 |
| មជ្ឈមណ្ឌលអប់រំរបរ-អប់រំអចិន្ត្រៃយ៍ស្រុកចូវថាញ់ (សុកត្រាំង)ចាត់តាំងបណ្តុះបណ្តាលរបរកាត់ដេរឧស្សាហកម្មឱ្យពលករនៅជនបទ។ |
ជាមួយទិសដៅប្រមូលផ្តុំបណ្តុះបណ្តាលរបរនៅភូមិភាគ បង្កការងារធ្វើលំនឹង បង្កើនប្រាក់ចំណូលដល់ពលករនៅជនបទ មជ្ឈមណ្ឌលអប់រំរបរ-អប់រំអចិន្ត្រៃយ៍ស្រុកចូវថាញ់បានសហការជាមួយបណ្តាឃុំ ទីរួមស្រុកនិងអង្គភាពនានាចាត់តាំងបណ្តុះបណ្តាលឱ្យប្រជាជន។ អាស្រ័យជំរុញការងារផ្សព្វផ្សាយចលនាជួយប្រជាជនឃើញនូវប្រសិទ្ធភាពនៃថ្នាក់ចូលរួមបណ្តុះបណ្តាលរបរ តាមនោះធ្វើឱ្យផ្លាស់ប្តូរការយល់ដឹង ចលនាមាមីងចូលរួមថ្នាក់រៀនរបរដោយមានសិក្ខាកាមចូលរួមពីមួយថ្ងៃកាន់តែច្រើន។ ឆ្នាំ២០២៤ មជ្ឈមណ្ឌលអប់រំរបរ-អប់រំអចិន្ត្រៃយ៍ស្រុកបើកថ្នាក់បណ្តុះបណ្តាលរបរបាន៣២ថ្នាក់ ដោយមានពលករចំនួន៥០០រូបចូលរួម។ ក្នុងនោះបណ្តុះបណ្តាលក្រៅកសិកម្មបើកបានចំនួន១៨ថ្នាក់ របរកសិកម្មបើកបាន១៤ថ្នាក់ សហការជាមួយមជ្ឈមណ្ឌលយ៉ាភឿកហ៊ឹងចាត់តាំងបណ្តុះបណ្តាលកុំព្យូទ័របានចំនួន៧ថ្នាក់សរុបថវិកាអនុវត្តជិត១ពាន់លានដុង។
ចាត់តាំងឧទ្ទេសនាមជូនសិក្ខាកាមនៃបណ្តាថ្នាក់បណ្តុះបណ្តាលរបរលើវិស័យក្រៅកសិកម្ម ចម្បងគឺថ្នាក់កាត់ដេរឧស្សាហកម្ម ក្រោយពីបញ្ចប់វគ្គបណ្តុះបណ្តាលបានធ្វើការសាកល្បងនិងចូលរួមទីផ្សារពលករនៃបណ្តាក្រុមហ៊ុនអាជីវកម្មក្នុងនិងក្រៅខេត្ត មានពលករចំនួន៧៧រូបចូលរួម ដោយមានប្រាក់ចំណូលពី៤-៥លានដុង/ខែ។ ដោយឡែកសិក្ខាកាមណាមិនចូលរួមទីផ្សារពលករក៏បានបង្កលក្ខណៈឱ្យធ្វើការនៅតាមមូលដ្ឋានផលិត បណ្តាអជីវកម្មនៅភូមិភាគនិងមានប្រភពចំណូលលំនឹងពី៣-៥លានដុង/ខែ ធានាសម្រាប់ផ្គត់ផ្គង់ជីវភាពគ្រួសារប្រចាំថ្ងៃ។
គ្រួសារបងស្រីថាច់ធីថាញ់ញ៉ា នៅភូមិភឿកអាង ឃុំភូតឹង ស្រុកចូវថាញ់បានឱ្យដឹង៖ អាស្រ័យការយកចិត្តទុកដាក់ និងបានណែនាំដោយអស់ពីចិត្តទើបខ្ញុំក្តាប់បានច្បាស់ពីបច្ចេកទេសនិងយល់ច្បាស់ពីលក្ខន្តិកៈធ្វើការនៅរោងចក្រជំនាញកាត់ដេរ។ ក្រោយពីចូលរួមថ្នាក់កាត់ដេរឧស្សាហកម្ម សព្វថ្ងៃខ្ញុំបានទទួលធ្វើការនៅក្រុមហ៊ុនកាត់ដេរ Tuntex សុកត្រាំងខ្ញុំមានក្តីរីករាយណាស់។
