្លាំងស្នូលក្នុងការផ្សព្វផ្សាយចលនាមាមីងខ្មែរអនុវត្តល្អគោលការណ៍ គោលនយោបាយ របស់បក្ស ក្រឹត្យច្បាប់របស់រដ្ឋ ប្រឡងប្រណាំងពលកម្មផលិត ពង្រីកសេដ្ឋកិច្ច។ គំរូដូចមីងទ្រិញធីហុងហ្វា-ប្រធានសាខាសមាគមនារីភូមិបូលៀង១ ឃុំធ្វឹងហ៊ឹង។ ជាមួយតួនាទីជាកម្មាភិបាលបក្ខជន ក្រៅពីធ្វើសេនាធិការឱ្យគណៈកម្មាធិការបក្ស រដ្ឋអំណាចផ្សព្វផ្សាយចលនាសមាជិកាអនុវត្តល្អគោលការណ៍ គោលនយោបាយរបស់បក្សនិងក្រឹត្យច្បាប់របស់រដ្ឋ អនុវត្តវិទ្យាសាស្រ្ត-បច្ចេកទេសចូលក្នុងការផលិតមីងនៅទាំងសហការជាមួយគណៈប្រតិបត្តិការសាខាសមាគមកសាងទម្រង់សេដ្ឋកិច្ចមានប្រសិទ្ធភាព រួមចំណែកលើកកម្ពស់ជីវភាពជូនសមាជិកា។
 |
| មីងទ្រិញធីហុងហ្វា (ខាងស្តាំ) ប្រធានសាខាសមាគមនារី ភូមិបូលៀង១ ឃុំធ្វឹងហ៊ឹងតែងចុះសួរសុខទុក្ខពីជីវភាពរបស់សមាជិកា ចលនាសមាជិកាអនុវត្តទម្រង់ផលិតមានប្រសិទ្ធភាព។ |
មីងហ្វាបានឱ្យដឹង៖ ជាកម្មាភិបាលបក្ខជន ខ្ញុំតែងជួយសមាជិកាអភិវឌ្ឍសេដ្ឋកិច្ចដោយរូបភាពដូច ឧទ្ទេសនាមធនាគារគោលនបាយសង្គមស្រុកដើម្បីឱ្យសមាជិកាបុលទុនអភិវឌ្ឍសេដ្ឋកិច្ចដោយទម្រង់ប្រសិទ្ធភាពដូច ដាំបន្លែ ចិញ្ចឹមគោសាច់ គោទឹកដោះ។ល។ ផ្តើមពីទម្រង់នេះ ជួយសមាជិកាឈានឡើងចាកផុតក្រ។ ក្រៅពីគិតអានជីវភាពជូនសមាជិកា មីងនៅទាំងចលនាសប្បុរសជនបានចំនួន៤០០លានដុងដើម្បីកសាងស្ពានជនបទចំនួន២ ចលនាអំណោយចំនួន១៥០ចំណែក/ឆ្នាំ សម្រាប់ជូនដល់គ្រួសារជួបការលំបាកនៅភូមិភាគ។
ជាកម្មាភិបាលបក្ខជនគំរូមីងហ្វិញធីថា លេខាសាខាបក្សភូមិតាអង់អា១ ឃុំធ្វឹងហ៊ឹងតែងសកម្មធ្វើសេនាធិការឱ្យគណៈកម្មាធិការបក្ស គណៈកម្មាធិការប្រជាជនពីការបង្វែររចនាសម្ព័ន្ធសេដ្ឋកិច្ចកសិកម្ម គួបផ្សំបណ្តាកម្មវិធី គម្រោងពាក់ព័ន្ធដល់ការអភិវឌ្ឍសេដ្ឋកិច្ច-សង្គមតំបន់ជនជាតិភាគតិច។ ពីរបៀបធ្វើជាក់ស្តែង មានប្រសិទ្ធភាពក្នុងពេលកន្លងមីងថាបានឱ្យដឹង៖ ដើម្បីប្រជាជនស្តាប់និងប្រជាជនធ្វើតាម ជាកម្មាភិបាលបក្ខជនត្រូវធ្វើជាគំរូ ឈានមុខរាល់ការចលនា។ បើចង់ឱ្យប្រជាជនខិតខំពង្រីកសេដ្ឋកិច្ចគឺជាបក្ខជនត្រូវគំរូឈានមុខក្នុងការអភិវឌ្ឍសេដ្ឋកិច្ច ទន្ទឹមនឹងនោះ យកខ្លួនជាគំរូយកគ្រួសារជាសក្ខីភាពទើបការចលនាបានសម្រេចប្រសិទ្ធភាព។ ផ្តើមពីរបៀបធ្វើខាងលើជីវភាពរបស់ប្រជាជននៅលើភូមិដ្ឋានភូមិបានល្អប្រសើរ ចេះអនុវត្តទម្រង់សេដ្ឋកិច្ចមានប្រសិទ្ធភាពធ្វើការបង្កបង្កើនផល លើកកម្ពស់ប្រាក់ចំណូល លំនឹងជីវភាពគ្រួសាររួមចំណែកជំរុញអភិវឌ្ឍសេដ្ឋកិច្ចរបស់ភូមិភាគ។ ទន្ទឹមនឹងនោះ សម្រេចល្អភារកិច្ចដែលបានប្រគល់ មីងថានៅទាំងចលនាប្រជាជនចូលរួមការចលនាកសាងជនបទថ្មីដោយការគប់វាល់៣០០លានដុងនិងកម្លាំងពលកម្ម១៥៥ថ្ងៃសម្រាប់កសាងស្ពានចំនួន៣ អនុវត្តដងផ្លូវគំរូដោយមានប្រវែង៨០០ម៉ែត្រ ចលនាប្រជាជនចុះឈ្មោះជាមួយរថយន្តប្រមូលសំរាមវិនិច្ឆ័យដោយរូបភាពដុតសំរាមនិងកប់សំរាម។
សមមិត្តលីថាញ់ផុង-អនុលេខាប្រចាំការបក្សឃុំធ្វឹងហ៊ឹងបានឱ្យដឹង៖
ជាមួយការអស់ពីចិត្ត ភារៈរបស់ខ្លួន បក្ខជនខ្មែរបានអះអាងជា តួនាទីស្នូលជួយគណៈកម្មាធិការបក្សនិងរដ្ឋអំណាចផ្សព្វផ្សាយមានប្រសិទ្ធភាពបណ្តាគោលការណ៍ គោលនយោបាយ បំផុតគឺបណ្តាគោលនយោបាយពាក់ព័ន្ធដល់ការអភិវឌ្ឍសេដ្ឋកិច្ច-សង្គមតំបន់ជនជាតិភាគតិច។ ដើម្បីពង្រីកជាងទៀតតួនាទីបក្ខជនតំបន់ជនជាតិភាគតិច ពេលខាងមុខ គណៈកម្មាធិការបក្សឃុំនឹងបន្តផ្សព្វផ្សាយចលនា ជ្រួតជ្រាបពីគោលការណ៍ប្រសិទ្ធភាពបណ្តាគោលនយោបាយជនជាតិ កម្មវិធី គម្រោងវិនិយោគក្នុងតំបន់ជនជាតិភាគតិចរួមចំណែកជំរុញល្បឿនអភិវឌ្ឍសេដ្ឋកិច្ច-សង្គម ធានាសន្តិសុខការពារប្រទេស បន្ថយក្រដោយចីរភាព។ កសាងកងជួរកម្មាភិបាល បុគ្គលិកតំបន់ជនជាតិភាគតិចឆ្លើយតបតម្រូវការក្នុងស្ថានភាពថ្មី៕
ថាញ់វ៉ាង-សុផល
Thông tin bạn đọc
Đóng Lưu thông tin