អនុវត្តគោលការណ៍របស់បក្សនិងរដ្ឋ ស្តីពីការបង្វែរឌីជីថលក្នុងសម័យបដិវត្តន៍ឧស្សាហកម្មលើកទី៤ ពិសេស ក្នុងស្មារតីនៃមហាសន្និបាតបក្ស លើកទី១៣ ក្រសួងជនជាតិនិងសាសនា (មុននេះ ជាគណៈកម្មាធិការជនជាតិ) បានជំនួយការឱ្យនាយករដ្ឋមន្ត្រីចេញសេចក្តីសម្រេចលេខ៤១៤/QĐ-TTg ចុះថ្ងៃទី១២ ខែមេសា ឆ្នាំ២០១៩ អនុម័តលើគម្រោង “បង្កើនការអនុវត្តបច្ចេកវិទ្យាព័ត៌មានជំនួយឧបត្ថម្ភនៅតំបន់ជនជាតិភាគតិចអភិវឌ្ឍសេដ្ឋកិច្ច-សង្គមនិងធានាបានសន្តិសុខសណ្តាប់ធ្នាប់នៅតំបន់ជនជាតិភាគតិចវៀតណាមដំណាក់កាល២០១៩-២០២៥”។ នៅខេត្តសុកត្រាំង គម្រោងនេះបានអនុវត្តព្រមៗគ្នាជាមួយនឹងខ្លឹមសារជាច្រើនដូច អនុវត្តឌីជីថលភាវូបនីយកម្ម ស្តង់ដារ បង្កើតមូលដ្ឋានទិន្នន័យអំពីជនជាតិជួយសេវាផ្ទុកទិន្នន័យ សន្និបាត ការឃោសនា ផ្សព្វផ្សាយលើកកម្ពស់ការយល់ដឹងស្តីពីការអនុវត្តបច្ចេកវិទ្យាព័ត៌មានដល់ជនជាតិភាគតិច សន្និបាតលើកកម្ពស់សមត្ថភាពអនុវត្តបច្ចេកវិទ្យាព័ត៌មាន ទំនាក់ទំនងសម្រាប់អ្នកបំពេញការងារជនជាតិពីខេត្តដល់មូលដ្ឋាន។
 |
| ថ្នាក់ហ្វឹកហាត់លើកកម្ពស់ការយល់ដឹង ស្តីពីការអនុវត្តបច្ចេកវិទ្យាព័ត៌មានដល់ជនជាតិភាគតិច ឆ្នាំ២០២៥ នៅទីរួមខេត្តវិញចូវ ខេត្តសុកត្រាំង។ |
នៅឆ្នាំ២០២៥ មន្ទីរជនជាតិនិងសាសនា ព្រមទាំងក្រុមហ៊ុនភាគហ៊ុនគៀងតាវញឹកតឹម បានសហការជាមួយគណៈកម្មាធិការប្រជាជនបណ្តាស្រុក ទីរួមខេត្ត ក្រុងនៅលើភូមិដ្ឋានខេត្តសុកត្រាំង បើកថ្នាក់ហ្វឹកហាត់ចំនួន៦ថ្នាក់ ស្តីពីការអនុវត្តបច្ចេកវិទ្យាព័ត៌មានដល់ជនជាតិភាគតិចនៅបណ្តាស្រុក ទីរួមខេត្តនិងក្រុង រួមមាន៖ ចូវថាញ់ ឡុងភូ ទីរួមខេត្តវិញចូវ ត្រឹងដេ ថាញ់ទ្រី មីស្វៀងនិងទីក្រុងសុកត្រាំង។ ថ្នាក់នីមួយៗមានរយៈពេល២ថ្ងៃ ដោយទាក់ទាញតំណាងជិត៦០០រូប ដែលជាអ្នកមានប្រិយភាពក្នុងសហគមន៍ចូលរួម។
ខ្លឹមសារនៃថ្នាក់ហ្វឹកហាត់ផ្តោតលើប្រធានបទជាក់ស្តែងដូច៖ សុវត្ថិភាពបរិស្ថានបណ្តាញបច្ចុប្បន្ន ជំនាញអន្តរកម្មឯកសារអនឡាយ ជំនាញកម្មវិធីបណ្តាញសង្គម។ សិក្ខាកាមទាំងឡាយនឹងបានបំប៉នបន្ថែមនូវចំណេះដឹង ជំនាញចាំបាច់ទាញយកព័ត៌មានលើគេហទំព័រព័ត៌មានផ្លូវការ បញ្ចូលកម្មវិធីនៅលើឧបករណ៍ទូរស័ព្ទប្រកបដោយសុវត្ថិភាពនិងប្រសិទ្ធភាព ជំនាញព្រៀងឯកសារតាមអ៊ីនធឺណិត ជំនាញបង្កើតនិងចូលរួមក្នុងការប្រជុំតាមអ៊ីនធឺណិត ជំនាញក្នុងការប្រើប្រាស់យ៉ាឡូ ហ្វេសប៊ុក ទីកតក់ ជំនាញក្នុងការចូលរួមទិញ លក់នៅលើវេទិកាពាណិជ្ជកម្មអេឡិចត្រូនិក។ល។
