 |
| ដងផ្លូវជនបទនៅលើភូមិដ្ឋានឃុំឡឹមកៀក ស្រុកថាញ់ទ្រីបានវិនិយោគកសាងរឹងមាំ ជួយមាមីងធ្វើដំណើរទៅមកបានងាយស្រួល ទិដ្ឋភាពជនបទពីមួយថ្ងៃកាន់តែអភិវឌ្ឍ។ |
បើបានមកឃុំឡឹមកៀកជាកន្លែងដែលមានជនរួមជាតិខ្មែររស់នៅកុះករ ស្រូបអត្រា៥២% នៃប្រជាជនទូទាំងឃុំ យើងខ្ញុំបានឃើញច្បាស់ពីភាពផ្លាស់ថ្មីនៃតំបន់ភូមិស្រុកដែលពីមុនធ្លាប់រងការបំផ្លាញសង្រ្គាម សព្វថ្ងៃមានការអភិវឌ្ឍន៍យ៉ាងច្បាស់ដោយមានចំការ ផ្លែឈើពេញដើម មានស្រះចិញ្ចឹមត្រី បង្គាជាច្រើន ផ្ទះថ្មបានសាងសង់ជាជួរ ហេដ្ឋារចនាសម្ព័ន្ធជនបទបានវិនិយោគរឹងមាំ ជីវភាពសម្ភារៈនិងស្មារតីរបស់ប្រជាជនតែងបានកើនឡើង។
ការអនុវត្តកម្មវិធីទិសដៅជាតិកសាងជនបទថ្មីនិងបណ្តាកម្មវិធី គោលនយោបាយបានធ្វើឱ្យតំបន់ជនជាតិភាគតិចអភិវឌ្ឍគ្រប់វិស័យ។ ឆ្លងតាមរយៈកម្មវិធីជំនួយបុលទុនដើម្បីអភិវឌ្ឍការផលិត ដូច្នេះមានគ្រួសារខ្មែរជាច្រើនបានឈានឡើងលំនឹងជីវភាព។ គំរូដូចគ្រួសារបងស៊ើងហៀង នៅភូមិកៀកថាំង ឃុំឡឹមកៀកជាគ្រួសារឈានឡើងធូរធារអាស្រ័យបុលទុនពីធនាគារគោលនយោបាយសង្គម។ ពីមុនគ្រួសារបងធ្វើស្រែប្រាក់ចំណូលគ្រាន់តែគ្រប់ចាយវាយក្នុងគ្រួសារ ឆ្នាំ២០១០ ដោយឃើញទម្រង់ចិញ្ចឹមគោនាំមកនូវប្រសិទ្ធភាពបងសម្រេចចិត្តបុលទុនធនាគារគោលនយោបាយសង្គមស្រុក២០លានដុងសម្រាប់វិនិយោគចិញ្ចឹមគោ។ អាស្រ័យព្យាយាមរៀនសូត្ររបៀបចិញ្ចឹម ដូច្នេះទើបគោឆាប់ធំ រាល់ឆ្នាំកើតបានកូនគោ២ក្បាល។ បងហៀងបានឱ្យដឹង៖ ឆ្នាំណាខ្ញុំក៏លក់គោពី១-២ក្បាល ដោយឡែកឆ្នាំ២០២៤ អាស្រ័យចង់ជួសជុលទ្រុងដើម្បីបើកទូលាយទម្រង់ចិញ្ចឹម ម៉្លោះហើយខ្ញុំលក់បាន១២ក្បាលដោយរកបានប្រាក់ចំណូលចំនួន១៧០លានដុង។ ក្រោយពីអនុវត្តទម្រង់ចិញ្ចឹមគោសម្រេចជោគជ័យ ឆ្នាំ២០១៥ បងហៀងបុលទុនបន្ថែម៥០លានដុង សម្រាប់វិនិយោគការចិញ្ចឹមជ្រូកនិងកសាងឡបិតស្រាចំនួន២។ រាល់ឆ្នាំជ្រូកកើតបាន២លើក ក្នុងមួយលើកកើតបានពី៨-១០ក្បាលនិងលក់ជ្រូកសាច់បាន២លើក/ឆ្នាំ រាល់លើកគឺ១៤ក្បាល ដោយទម្ងន់១០០គីឡូក្រាម/ក្បាល តម្លៃពី៦០.