ក្រុមប្រតិភូបានត្រួតពិនិត្យពីស្ថានភាពជាក់ស្តែងនៅគម្រោងផ្លូវខ្សែក្រវាត់ទី១ (ដោយគណៈគ្រប់គ្រងគម្រោងទី២ ធ្វើម្ចាស់វិនិយោគ) និងគម្រោងផ្លូវខ្សែក្រវាត់ទី២ (ដោយគណៈគ្រប់គ្រងគម្រោងទី១ ធ្វើម្ចាស់វិនិយោគ) នៅលើភូមិដ្ឋានទីក្រុងសុកត្រាំង។
 |
| ថ្នាក់ដឹកនាំគណៈកម្មាធិការប្រជាជនខេត្តនិងបណ្តាមន្ទីរ គណៈផ្នែកខេត្ត គណៈកម្មាធិការប្រជាជនសុកត្រាំង ពិនិត្យស្ថានភាពជាក់ស្តែងនៅគម្រោងផ្លូវខ្សែក្រវាត់ទី១។ |
គម្រោងផ្លូវខ្សែក្រវាត់ទី១ (កំណាត់ពីផ្លូវបែកបីឡេយឹង-ផាមហុង សង្កាត់ទី៨ដល់ផ្លូវត្រឹងក្វុកត្វង សង្កាត់ទី៦ទីក្រុងសុកត្រាំង) សុរបទុនវិនិយោគជាង៥៨០ពាន់លានដុង សរុបប្រវែងប្រហែល៤គីឡូម៉ែត្រ ទទឹងផ្លូវ២៦ម៉ែត្រ ផ្លូវសម្រាប់រថយន្ត១៤ម៉ែត្រ ចិញ្ចើមផ្លូវទាំងសងខាង២ម៉ែត្រ។ គម្រោងបានចាប់ផ្តើមតាំងពីឆ្នាំ២០២៤ គម្រោងចែកចេញជាពីរដំណាក់កាល មានពីរកញ្ចប់ម៉ៅការ គិតមកដល់បច្ចុប្បន្ន ដំណើរការដំណាក់កាលទី១ គឺយឺត៣,៣% ដំណើរការដំណាក់ទី២ គឺយ៉ាងយឺត។ មូលហេតុគឺនៅស្ទះការងាររំដោះផ្ទៃដី សព្វថ្ងៃមាន៦៩គ្រួសារមិនទាន់បានទទួលប្រាក់និងប្រគល់ដី។
គម្រោងផ្លូវខ្សែក្រវាត់ទី២ (កំណាត់ចាប់ពីផ្លូវផាមហុង សង្កាត់ទី៨ ទីក្រុងសុកត្រាំងដល់ផ្លូវជាតិលេខ៦០ ឃុំភូតឹងស្រុកចូវថាញ់)មានសរុបទុនវិនិយោគជិត៦១២ពាន់លានដុងសរុបប្រវែង៥,២៣គីឡូម៉ែត្រ ទទឹងផ្លូវ១៤ម៉ែត្រ ទទឹងកំណាត់ផ្លូវ៤០ម៉ែត្រ។ គម្រោងរួមមាន៣កញ្ចប់ម៉ៅការ បច្ចុប្បន្ន ស្ថិតក្នុងដំណាក់កាលអនុវត្តនៃការបូមខ្សាច់ K៩៥ K៩៨ នៅលើកំណាត់ផ្លូវសាងសង់ដោយថ្មប្រភេទ១និង២ ដាក់លូបង្ហូតទឹកបណ្តោយតាមផ្លូវ ដាក់លូទឹកទទឹងផ្លូវ កសាងក្បាលស្ពាន។ល។ សរុបដំណើរការមកដល់សព្វថ្ងៃ សម្រេចបាន៥៦%។ បើប្រៀបនឹងល្បឿនដំណើរការមានកញ្ចប់ម៉ៅការជាច្រើនបានអនុវត្តនៅយឺត។ មូលហេតុអាស្រ័យការស្ទះរំដោះផ្ទៃដី ពីព្រោះនៅមាន១៨គ្រួសារស្ថិតនៅក្នុងការសាងសង់នៅលើភូមិដ្ឋានសុកត្រាំង មិនទាន់បានប្រគល់ដីដោយមានមូលហេតុផ្សេងៗពីគ្នា។ ក្រៅពីនេះ មូលហេតុអនុវត្តគម្រោងនៅយឺតក៏មកពីអ្នកម៉ៅការដែរ។
 |
| សមមិត្តត្រឹងវ៉ាំងឡូវ-អនុលេខាបក្សខេត្ត ប្រធានគណៈកម្មាធិការប្រជាជនខេត្តសុកត្រាំង (ខាងឆ្វេង) និងបណ្តាសមាជិកក្រុមប្រតិភូត្រួតពិនិត្យបានស្តាប់របាយការណ៍អំពីការលំបាកក្នុងការអនុវត្តគម្រោងផ្លូវខ្សែក្រវាត់ទី២។ |
ឆ្លងតាមរបាយការណ៍នៃអ្នកវិនិយោគ គណៈកម្មាធិការប្រជាជនសុកត្រាំង ប្រធានគណៈកម្មាធិការប្រជាជនខេត្ត ត្រឹងវ៉ាំងឡូវ បានស្នើ គណៈកម្មាធិការប្រជាជនទីក្រុងសុកត្រាំង ផ្តោតលើការប្តេជ្ញាក្នុងការងាររំដោះផ្ទៃដី ពិនិត្យឡើងវិញ ក្តាប់ពីស្ថានភាពគ្រួសារនីមួយៗ ដើម្បីមានវិធានការផ្សព្វផ្សាយ ក្នុងនោះ អាទិភាពដល់ការឃោសនា ចលនាប្រជាជនអំពីទិសដៅ អត្ថន័យនៃគម្រោង បង្កការយល់ព្រម ឯកភាពរបស់ប្រជាជន។ ទន្ទឹងនឹងនោះ អនុវត្តបណ្តារបប គោលនយោបាយសុខុមាលភាពសង្គម ដើម្បីធានាបានជីវភាពរបស់ប្រជាជនដែលរងឥទ្ធិពលពីគម្រោង។ ករណីចាំបាច់ គឺអ្នកវិនិយោគ គណៈកម្មាធិការប្រជាជនទីក្រុងសុកត្រាំងនិងអង្គភាពសាងសង់សហការការពារការសាងសង់តាមការកំណត់នៃច្បាប់។ សមមិត្តត្រឹងវ៉ាំងឡូវ បានស្នើអ្នកវិនិយោគបណ្តាគម្រោងត្រូវពិនិត្យឡើងវិញនូវអ្នកម៉ៅការក្នុងការអនុវត្តគម្រោងប្រសិនបើអ្នកម៉ៅការណាដំណើរការយឺត ដោយមិនមានមូលហេតុត្រូវតែពិន័យតាមច្បាប់ ដើម្បីធានាបានគម្រោងនានាសម្រេចតាមផែនការដែលបានដាក់ចេញ៕
ហ្វាងឡាង-លីហាន់
Thông tin bạn đọc
Đóng Lưu thông tin