តាមសមមិត្តប្រធានសមាគមកសិករឃុំតឹងហ៊ឹងទៅទស្សនាទម្រង់ចំការ ស្រះ ទ្រុងរបស់គ្រួសារបងឡឹមជុង នៅភូមិកគោ ឃុំតឹងហ៊ឹង។ បានដឹង ពីមុនគ្រួសារបងប្រកបរបរធ្វើស្រែ ឆ្នាំ២០១០ ដោយឃើញទម្រង់ចិញ្ចឹមគោនៅភូមិភាគមានប្រសិទ្ធភាពដូច្នេះទើបបងជុងសម្រេចចិត្តបុលទុនពីធនាគារគោលនយោបាយសង្គមស្រុកដែលបានឧទ្ទេសនាមពីសមាគមកសិករឃុំដើម្បីអនុវត្តទម្រង់ចិញ្ចឹមគោ។ បងជុងបានឱ្យដឹង៖ ដំបូងអាស្រ័យទុនតិច បច្ចេកទេសចិញ្ចឹមនៅស្តួចស្តើងម៉្លោះហើយគ្រាន់តែចិញ្ចឹមគោមេបាន១ក្បាល ក្រោយមកដោយមានបទពិសោធន៍ថែទាំបានល្អនិងបង្ការជំងឺបានល្អទើបគោឆាប់ធំ។ ក្រោយបានលក់៥លើកប្រហែល១២ក្បាលរកបានប្រាក់ចំណូលជាង៣០០លានដុង សព្វថ្ងៃក្នុងទ្រុងនៅគោ៤ក្បាល ក្នុងនោះគោមេ៣ក្បាល។ ដើម្បីរកបានប្រាក់ចំណូល ឆ្នាំ២០២១ បងទិញជ្រូក៤ក្បាលនិងកង្កែប៥០.០០០ក្បាលយកមកចិញ្ចឹម។ បងជុងបានឱ្យដឹង៖ អាស្រ័យខ្វះអ្នកធ្វើទើប រាល់ឆ្នាំគ្រួសារខ្ញុំគ្រាន់ចិញ្ចឹមបានត្រឹមតែ១លើក ជ្រូកសាច់៤ក្បាល ពេលលក់ដោយមានទម្ងន់១០០គ.ក/ក្បាល តម្លៃពី៦០.០០០-៧៥.០០០ដុង/គ.ក។ ដោយឡែកទម្រង់ចិញ្ចឹមកង្កែបខ្ញុំចិញ្ចឹមបាន៤លើក/ឆ្នាំ ក្នុងមួយលើកចិញ្ចឹមបាន៥០.០០០ក្បាល ក្រោយពីចិញ្ចឹមបាន៣ខែនឹងប្រមូលផលបានប្រហែល៦០០គ.ក ដោយតម្លៃ៤៥.០០០ដុង/គ.ក។ ទម្រង់ចិញ្ចឹមគោ ជ្រូក កង្កែបតែងនាំមកនូវប្រភពចំណូលសម្រាប់គ្រួសារបងជុងប្រហែល១៦០លានដុង/ឆ្នាំ អាស្រ័យហេតុនោះ ជីវភាពគ្រួសារបងជុងបានកែលម្អ ឆ្នាំ២០២២បងជុងសង់ផ្ទះមួយខ្នងតម្លៃ៤៥០លានដុង។
 |
| ទម្រង់ចំការ ស្រះ ទ្រុងនាំមកនូវប្រសិទ្ធភាពសេដ្ឋកិច្ចខ្ពស់របស់គ្រួសារបងឡឹមជុង(ខាងឆ្វេង) នៅភូមិកគោ ឃុំតឹងហ៊ឹង ស្រុកឡុងភូ(សុកត្រាំង)។ |