ចំពោះសិក្ខាកាមដែលចូលរួមថ្នាក់បណ្តុះបណ្តាលរបរលើវិស័យកសិកម្មដូច ផលិតស្រូវទិន្នផលខ្ពស់ ចិញ្ចឹមគោ ចិញ្ចឹមជ្រូក ចិញ្ចឹមជលផល សិក្ខាកាមក្រោយពីរៀនបញ្ចប់វគ្គតែងបានបើកទម្រង់នៅផ្ទះនិងអនុវត្តចំណេះដឹងដែលបានបណ្តុះបណ្តាលចូលក្នុងការដាំដុះនិងចិញ្ចឹមសត្វ។
បងត្រឹងវ៉ាំងដាក នៅភូមិកំពង់ទ្រព្យអា ឃុំអាងហ៊ីប ស្រុកចូវថាញ់ រីករាយពេលបានចូលរួមថ្នាក់រៀនរបរចិញ្ចឹមគោបានឱ្យដឹង៖ អាស្រ័យចូលរួមថ្នាក់បណ្តុះបណ្តាលរបរចិញ្ចឹមគោ ទើបខ្ញុំបានក្រេបជញ្ជក់ចំណេះដឹងពីការថែទាំគោ អាស្រ័យហេតុនោះ គោរបស់ខ្ញុំឆាប់ធំ។ សព្វថ្ងៃគ្រួសារខ្ញុំមានគោចំនួន៦ក្បាល ដូច្នេះពី២-៣ឆ្នាំខ្ញុំលក់គោ១ក្បាលរកប្រាក់ចំណូលជិត២០លានដុង/ក្បាល។
លោកឡឹមហ្វិញមិញត្វយ-នាយកមជ្ឈមណ្ឌលអប់រំរបរ-អប់រំអចិន្ត្រៃយ៍ស្រុកចូវថាញ់បានឱ្យដឹង៖ ដោយបានការយកចិត្តទុកដាក់នៃរដ្ឋអំណាចភូមិភាគគ្រប់ថ្នាក់ចំពោះវិស័យបណ្តុះបណ្តាលរបរជនបទ ក្នុងឆ្នាំ២០២៤កន្លងហើយ មជ្ឈមណ្ឌលអប់រំរបរ-អប់រំអចិន្ត្រៃយ៍ស្រុកចូវថាញ់សម្រេចបានលទ្ធផលគួរឱ្យកត់សម្គាល់ អត្រាពលករមានការងារធ្វើក្រោយពីបានបណ្តុះបណ្តាលគឺ៩៥%។ មជ្ឈមណ្ឌលនឹងបន្តរក្សាថ្នាក់អប់រំជាប្រចាំនៃឆ្នាំសិក្សា២០២៤-២០២៥និងចាត់តាំងជម្រើសសិក្ខាកាម បង្រៀនបណ្តាថ្នាក់អប់រំជាប្រចាំក្នុងឆ្នាំ២០២៥-២០២៦។ ចាត់តាំងបណ្តុះបណ្តាលរបរកម្រិតបឋមក្រោម៣ខែជូនដល់សិក្ខាកាមចំនួន៧៣៨រូបលើភូមិដ្ឋានស្រុក បម្រុងជម្រើសសិក្ខាកាមរៀនដូច កាត់ដេរឧស្សាហកម្មត្បាញ (ពក ប្ញស្សី) អគ្គិសនី កុំព្យួទ័រ អគ្គិសនីឧស្សាហកម្ម កាត់សក់ បច្ចេកទេសដាំស្ល បច្ចេកទេសសាងសង់ ចិញ្ចឹមជលផល បច្ចេកទេសចិញ្ចឹមសត្វ បង្កាត់ពូជស្រូវ។
ពេលខាងមុខ ដើម្បីលើកកម្ពស់ប្រសិទ្ធភាពបណ្តុះបណ្តាលឱ្យពលករនៅជនបទ មជ្ឈមណ្ឌលអប់រំរបរ-អប់រំអចិន្ត្រៃយ៍ស្រុកចូវថាញ់បន្តផ្លាស់ថ្មីខ្លឹមសារនិងវិធីសាស្រ្តបណ្តុះបណ្តាល លើកកម្ពស់សមត្ថភាពកងជួរគ្រូបង្រៀនបង្រៀនរបរ បង្កើនការងារផ្សព្វផ្សាយចលនាដើម្បីប្រជាជនយល់ពីសារៈសំខាន់នៃការរៀនរបរក្នុងការអភិវឌ្ឍសេដ្ឋកិច្ច រួមចំណែកលើកកម្ពស់ប្រាក់ចំណូល កែលម្អជីវភាពជូនប្រជាជន៕
ហុងទើ-សុផល
Thông tin bạn đọc
Đóng Lưu thông tin