តាមសមមិត្តលេវ៉ាំងម៉ាវ-លេខាបក្ស ប្រធានគណៈកម្មាធិការប្រជាជនឃុំវិញគ្វើយ ជាមួយការព្រួតដៃយ៉ាងសកម្មនៃទូទាំងប្រព័ន្ធនយោបាយនិងការស្របមតិរបស់ប្រជាជន អស់រយៈកាល៥ឆ្នាំខំប្រឹង វិញគ្វើយបានសម្រេចឃុំជនបទថ្មីលើកកម្ពស់។ ក្នុងនោះ ប្រាក់ចំណូលមធ្យមលើមនុស្សម្នាក់សម្រេចជាង៧១លានដុង/ឆ្នាំ អត្រាគ្រួសារក្រថយចុះនៅត្រឹមតែ២,៣៩% មានដងផ្លូវជាច្រើនស្អាត-បៃតងបង្កភាពលេចធ្លោសម្រាប់ការផ្លាស់ថ្មីពីទិដ្ឋភាពបរិស្ថាន រួមចំណែកធ្វើឱ្យផ្លាស់ប្តូរទិដ្ឋភាពជនបទនៅវិញគ្វើយពីមួយថ្ងៃកាន់តែស្អាតបាត។ ទន្ទឹមនោះ ហេដ្ឋារចនាសម្ព័ន្ធសេដ្ឋកិច្ច-សង្គមតែងបានវិនិយោគសម្រេចរួចរាល់ ជីវភាពសម្ភារៈនិងស្មារតីរបស់ជនរួមជាតិខ្មែរតែងបានកើនឡើង គម្លាតរវាងទីក្រុងនិងជនបទកាន់តែបំព្រួញ សន្តិសុខនយោបាយសណ្តាប់ធ្នាប់សុវត្ថិភាពសង្គមតែងបានធានា។
 |
| ដងផ្លូវគមនាគមន៍ជនបទនៅឃុំវិញគ្វើយ ទីរួមខេត្តង៉ាណាំ បានវិនិយោគកសាងស្អាតបាត។ |
យល់ពីភាពផ្លាស់ថ្មីរបស់ភូមិស្រុក ពូឡឹមអើ នៅភូមិវិញធ្វឹង ឃុំវិញគ្វើយនិយាយ៖ ពីមុនផ្លូវដីល្បាប់ ទឹកស្អាតប្រើប្រាស់ក៏គ្មាន សាលារៀនធ្វើដោយឈើ ប្រក់ស្លឹក។ល។ ជីវភាពរបស់មាមីងនរណាក៏ជួបការលំបាក ប៉ុន្មានឆ្នាំនេះ ដោយបានរដ្ឋវិនិយោគគ្រប់វិស័យ ម៉្លោះហើយមាមីងមានលក្ខណៈអភិវឌ្ឍសេដ្ឋកិច្ច ជីវភាពបានកើនឡើង តំបន់ជនបទក៏មានភាពអភិវឌ្ឍ។ សព្វថ្ងៃ ផ្ទះស្លឹកពីមុនបានជំនួសដោយផ្ទះថ្ម ផ្លូវដីល្បាប់បានជំនួសដោយផ្លូវបេតុងរាបរលូន សាលារៀនក៏បានកសាងរឹងមាំ ដូច្នេះប្អូនៗបានទៅរៀនគ្រប់ៗគ្នា។ល។ ពិសេសផ្លូវធំទូលាយ តភ្ជាប់ជាមួយភូមិភាគនានា រថយន្តបើកបរដល់មជ្ឈមណ្ឌលទីរួមខេត្តការដឹកជញ្ជូនកសិផលមានភាពងាយស្រួលដូច្នេះមាមីងខ្មែរចេះលក់ដូរធ្វើអាជីវកម្មដើម្បីធ្វើមាន។
ចំណែកពូយ័ញទឹក អ្នកមានប្រិយភាពនៅឃុំវិញគ្វើយបានឱ្យដឹង៖ ជនបទវិញគ្វើយសព្វថ្ងៃមិនចាញ់ទីក្រុង ផ្លូវធំទូលាយ ស្អាត-បៃតងនិងសុវត្ថិភាព រថយន្តកង់៤បើកបរដល់ផ្ទះ។ បច្ចុប្បន្ន ផ្ទះណាដែលមានលក្ខណៈអាចវិនិយោគការលក់ដូរ ធ្វើអាជីវកម្ម កាធ្វើស្រែក៏បានអនុវត្តវិទ្យាសាស្រ្តបច្ចេកទេសចូលក្នុងការផលិតដើម្បីសម្រេចទិន្នផលនិងគុណភាពខ្ពស់ កូនក្មួយដល់អាយុពលកម្មគឺបានរៀនរបរដើម្បីឧទ្ទេសនាមការងារធ្វើនៅក្រុមហ៊ុនក្នុងនិងក្រៅខេត្ត មានប្រាក់ចំណូលលំនឹង។ ទន្ទឹមនោះ ជីវភាពតែងបានកើនឡើង ផ្ទះថ្មស្អាតស្កឹមស្កៃសង់ថ្មីជាបន្តបន្ទាប់ជំនួសដោយផ្ទះស្លឹកពីមុន។
សមមិត្តលេវ៉ាំងម៉ាវបានឱ្យដឹងបន្ថែម៖ បន្តរក្សាលទ្ធផលដែលសម្រេចបាន ពេលខាងមុខ ឃុំនឹងកៀរគរប្រភពកម្លាំង លើកកម្ពស់បណ្តាលក្ខឋានជនបទថ្មីលើកកម្ពស់ឆ្ពោះទៅទិសដៅសម្រេចជនបទថ្មីគំរូ។
 |
| កសិករឃុំវិញគ្វើយ ទីរួមខេត្តង៉ាណាំចេះអនុវត្តវិទ្យាសាស្រ្តបច្ចេកទេសចូលក្នុងការផលិតស្រូវដូច្នេះទើបទិន្នផលសម្រេចបានខ្ពស់។ |
ដើម្បីតំបន់ជនរួមជាតិខ្មែរនៅឃុំវិញគ្វើយពីមួយថ្ងៃកាន់តែមានភាពផ្លាស់ថ្មីនិងអភិវឌ្ឍ ពេលខាងមុខ គណៈកម្មាធិការបក្ស រដ្ឋអំណាចឃុំនឹងបន្តផ្សព្វផ្សាយដោយប្រសិទ្ធភាពបណ្តាគោលនយោបាយ កម្មវិធី គម្រោងក្នុងតំបន់ជនជាតិភាគតិច។ ទន្ទឹមនោះ រួមចំណែកបង្កការលើកទឹកចិត្តដើម្បីជនរួមជាតិខ្មែរអភិវឌ្ឍសេដ្ឋកិច្ចគ្រួសារ បន្តពង្រីកប្រពៃណីសាមគ្គី ប្រឹងប្រែង ព្រួតដៃ ស្របមតិកសាងភូមិស្រុកមួយថ្ងៃកាន់តែល្អប្រសើរ អរិយធម៌៕
ដាលីន
Thông tin bạn đọc
Đóng Lưu thông tin