 |
| ឃុំតាយវ៉ាំង ស្រុកត្រឹងដេ (សុកត្រាំង) បានទទួលស្គាល់សម្រេចបទដ្ឋានជនបទថ្មីនាខែមិនា ឆ្នាំ២០២៥។ |
តាយវ៉ាំងជាឃុំតំបន់៣ តំបន់ជនជាតិភាគតិច មានជនរួមជាតិខ្មែរស្រូបជិត៧៥%ចំនួនប្រជាសាស្ត្រ។ ជាភូមិភាគចាប់ផ្តើមពីចំណុចទាបពេលចាប់ផ្តើមកសាងជនបទថ្មី។ ថ្វីដ្បិតដូចេ្នះ ក្រោយ១៤ឆ្នាំអនុវត្តកម្មវិធីទិសដៅជាតិកសាងជនបទថ្មីនិងផ្សព្វផ្សាយមានប្រសិទ្ធភាពកម្មវិធីទិសដៅជាតិអភិវឌ្ឍសេដ្ឋកិច្ច-សង្គមតំបន់ជនជាតិភាគតិចនិងតំបន់ភ្នំដំណាក់កាល២០២១-២០៣០ ដំណាក់កាល១ពីឆ្នាំ២០២១-២០២៥ ទិដ្ឋភាពភូមិស្រុកនិងជីវភាពប្រជាជនឃុំតាយវ៉ាំងថ្ងៃនេះមានការផ្លាស់ថ្មីសកម្ម។ លេចធ្លោបំផុតគឺហេដ្ឋារចនាសម្ព័ន្ធជនបទបានកសាងសុក្រឹតតភ្ជាប់ពីឃុំដល់បណ្តាភូមិ ពីឃុំដល់មជ្ឈមណ្ឌលស្រុកនិងបណ្តាភូមិភាគផ្សេង សាលារៀន ដំណាក់សុខាភិបាល អគារវប្បធម៌បានលើកកម្ពស់កសាងខែងរ៉ែង ប្រព័ន្ធអគ្គិសនីជនបទបានវិនិយោគធានា១០០%គ្រួសារបានប្រើអគ្គិសនីសុវត្ថិភាព។ ទាំងអស់បង្កខឿនគ្រឹះសំខាន់ជំរុញសេដ្ឋកិច្ចជនបទអភិវឌ្ឍ ច្រើនទម្រង់ផលិតប្រសិទ្ធភាពសន្សឹមៗបង្កើតនិងពង្រីកទូលាយ។ ជីវភាពសម្ភារៈស្មារតីរបស់ប្រជាជនមិនបង្អង់បានកែប្រែចំណូលមធ្យមមនុស្សម្នាក់កើនឡើងជាង៥៩លានដុង/ម្នាក់/ឆ្នាំ អត្រាគ្រួសារក្រថយចុះនៅ៣,៧៣%។ សមមិត្តថាច់ក្វុកថាយ ប្រធានគណៈកម្មាធិការប្រជាជនឃុំតាយវ៉ាំងឱ្យដឹង៖ មេរៀនបទពិសោធន៍របស់យើងខ្ញុំក្នុងកសាងជនបទថ្មីគឺអនុវត្តល្អការងារឃោសនាចលនាដើម្បីកងជួរកម្មាភិបាលបក្ខជននិងប្រជាជនក្នុងឃុំយល់ច្បាស់ពីប្រការសំខាន់ដើម្បីកសាងជនបទថ្មី។ ដ្បិតនេះជាកម្មវិធីធំ ហេតុនោះត្រូវមានការចូលរួមព្រមៗគ្នា ការប្តេជ្ញាខ្ពស់របស់ទូទាំងប្រព័ន្ធនយោបាយ។
សមមិត្តវឿងក្វុកណាម សមាជិកបក្សខេត្ត អនុប្រធានគណៈកម្មាធិការប្រជាជនខេត្តសុកត្រាំងឱ្យដឹង៖
កសាងជនបទថ្មីជាដំណើរគ្មានទីបញ្ចប់។ នេះជាភារកិច្ចនយោបាយទាមទារការចូលរួមរបស់ទូទាំងប្រព័ន្ធនយោបាយចូលរួមជាមួយស្មារតីម្ចាស់ការ ច្នៃប្រឌិតនិងដាក់ចេញច្រើនដំណោះស្រាយព្រមៗគ្នាប្រសិទ្ធភាព។ ដើម្បីប្រឹងប្រែងសម្រេចទិសដៅនោះស្នើឃុំតាយវ៉ាំងអនុវត្តភារកិច្ចសំខាន់មួយចំនួននោះគឺមិនបង្អង់លើកកម្ពស់តួនាទីភារៈរបស់គណៈកម្មាធិការបក្សរដ្ឋអំណាចនិងទូទាំងប្រព័ន្ធនយោបាយស្រុក ឃុំ សំខាន់គឺតួនាទីរបស់អ្នកនាំមុខក្នុងការងារឃោសនាចលនាដល់រាល់គ្រួសារនិងប្រជាជនយល់ច្បាស់ជាងពីយុទ្ធសាស្ត្រសំខាន់ក្នុងកសាងជនបទថ្មី។ ជំរុញឃោសនាសំដៅឯកភាពក្នុងកម្មាភិបាលនិងប្រជាជនពីអនុវត្តកសាងជនបទថ្មីតាមកំណត់ទិស“កសិកម្មជីវស្ថាន ជនបទទំនើប កសិករអរិយធម៌”៕
ធ្វីលីវ-ចន្ថា
Thông tin bạn đọc
Đóng Lưu thông tin