 |
| បងស្រីឡឹមធីមីនេន នៅភូមិដូវយ៉ុង ទីរួមស្រុកត្រឹងដេ ស្រុកត្រឹងដេ (សុកត្រាំង) បានទទួលជំនួយលំនៅឋានថ្មីពី “កម្មវិធីបំបាត់ផ្ទះបណ្តោះអាសន្ន ផ្ទះទ្រុឌទ្រោម”។ |
ក្នុងប៉ុន្មានឆ្នាំកន្លង ដោយបានការយកចិត្តទុកដាក់ពីគណៈកម្មាធិការបក្ស រដ្ឋអំណាចភូមិភាគគ្រប់ថ្នាក់ ការឯកភាពរបស់សហគមន៍ អាជីវកម្មនិងប្រជាជនរៀងរាល់ឆ្នាំ ផ្ទះបណ្តោះអាសន្នរាប់រយខ្នងទ្រុឌទ្រោមនៅលើភូមិដ្ឋានទីរួមស្រុកត្រឹងដេបានជំនួសដោយផ្ទះរឹងមាំ។ បណ្តាផ្ទះថ្មីមិនត្រឹមតែជាកន្លែងនៅបាំងភ្លៀងខ្យល់ប៉ុណ្ណោះទេ នៅទាំងជាគ្រឹះសម្រាប់គ្រួសារលំនឹងជីវភាព ស្ងប់ចិត្តពលកម្មផលិត ដើម្បីកូនចៅទៅរៀន ឈានឡើងចាកផុតក្រស្ថេរភាព។
ភាពសប្បាយរីករាយដើមឆ្នាំរបស់គ្រួសារបងស្រីឡឹមធីមីនេន នៅភូមិដូវយ៉ុង ទីរួមស្រុកត្រឹងដេ ស្រុកត្រឹងដេ បានភូមិភាគប្រគល់ផ្ទះថ្មីរឹងមាំ តម្លៃ៦០លានដុង។ ជាគ្រួសារក្បែរក្ររបស់ភូមិភាគ ប៉ុន្មានឆ្នាំកន្លង គ្រួសារបងស្រីនេនត្រូវរស់នៅក្នុងផ្ទះចាស់ទ្រុឌទ្រោម ដោយគ្មានប្រាក់ជួសជុល។ ពេលដែល “កម្មវិធីបំបាត់ផ្ទះបណ្តោះអាសន្ន ផ្ទះទ្រុឌទ្រោម” បានអនុវត្តបញ្ហាលំបាកអំពីផ្ទះនៅរបស់គ្រួសារបងស្រីបានដោះស្រាយ។ ផ្ទះថ្មីរឹងមាំបានជំរុញទឹកចិត្តគ្រួសារឱ្យខិតខំអភិវឌ្ឍសេដ្ឋកិច្ច លំនឹងជីវភាពនិងចាកផុតក្រ។ មើលផ្ទះថ្មីរឹងមាំ បងស្រីនេនរំភើបចិត្តឱ្យដឹង៖ តាំងពីមានផ្ទះថ្មី ប្តីខ្ញុំស្ងប់ចិត្តពលកម្មរកប្រាក់ចំណូលផ្គត់ផ្គង់គ្រួសារ។ អរគុណចំពោះការយកចិត្តទុកដាក់គិតអានរបស់រដ្ឋអំណាចភូមិភាគដើម្បីឱ្យប្រជាជនមានជីវភាពកាន់តែស្ថិរភាព។
ដើមឆ្នាំ២០២៥ ឆ្លងតាមការត្រួតពិនិត្យ ទីរួមស្រុកត្រឹងដេមានគ្រួសារសរុបចំនួន២៣៩គ្រួ ដែលកំពុងប្រឈមមុខនឹងការលំបាកពីលំនៅឋានរួមមាន៤គ្រួសារក្បែរក្រ ១៤គ្រួសារមានសគុណជាមួយបដិវត្តន៍ ២២១គ្រួសារមានស្ថានភាពលំបាក បានស្នើសុំសង់ផ្ទះថ្មី។ ចាប់តាំងពីដើមឆ្នាំមក ទីរួមស្រុកបានបែងចែកផ្ទះនៅចំនួន៤៧ខ្នង បច្ចុប្បន្ន បានសាងសង់រួចរាល់និងប្រគល់ជូនប្រជាជនដាក់ឱ្យប្រើប្រាស់២៣ខ្នង សរុបថវិកាដែលបានឧបត្ថម្ភជិត២ពាន់លានដុង។
