តាមសមមិត្តយឿងធីហុងញុង-ប្រធានសមាគមនារីឃុំវៀងប៊ិញ កំណត់ការជំនួយសមាជិកាអភិវឌ្ឍសេដ្ឋកិច្ចជាភារកិច្ចយ៉ាងសំខាន់ រាល់ឆ្នាំសមាគមនារីឃុំបានផ្សព្វផ្សាយកម្មវិធីជាក់ស្តែងជាច្រើនដូច ជំនួយទុននិងបទពិសោធន៍ក្នុងការផលិត។ តាមនោះ លេចឡើងទម្រង់សេដ្ឋកិច្ចមានប្រសិទ្ធភាពជាច្រើន នាំមកនូវប្រភពចំណូលជួយបងប្អូននារីឈានឡើងធូរធារ។
 |
| បងស្រីឡឹមធីញើង នៅភូមិតាអ៊ុង ឃុំវៀងប៊ិញ ស្រុកត្រឹងដេ(សុកត្រាំង) ឈានឡើងលំនឹង ជីវភាពអាស្រ័យប្រភពទុនពីធនាគារគោលនយោបាយសង្គម។ |
គំរូដូចបងស្រីឡឹមធីញើង នៅភូមិតាអ៊ុង ឃុំវៀងប៊ិញជាគ្រួសារឈានឡើងធូរធារអាស្រ័យសមាគមនារីឃុំឧទ្ទេសនាមឱ្យបុលទុនពីធនាគារគោលនយោបាយសង្គមស្រុក។ ជីវភាពគ្រួសារជួបការលំបាក គ្មានដីផលិតឆ្នាំ២០០០បងស្រីឡឹមធីញើងបានសមាគមនារីឃុំបង្កលក្ខណៈឱ្យបុលទុនពីធនាគារគោលនយោបាយសង្គមបាន៧លានដុងបងស្រីញើងអនុវត្តទម្រង់ចិញ្ចឹមជ្រូកមេ។ បងស្រីញើងបានឱ្យដឹង៖ ដំបូងមិនទាន់មានបទពិសោធន៍ ទុនក៏ស្តួចស្តើងម៉្លោះហើយខ្ញុំចិញ្ចឹមបានត្រឹមតែ២ក្បាលជ្រូកមេ ក្រោយមកដោយចិញ្ចឹមបណ្តើររៀនស្រូត្រនិងដកពិសោធន៍បណ្តើរ ទម្រង់តែងនាំមកនូវប្រសិទ្ធភាពដូច្នេះទើបខ្ញុំបើកទូលាយការចិញ្ចឹម។ សព្វថ្ងៃជ្រូកក្នុងទ្រុងគ្រួសារបងស្រីមានចំនួន១២ក្បាល ក្នុងនោះ ជ្រូកមេ១ក្បាលនិងជ្រូកសាច់១១ក្បាល។ បងស្រីញើងបានឱ្យដឹងបន្ថែម៖ ក្នុងមួយឆ្នាំជ្រូកកើតបានពីរលើក ក្នុងមួយលើកកើតបានពី៩-១០ក្បាលនិងចិញ្ចឹមជ្រូកសាច់ក្នុងមួយឆ្នាំខ្ញុំលក់បានពីរលើក ក្នុងមួយលើកលក់១០ក្បាល ជាមួយទម្ងន់ប្រហែល១០០គ.ក/ក្បាល តម្លៃពី៦០.០០០ដុង-៨០.០០០ដុង/គ.ក។ ថ្មីៗនេះគ្រួសារខ្ញុំទើបលក់ជ្រូកចំនួន១១ក្បាល ទទួលបានថវិកាប្រហែល៨០លានដុង។ ជាមួយប្រភពចំណូលជាង១០០លានដុង/ឆ្នាំ បានជួយគ្រួសារបងញើងមានជីវភាពល្អប្រសើរ។ ពេលខាងមុខ បងស្រីបម្រុងនឹងជួសជុលទ្រុងដើម្បីបើកទូលាយទម្រង់ចិញ្ចឹម បង្កើនប្រាក់ចំណូល។
 |
| បុលទុនពីធនាគារគោលនយោបាយសង្គមដើម្បីអនុវត្តទម្រង់ដាំដំណាំនៅវាលស្រែរបស់បងស្រីថាច់ធីគីមនឿង នៅភូមិតាអ៊ុង ឃុំវៀងប៊ិញ ស្រុកត្រឹងដេ(សុកត្រាំង)។ |
ចំណែកគ្រួសារបងស្រីថាច់ធីគីមនឿង នៅភូមិជាមួយគ្នាបានឱ្យដឹង៖ ពីមុនគ្រួសារខ្ញុំប្រកបរបរធ្វើស្រែ ប៉ុន្មានឆ្នាំនេះដោយឃើញមាមីងក្នុងភូមិភាគដាំខ្ទឹមលើដីស្រែនាំមកនូវប្រសិទ្ធភាព ដូច្នេះ ខ្ញុំបានយកដីស្រែ១.៥០០ម២ ដែលមិនធ្វើរដូវទី៣ ឆ្នាំ២០១៥គ្រួសារខ្ញុំបុលទុនពីធនាគារ គោលនយោបាយសង្គមដើម្បីវិនិយោគដាំខ្ទឹមស្លឹកលើដីស្រែ។ បានដឹង ខ្ទឹមស្លឹកងាយដាំ រយៈពេលលូតលាស់ខ្លី ដាំពី៤៥-៥០ថ្ងៃគឺអាចប្រមូលផលបាន។ ឆ្នាំនេះ អាកាសធាតុអំណោយផល មិនសូវមានដង្កូវក្រាដូច្នេះខ្ទឹមស្លឹកលូតលាស់ល្អ។ ជាមួយផ្ទៃដីដាំខ្ទឹមស្លឹក១.៥០០ម២ បម្រុងប្រមូលផលបានប្រហែល៦តោន ដោយតម្លៃពី៨.០០០-១៩.០០០ដុង/គ.ក ក្រោយពីផាត់ទាត់រួចរាល់គ្រួសារបងស្រីនៅចំណេញប្រហែល៣០លានដុង បងនឿងបានឱ្យដឹងដូច្នោះ។
សមមិត្តយឿងធីហុងញុង-ប្រធានសមាគមនារីឃុំវៀងប៊ិញបានឱ្យដឹង៖ ដោយប្រភពទុនបុលអាទិភាពរបស់ធនាគារគោលនយោបាយសង្គមស្រុកតែងរួមដំណើរជាមួយសមាជិកាបំផុតគឺសមាជិកាខ្មែរលើភូមិដ្ឋានឃុំ បង្កការងារធ្វើ មានលក្ខណៈអភិវឌ្ឍបណ្តាទម្រង់សេដ្ឋកិច្ចនាំមកនូវប្រសិទ្ធភាព។ ពេលខាងមុខ សមាគមសហការជាមួយបណ្តាផ្នែកជំនាញចាត់តាំងថ្នាក់ហ្វឹកហាត់ពីវិទ្យាសាស្រ្តបច្ចេកទេសឱ្យសមាជិកា ជំរុញប្រភព ទុនអាទិភាពដើម្បីសមាជិកាមានលក្ខណៈបើកទូលាយទម្រង់ផលិត បង្កើនប្រាក់ចំណូល ឈានឡើងធ្វើមានដោយស្របច្បាប់៕
ថាញ់វ៉ាង-សុផល
Thông tin bạn đọc
Đóng Lưu thông tin