 |
| ទម្រង់ដាំមៀនសាច់ក្រាស់របស់បងឡឹមលី នៅអនុសង្កាត់បៀងជេនអា សង្កាត់វិញភឿក ទីរួមខេត្តវិញចូវ (សុកត្រាំង)។ |
តាមស្ថិតិដើមឆ្នាំ២០២៥ សង្កាត់វិញភឿក ទីរួមខេត្តវិញចូវមានផ្ទៃដីដាំមៀនចំនួន១៩១ហិកតា ក្នុងនោះ មៀនសាច់ក្រាស់ចំនួន១៨៩ហិកតា ប្រមូលផ្តុំនៅបណ្តាអនុសង្កាត់បៀងជេនអា បៀងជេន បៀងយឺយ វត្តពេជ្រ សើតាយបេ។ ជាមួយអាទិភាពគឺផ្លែធំ សាច់ក្រាស់ ស្រួយ ផ្អែម ទិន្នផលលំនឹងលក់បានថ្លៃ ដូច្នេះ មៀនសាច់ក្រាស់ក្លាយជាដំណាំចម្បងនាំមកនូវប្រភពចំណូលដល់កសិករលើភូមិដ្ឋាន។
គំរូគឺទម្រង់ដាំមៀនសាច់ក្រាស់របស់គ្រួសារបងឡឹមលី នៅអនុសង្កាត់បៀងជេនអា សង្កាត់វិញភឿក។ ពីមុន ក្នុងផ្ទៃដី៥កុង គ្រួសារបងលីបានដាំបន្លែ ប៉ុន្តែគ្មានប្រសិទ្ធភាព ប្រាក់ចំណូលមិនលំនឹង។ ដោយការស្វែងយល់ រៀនសូត្របទពិសោធន៍ពីអ្នកដាំមុននៅបណ្តាភូមិភាគក្នុងនិងក្រៅខេត្តពីទម្រង់ដាំមៀនសាច់ក្រាស់ តាមនោះ ដោយឃើញទម្រង់ដាំមៀនសម្រេចបានប្រសិទ្ធភាព បងលីសម្រេចចិត្តដាំមៀនសាច់ក្រាស់ពីឆ្នាំ២០១៧មកដល់សព្វថ្ងៃ។ អាស្រ័យអាកាសធាតុ ដីធ្លីអំណោយផលគួបផ្សំនឹងការថែទាំត្រូវតាមរបៀបនិងអនុវត្តវិទ្យាសាស្ត្របច្ចេកទេសចូលក្នុងការផលិត ដូច្នេះ មៀនរបស់គ្រួសារបងលូតលាស់ល្អ នាំមកនូវទិន្នផលខ្ពស់ ឆ្នាំកន្លង លក់បានតម្លៃពី៣០.០០០ដុង-៥០.០០០ដុង/គីឡូក្រាម ម្ល៉ោះហើយបងលីរកបានប្រាក់ចំណូលប្រហែល៨០លានដុង ក្រោយពីផាត់ទាត់រួចរាល់។ អាស្រ័យហេតុនោះ ក្រោយរយៈកាល៧ឆ្នាំផ្សារភ្ជាប់នឹងទម្រង់ដាំមៀនគ្រួសារបងលីពីមួយថ្ងៃកាន់តែបានរីកចម្រើន ផ្ទះសង់បានស្អាតបាត ឈានឡើងធ្វើមានដោយស្របច្បាប់នៅភូមិភាគ។
បងលីបានឱ្យដឹង៖ មៀនសាច់ក្រាស់ងាយដាំ គ្រាន់តែថែទាំត្រូវរបៀប ព្រាចជី បាញ់ថ្នាំត្រូវតាមកាលកំណត់អាចនាំមកនូវទិន្នផលខ្ពស់។ ក្នុងមួយឆ្នាំ មៀនប្រមូលផលបាន១លើក ប្រមូលផលច្រើនបំផុតចាប់ពីខែ៦-៧តាមចន្ទគតិរាល់ឆ្នាំ។ សព្វថ្ងៃតម្លៃមៀននៅលើទីផ្សារមាន៤០.០០០ដុង/គីឡូក្រាម រដូវឆ្នាំនេះទទួលបានអំណោយផលគ្រួសារខ្ញុំមានក្តីរីករាយណាស់។