បន្ទាប់ពីទទួលបានការឧបត្ថម្ភផ្ទះរឹងមាំ ពូឌឿងខាយដាំង នៅភូមិដូវយ៉ុង ទីរួមស្រុកត្រឹងដេ ស្រុកត្រឹងដេ នៅតែខិតខំប្រឹងប្រែង ព្រោះផ្ទះនេះជាក្តីស្រមៃមួយជីវិត ដែលពូមិនដែលគិតថាអាចសាងសង់បាន។ គ្រួសារពូដាំងជាគ្រួសារក្បែរក្រ ស្ថានភាពគ្រួសារលំបាក ប៉ុន្មានឆ្នាំកន្លង ប្តីប្រពន្ធពូត្រូវរស់នៅក្នុងផ្ទះទ្រុឌទ្រោម។ ពូដាំងឱ្យដឹង៖ ដោយមានកម្មវិធីបំបាត់ផ្ទះបណ្តោះអាសន្ន ផ្ទះទ្រុឌទ្រោម ខ្ញុំបានឧបត្ថម្ភ៦០លានដុង ដើម្បីសាងសង់ថ្មីរឹងមាំ។ ខ្ញុំមិនខ្លាចអំពីភ្លៀងខ្យល់ទៀតឡើយ ខ្ញុំអាចស្ងប់ចិត្តទៅសមុទ្រដើម្បីរកចំណូលផ្គត់ផ្គង់ជីវភាពគ្រួសារ។
បងង្វៀងហុងក្វាង-អនុប្រធានគណៈកម្មាធិការប្រជាជនទីរួមស្រុកត្រឹងដេចែករំលែក៖
បំបាត់ផ្ទះបណ្តោះអាសន្ន ផ្ទះទ្រុឌទ្រោមនៅលើភូមិដ្ឋាន គឺជាភារកិច្ចបន្ទាន់ បង្ហាញពីភាពមនុស្សសាស្ត្រជ្រាលជ្រៅក្នុងគោលបំណងធានាសុខុមាលភាពសង្គមនិងលើកកម្ពស់គុណភាពជីវភាពរបស់ប្រជាជន។ នាពេលខាងមុខ គណៈកម្មាធិការបក្ស រដ្ឋអំណាចភូមិភាគគ្រប់ថ្នាក់នឹងបន្តពិនិត្យស្ថិតិ កំណត់យ៉ាងច្បាស់នូវមុខសញ្ញាដែលត្រូវការជំនួយ កៀរគរប្រភពកម្លាំងពីថវិការដ្ឋ ប្រភពកម្លាំងសង្គមូបនីយកម្មនិងរួមកម្លាំងរបស់សហគមន៍ដើម្បីរួមកម្លាំងកសាងលំនៅឋានជូនប្រជាជន ជួយប្រជាជនស្ងប់ចិត្ត “បង្កបង្កើនផល” កែលម្អជីវភាពគ្រួសារឈានឡើងចាកផុតក្រស្ថេរភាព។
ទិសដៅរបស់ទីរួមស្រុកត្រឹងដេដែលបានដាក់ចេញគឺក្នុងឆ្នាំនេះ នឹងសម្រេចផ្ទះទាំងអស់តាមផែនការ។ ដើម្បីសម្រេចបានទិសដៅនោះ រដ្ឋអំណាចភូមិភាគបានប្រមូលផ្តុំប្រព័ន្ធនយោបាយ ប្រមូលផ្តុំប្រភពកម្លាំងឧបត្ថម្ភពីសហគមន៍សង្គម មានយន្តការត្រួតពិនិត្យតម្លាភាព អាទិភាពលើមុខសញ្ញាត្រឹមត្រូវជៀសវាងការខកខាន ធានាផ្ទះនីមួយៗដែលបានសាងសង់គឺជាជំហានឆ្ពោះទៅមុខយ៉ាងពិតប្រាកដក្នុងដំណើរការនៃការបំបាត់អត់ បន្ថយក្រស្ថេរភាព បង្កើនការឃោសនាបង្កការមូលមតិគ្នាក្នុងសង្គមសម្រាប់ប្រជាជន អាជីវកម្មគាំទ្រ ចែករំលែក សហគមន៍រួមកម្លាំងឧបត្ថម្ភ។ តាំងពីនោះ លទ្ធផលចុងក្រោយគឺជួយប្រជាជន “បង្កបង្កើនផល” ឈានឡើងក្នុងជីវភាព។
បណ្តាផ្ទះថ្មីបានសង់ឡើងតាមលក្ខឋានរឹងចំនួន៣ ខឿនរឹង គ្រោងរឹងនិងដំបូលរឹង បំពេញតម្រូវការប្រចាំថ្ងៃ លំនឹងជីវភាពជូនមាមីងស្រុកត្រឹងដេ។ ពីបណ្តាផ្ទះថ្មី បានបង្កលក្ខណៈដល់គ្រួសារមានកម្លាំងចិត្តឈានឡើងអភិវឌ្ឍសេដ្ឋកិច្ច “បង្កបង្កើនផល” ចាកផុតក្រស្ថេរភាព៕
ហុងទើ-លីហាន់
Thông tin bạn đọc
Đóng Lưu thông tin