ចំណែកគ្រួសារបងគីមសាយ នៅភូមិកគោ ឃុំតឹងហ៊ឹង ជីវភាពគ្រួសារជួបការលំបាកហើយគ្មានដីផលិត ឆ្នាំ២០១៤ ដោយបានជំនួយគោស៊ីន១ក្បាលពីគម្រោង Heifer អាស្រ័យព្យាយាមថែទាំ រៀនសូត្របទពិសោធន៍ពីរបៀបចិញ្ចឹមដូច្នេះគោឆាប់ធំ ឆ្នាំណាគោក៏កើតបានពី១-២ក្បាល។ បងសាយបានឱ្យដឹង៖ គោពូជរបស់គ្រួសារខ្ញុំកើតបាន៩ក្បាល ខ្ញុំលក់អស់៦ក្បាលទទួលបានប្រាក់ចំណូល១២០លានដុងនិងសងគោឱ្យគម្រោង១ក្បាល។ ដោយឃើញទម្រង់នាំមកនូវប្រសិទ្ធភាពដូច្នេះឆ្នាំ២០២១ ខ្ញុំបុលពីធនាគារគោលនយោបាយសង្គមបាន៥០លានដុងដើម្បីបើកទម្រង់ចិញ្ចឹម។ ចិញ្ចឹមគោការថែទាំតិច ចំណីរបស់គោគឺស្មៅនិងកាកសំណល់ពីកសិកម្មជួយបន្ថយប្រាក់ចំណាយក្នុងការចិញ្ចឹមដូច្នេះទើបគ្រួសារខ្ញុំចិញ្ចឹមរហូតមកដល់សព្វថ្ងៃ។ដោយការព្យាយាមរៀនសូត្របទពិសោធន៍ក្នុងការចិញ្ចឹមដូច្នេះគោគ្រួសារបងឆាប់ធំ ថ្មីៗនេះបងលក់២ក្បាល ទទួលបានប្រាក់៤៤លានដុង សព្វថ្ងៃក្នុងទ្រុងមានគោម៤ក្បាលនិងគោឈ្មោល១ក្បាល។ ប្រភពចំណូលពីការចិញ្ចឹមគោម៉្លោះហើយគ្រួសារខ្ញុំបានចាកផុតក្រនិងលំនឹងជីវភាពគ្រួសារ-បងសាយបានឱ្យដឹងដូច្នេះ។
 |
| បងគីមសាយ នៅភូមិកគោ ឃុំតឹងហ៊ឹង ស្រុកឡុងភូ (សុកត្រាំង) ឈានឡើងធូរធារអាស្រ័យទម្រង់ចិញ្ចឹមគោ។ |
សមិត្តង្វៀងហ៊ឺវខូយ-ប្រធានសមាគមកសិករឃុំតឹងហ៊ឹងបានឱ្យដឹង៖ ពេលកន្លង អាស្រ័យអនុវត្តទម្រង់ចិញ្ចឹមគោ ជ្រូក កង្កែប។ល។ ដូច្នេះទើបជីវភាពរបស់សមាជិក កសិករជាច្រើនលើភូមិដ្ឋានឃុំបានលំនឹងនិងធូរធារ។ សព្វថ្ងៃ មានប្រជាជនជាច្រើនគ្រួសារលើភូមិដ្ឋានឃុំបានរៀនសូត្រនិងអនុវត្តទម្រង់ដើម្បីលើកកម្ពស់ប្រាក់ចំណូល។ ពេលខាងមុខ ដើម្បីសមាជិកកសិករផលិតនាំមកនូវប្រសិទ្ធភាព សមាគមកសិករឃុំនឹងសហការជាមួយគណៈផ្នែកនានាជម្រើសបណ្តាទម្រង់ជាក់ស្តែង មានប្រសិទ្ធភាព បង្កើនការបង្វែរវិទ្យាសាស្រ្ត-បច្ចេកទេសចូលក្នុងការផលិត ទន្ទឹមនោះ សកម្មជំនួយទុនបុលអាទិភាពដើម្បីសមាជិកបើកទូលាយទម្រង់សម្រាប់បង្កើនប្រាក់ចំណូល ឈានឡើងធ្វើមានដោយស្របច្បាប់៕
ថាញ់វ៉ាង-សុផល
Thông tin bạn đọc
Đóng Lưu thông tin