ក៏ដូចគ្រួសារបងលី គ្រួសារបងស្រីដាំងធីធូហឿង នៅអនុសង្កាត់បៀងជេនអា សង្កាត់វិញភឿកក៏ឈានឡើងចាកផុតក្រ អាស្រ័យអនុវត្តទម្រង់ដាំមៀនសាច់ក្រាស់។ ចែករំលែកជាមួយយើងខ្ញុំបងហឿងបានឲ្យដឹង៖ ដាំមៀនសាច់ក្រាស់ងាយស្រួលក្នុងការថែទាំ វិនិយោគក៏តិច ប៉ុន្តែនាំមកនូវប្រសិទ្ធភាពខ្ពស់។ ឆ្នាំកន្លង ខ្ញុំបានផ្លាស់ប្តូរការថែទាំដើម្បីមៀនប្រមូលផលខុសរដូវ ពេលនោះលើទីផ្សារមៀនមានចំនួនតិច ដូច្នេះ លក់បានថ្លៃខ្ពស់ អាស្រ័យហេតុនោះ ខ្ញុំរកបានប្រាក់ចំណូលជាង៤០លានដុង/កុងក្រោយពីផាត់ទាត់រួចរាល់។
ដោយមានបទពិសោធន៍ដាំជាង១០ឆ្នាំគួបផ្សំនឹងអាកាសធាតុអំណោយផល មៀនរបស់គ្រួសារបងហឿងផ្លែធំ គ្រាប់តូច សាច់ក្រាស់។ សព្វថ្ងៃ បងហឿងត្រៀមបម្រុងប្រមូលផល រាល់ឆ្នាំដល់ពេលប្រមូលផលតែងមានឈ្មួញពីបណ្តាខេត្តមកទិញដល់កន្លែង។ ពីទម្រង់ដាំមៀនសាច់ក្រាស់គួបផ្សំដាំបន្លែតែងនាំមកនូវប្រភពចំណូលលំនឹងឱ្យគ្រួសារបងហឿង រួមចំណែកអភិវឌ្ឍសេដ្ឋកិច្ចគ្រួសារ បង្កលក្ខណៈដើម្បីកូនៗរៀនសូត្របានចប់ចុងចប់ដើម។
ពេលកន្លង ដើម្បីជួយកសិករដាំមៀនសម្រេចបានទិន្នផលខ្ពស់ សង្កាត់វិញភឿកនៅទាំងសហការដំណាក់ដាំដុះនិងការពាររុក្ខជាតិទីរួមខេត្តវិញចូវចាត់តាំងថ្នាក់ហ្វឹកហាត់បណ្តាវិធានការថែទាំ បង្ការដង្កូវជំងឺលើដើមមៀន ជាក់ស្តែងពីឆ្នាំ២០២៤ មកដល់សព្វថ្ងៃចាត់តាំងហ្វឹកហាត់បាន៨ថ្នាក់ នៅបណ្តាអនុសង្កាត់បៀងជេន បៀងជេនអានិងបៀងយឺយទាក់ទាញមាមីងកសិករចូលរួមយ៉ាងច្រើន។
សមមិត្តក្វាច់វ៉ាំងឌាប-អនុប្រធានគណៈកម្មាធិការប្រជាជនសង្កាត់វិញភឿកឱ្យដឹង៖
ឆ្នាំកន្លង មៀនសម្រេចបានទិន្នផលមធ្យមពី៩-១០តោន/ហិកតា។ ឆ្នាំនេះ អាកាសធាតុអំណោយផលនិងការថែទាំបានម៉ត់ចត់ តាមនោះទើបចេញផ្កានិងជាប់ផ្លែច្រើនបើប្រៀបនឹងប៉ុន្មានឆ្នាំមុនខ្ពស់ជាងពី៣០-៥០%។ ចំពោះរដូវភ្លៀងដូចសព្វថ្ងៃ មាមីងកសិករគប្បីយកចិត្តទុកដាក់បញ្ហាបង្ហូតទឹកចេញពីចម្ការឲ្យបានទាន់ពេល កុំឱ្យលេចដើមមៀនក្នុងចម្ការ តាមដានដង្កូវស៊ីផ្លែនិងជំងឺលើផ្លែ ប្រើជីឲ្យបានត្រឹមត្រូវតាមការកំណត់ ដើម្បីធានាជាតិបំប៉នឲ្យដើមផ្តល់ផ្លែបានល្អធម្មតា។
អាចនិយាយបានថា ទម្រង់ដាំមៀនសាច់ក្រាស់ជាទិសមានប្រសិទ្ធភាពក្នុងការបង្វែររចនាសម្ព័ន្ធដាំដុះលើផ្ទៃដីគ្មានប្រសិទ្ធភាព នាំមកនូវប្រាក់ចំណូលឱ្យមាមីងកសិករជាជំហានអះអាងពីប្រសិទ្ធភាពសេដ្ឋកិច្ច ពង្រីកសក្តានុភាពរបស់ភូមិភាគ រួមចំណែកលើកកម្ពស់ជីវភាព ជំរុញអភិវឌ្ឍសេដ្ឋកិច្ច ជួយកសិករឈានឡើងធ្វើមាននិងចាកផុតក្រដោយចីរភាព៕
ហុងទើ-សុផល
Thông tin bạn đọc
Đóng Lưu thông tin