 |
| ទិដ្ឋភាពនៃពិធីប្រជុំដើម្បីកំណត់គម្រោងនិងសំណង់គ្រប់លក្ខណៈចាប់ផ្តើមដំណើរការនិងសម្ពោធឆ្លង ដើម្បីអំណរខួបអនុស្សាវរីយ៍៨០ឆ្នាំនៃទិវាបុណ្យជាតិទី២ខែកញ្ញា។ |
តាមមន្ទីរហិរញ្ញវត្ថុ ឆ្លងតាមរបាយការណ៍របស់មន្ទីរ គណៈផ្នែកខេត្ត សុកត្រាំងបម្រុងមានគម្រោងនិងសំណង់ចំនួន៥អាស្រ័យរដ្ឋនិងឯកជនដែលគ្រប់លក្ខណៈដំណើរការកសាងឬក៏សម្ពោធឆ្លង ដើម្បីអំណរខួបអនុស្សាវរីយ៍៨០ឆ្នាំនៃទិវាបុណ្យជាតិ ទី២ ខែកញ្ញា។ ជាក់ស្តែងរួមមានដងផ្លូវអភិវឌ្ឍសេដ្ឋកិច្ចកើតឆៀងខាងលិចខេត្តសុកត្រាំង បង្ការ ទប់ស្កាត់បាក់ច្រាំងប្របមាត់សមុទ្រវិញចូវ ទីរួមខេត្តវិញចូវ ខេត្តសុកត្រាំង ដងផ្លូវខ្សែក្រវាត់២ ទីក្រុងសុកត្រាំង ផ្ទះនៅសហជីពនៅមណ្ឌលឧស្សាហកម្មអាងហ៊ីប ខេត្តសុកត្រាំង សាលាសកលអន្តរកម្រិត FPT។
ក្នុងពិធីប្រជុំនេះ មន្ទីរ គណៈផ្នែកខេត្ត បានរាយការណ៍លម្អិតពីទ្រង់ទ្រាយ ល្បឿនដំណើរការ បណ្តាការលំបាកនិងជំពាក់ជំពិនក្នុងការអនុវត្តបណ្តាសំណង់ គម្រោង បម្រុងពេលខាងមុខនឹងចាប់ផ្តើមដំណើរការនិងកសាងសម្រេច។ល។
ថ្លែងការណ៍ក្នុងពិធីប្រជុំ សមមិត្តឡឹមហ្វាងង៉ីប បានឯកភាព៣/៥សំណង់ដើម្បីអំណរខួបអនុស្សារវីយ៍៨០ឆ្នាំនៃទិវាបុណ្យជាតិទី២ ខែកញ្ញា ជាផ្លូវអភិវឌ្ឍសេដ្ឋកិច្ចខាងកើតឆៀងខាងលិច។ ផ្ទះនៅសហជីពនៅមណ្ឌលឧស្សាហកម្មអាងហ៊ីប ខេត្តសុកត្រាំង សាលាសកលអន្តរកម្រិតFPT។ ដើម្បីបណ្តាសំណង់និងគម្រោងធានាល្បឿនដំណើរការកសាងនិងសម្ពោធឆ្លង ក្នុងថ្ងៃទី១៩ ខែសីហា ឆ្នាំ២០២៥ តាមស្មារតីចង្អុលការរបស់នាយករដ្ឋមន្រ្តី សមមិត្តឡឹមហ្វាងង៉ីប បានប្រគល់ឱ្យការិយាល័យគណៈកម្មាធិការប្រជាជនខេត្ត ចេញឯកសារច្បាប់ដល់អ្នកវិនិយោគ ដើម្បីប្រមូលផ្តុំប្រភពកម្លាំងអនុវត្ត ធានាល្បឿនដំណើរការដែលបានដាក់ចេញ។ ទន្ទឹមនោះ ចំពោះបណ្តាសំណង់ គម្រោងដូច ស្ពានដាយង៉ាយ២ មណ្ឌលឧស្សាហកម្មត្រឹងដេ ផ្លូវខែ្សក្រវ៉ាត់ក្រុង II និងបណ្តាសំណង់ គម្រោងក៏បានជំរុញល្បឿនដំណើរការកសាងដើម្បីឆាប់បានដាក់ឱ្យប្រើប្រាស់។
ក្រៅពីនោះ អនុប្រធានប្រចាំការគណៈកម្មាធិការប្រជាជនខេត្ត ស្នើគណៈឃោសនាអប់រំនិងប្រជាចលនាបក្សខេត្ត មន្ទីរវប្បធម៌ កីឡានិងទេសចរណ៍សហការស្រាវជ្រាវ ស្នើជម្រើសបណ្តាទិន្នន័យ រូបភាព វត្ថុបុរាណនិងផ្សព្វផ្សាយឆ្លុះបញ្ចាំងដោយស្មោះត្រង់និងរស់រវើកពីសមិទ្ធផលលេចធ្លោក្នុងការអភិវឌ្ឍសេដ្ឋកិច្ច-សង្គមរបស់ខេត្ត ដែលសម្រេចបានក្នុងប៉ុន្មានឆ្នាំកន្លង ដើម្បីតាំងពិព័រណ៍នៅហាណូយនិងខេត្តនាខួបអនុស្សាវរីយ៍៨០ឆ្នាំនៃទិវាបុណ្យជាតិទី២ ខែកញ្ញា៕
ហ្វាងឡាង-សុផល
Thông tin bạn đọc
Đóng Lưu thông tin