០០០-៧០.០០០ដុង/គីឡូក្រាម ចំណែកស្រាគឺក្នុងមួយថ្ងៃខ្ញុំលក់បាន៩០លីត្រ ជាមួយតម្លៃ១៣.០០០ដុង/លីត្រ។ អាស្រ័យរកបានប្រភពចំណូលប្រហែល៣០០លានដុង/ឆ្នាំ ពីទម្រង់ចិញ្ចឹមគោ ជ្រូកគួបផ្សំនឹងបិតស្រាក្រោយពីផាត់ទាត់រួចរាល់ ដូច្នេះ ជីវភាពគ្រួសារបងបានកែលម្អ-បងហៀងបានឱ្យដឹងដូច្នេះ។
ក្រៅពីបង្កលក្ខណៈពង្រីកសេដ្ឋកិច្ច ឆ្នាំ២០២២-២០២៣ ដោយបានការជំនួយរបស់ថ្នាក់លើ ឃុំអនុវត្តការចលនាជំនួយកសាងផ្ទះនៅឱ្យគ្រួសារក្រដែលជូបការលំបាកពីផ្ទះនៅបានចំនួន២៣ខ្នង។ ចែករំលែកជាមួយយើងខ្ញុំក្នុងផ្ទះថ្មី ពូលីលន់-នៅភូមិត្រាយ៉ ឃុំឡឹមកៀកបានឱ្យដឹង៖ បានរដ្ឋជំនួយ៤៤លានដុង រួមនឹងប្រាក់សន្សំរបស់គ្រួសារ ខ្ញុំសង់បានផ្ទះមួយខ្នងរឹងមាំ សព្វថ្ងៃគ្រួសារខ្ញុំមិនបារម្ភពីផ្ទះលេចទៀត ឡើយ។ បានដឹង ពូលន់ជាគ្រួសារក្រ កូនៗមានគ្រួសារនៅដោយឡែកអស់ហើយនិងធ្វើការនៅឆ្ងាយពីរនាក់ប្តីប្រពន្ធរស់នៅពឹងគ្នាទៅវិញទៅមក។ ប៉ុន្មានឆ្នាំមុន សុខភាពល្អ ពូបានទៅយាមនៅស្រះបង្គារបស់មាមីងនៅភូមិភាគ សព្វថ្ងៃ អាយុកាន់តែចាស់ កម្លាំងកាន់តែខ្សោយពីរនាក់ប្តីប្រពន្ធពូមើលចៅ កូនៗផ្ញើប្រាក់មកគ្រាន់តែគ្រប់ចាយវាយក្នុងគ្រួសារដូច្នេះគ្មានប្រាក់សង់ផ្ទះ សព្វថ្ងៃ បានរដ្ឋជំនួយផ្ទះនៅជួយគ្រួសារ ពូមានកន្លែងនៅលំនឹង។
សមមិត្តផាមទ្រឿងយ៉ាង-លេខាបក្សឃុំឡឹមកៀកបានឱ្យដឹង៖
ប៉ុន្មានឆ្នាំកន្លង អាស្រ័យផ្សព្វផ្សាយអនុវត្តមានប្រសិទ្ធភាពបណ្តាកម្មវិធី គម្រោងទើបជីវភាពប្រជាជនលើភូមិដ្ឋានឃុំឡឹមកៀកមានភាពផ្លាស់ថ្មី។ អត្រាគ្រួសារក្ររបស់ឃុំឆ្នាំ២០២៥គឺ១,៧៥% (២៨/១.៦០១គ្រួ) បន្ថយ២,០៦%បើប្រៀបនឹងឆ្នាំ២០២០ (៣,៨១%) គ្រួសារប្រើអគ្គិសនីធានាសុវត្ថិភាពគឺ១.៣៩៨/១.៤០៣ គ្រួសារសម្រេច៩៩,៦៤%។ល។ ពិសេស ឆ្នាំ២០២៤ ឃុំបានទទួលស្គាល់សម្រេចជនបទថ្មីលើកកម្ពស់។ សម្រេចបានលទ្ធផលខាងលើគឺអាស្រ័យការខិតខំយ៉ាងខ្លាំងរបស់រដ្ឋអំណាចភូមិភាគនិងឆន្ទៈឈានឡើងរបស់ប្រជាជននៅភូមិភាគ៕
ថាញ់វ៉ាង-សុផល
Thông tin bạn đọc
Đóng Lưu thông tin