 |
| អ្នកមានប្រិយភាពចូលរួមថ្នាក់ហ្វឹកហាត់លើកកម្ពស់ការយល់ដឹង ស្តីពីការអនុវត្តបច្ចេកវិទ្យាព័ត៌មានដល់ជនជាតិភាគតិច ឆ្នាំ២០២៥ នៅស្រុកចូវថាញ់ ខេត្តសុកត្រាំង។ |
ចែករំលែកបន្ទាប់ពីចូលរួមថ្នាក់ហ្វឹកហាត់ ពូឌឹកថាញ់ អ្នកមានប្រិយភាពនៅភូមិភឿកអាង ឃុំភូតឹង ស្រុកចូវថាញ់ ឲ្យដឹង៖ ខ្ញុំសប្បាយចិត្តខ្លាំងពេលដែលបានចូលរួមថ្នាក់ហ្វឹកហាត់។ បន្ទាប់ពីចូលរួមថ្នាក់ហ្វឹកហាត់ ខ្ញុំចេះប្រើប្រាស់ទូរស័ព្ទទំនើប ដើម្បីអនុវត្តសេវាសាធារណៈ ស្វែងរកព័ត៌មានលើបណ្តាញ ប្រើប្រាស់បណ្តាញសង្គមនិងទិញទំនិញតាមអនឡាយ។ ខ្ញុំចែករំលែកចំណេះដឹងដល់មាមីងក្នុងភូមិ ដើម្បីអ្នករាល់គ្នាបានដឹងនិងធ្វើតាម។
តាមលោកត្រឹងខាក់ទ្រុង-នាយករងមន្ទីរជនជាតិនិងសាសនាខេត្តសុកត្រាំង៖ បង្វែរឌីជីថលនិងអនុវត្តបច្ចេកវិទ្យាព័ត៌មានជាភារកិច្ចដ៏សំខាន់ក្នុងការអនុវត្តប្រកបដោយប្រសិទ្ធភាពនូវកម្មវិធីទិសដៅជាតិអភិវឌ្ឍសេដ្ឋកិច្ច-សង្គម នៅតំបន់ជនជាតិភាគតិច។ នេះមិនត្រឹមតែជាការលើកទឹកចិត្តប៉ុណ្ណោះទេ ប៉ុន្តែក៏ជាឧបករណ៍ដើម្បីបង្កើនប្រសិទ្ធភាពក្នុងការគ្រប់គ្រងចង្អុលការរាយការណ៍ត្រួតពិនិត្យនិងវាយតម្លៃ។ នៅក្នុងតំបន់ជនជាតិភាគតិច ការបង្វែរឌីជីថលនិងអនុវត្តបច្ចេកវិទ្យាព័ត៌មាន កំពុងបានជំរុញដើម្បីបំប៉នចំណេះដឹងជំនាញជួយដល់អ្នកមានប្រិយភាពនិងអ្នកទទួលបន្ទុកយល់ច្បាស់និងឃោសនា ណែនាំជនរួមជាតិអំពីគោលការណ៍នៃការបង្វែរឌីជីថលនិងអនុវត្តបច្ចេកវិទ្យាព័ត៌មាន ដើម្បីជនរួមជាតិសាទរនិងមិនឈរនៅក្រៅនិន្នាការ។
អាចនិយាយបានថា ថ្នាក់ហ្វឹកហាត់បានផ្សព្វផ្សាយយ៉ាងខ្លាំងនូវការអនុវត្តបច្ចេកវិទ្យាព័ត៌មានក្នុងសហគមន៍ លើកកម្ពស់ការយល់ដឹងក្នុងជនជាតិភាគតិច ចូលរួមយ៉ាងសកម្មក្នុងការបង្វែរឌីជីថល បង្កើនការអនុវត្តបច្ចេកវិទ្យាព័ត៌មានក្នុងការអនុវត្តតម្រូវការសម្រាប់ដោះស្រាយសំណុំបែបបទរដ្ឋបាល សេវាសាធារណៈក្នុងបរិស្ថានអេឡិចត្រូនិក តាំងពីនោះ រួមចំណែកដល់ការលើកកម្ពស់ការអភិវឌ្ឍសេដ្ឋកិច្ច-សង្គម នៅភូមិភាគប្រកបដោយចីរភាព៕
ហុងទើ-លីហាន់
Thông tin bạn đọc
Đóng Lưu thông tin