 |
| បងថាច់វ៉ាំងគើ (ខាងស្តាំ) ពិនិត្យផ្សិតអំបោះក្នុងកសិដ្ឋាន។ |
ដើមឆ្នាំ២០២៤ ពេលអាយុ៣០ឆ្នាំ បងថាច់វ៉ាំងគើបានផ្តើមអាជីពពីផ្សិតអំបោះ។ បងបានវិនិយោគសរុបចំនួន២៥០លានដុងនៅខាងក្នុងបងរចនាធ្វើធ្នើរដែកចំនួន៩ ធ្នើរនីមួយៗមានប្រវែងប្រហែល៥ម៉ែត្រនិង៤ថ្នាក់សម្រាប់ដាក់មេផ្សិត។ បងរៀបចំមេផ្សិតដាក់គរលើគ្នាដើម្បីឱ្យផ្សិតបានលូតលាស់ល្អផង ធានាបានការដាំផង ដើម្បីសម្រេចបានទិន្នផលខ្ពស់។
អស់រយៈពេលជាង១ឆ្នាំផ្សារភ្ជាប់ជាមួយទម្រង់ដាំផ្សិត បច្ចុប្បន្ន កសិដ្ឋានផ្សិតរបស់បងអាចផលិតមេផ្សិតប្រហែល២៥.០០០ថង់។ ថ្វីដ្បិតតែលើកដំបូងទើបនឹងដាំផ្សិតអំបោះក៏ដោយ ប៉ុន្តែប្រសិទ្ធភាពសេដ្ឋកិច្ចមានភាពវិជ្ជមាន។ បងវ៉ាំងគើចែករំលែក៖ ក្នុងការដាំសាកល្បងលើកដំបូង ខ្ញុំបាននាំចូលមេផ្សិតចំនួន៥.០០០ថង់ ដោយតម្លៃ២៥លានដុង។ មេផ្សិតមានតម្លៃ៥.០០០ដុង/ថង់ប្រសិនបើទិញនៅកឹងធើ តម្លៃ៥.៥០០/ថង់ប្រសិនបើទិញនៅគូជី។ ដោយសារផ្សិតលូតលាស់ល្អ ក្រោយពេលប្រមូលផល ខ្ញុំរកចំណូលបានជាង៤០លានដុង។
បន្ទាប់ពីនាំចូលមេផ្សិតប្រហែល៦០ថ្ងៃគឺផ្សិតអាចប្រមូលផលបាន។ ចាប់ពីប្រមូលផលផ្សិតដំបូង ឃ្លាត១៥ថ្ងៃអាចប្រមូលផលម្ដង។ បច្ចុប្បន្ន មានមេផ្សិតប្រហែល២០.០០០ថង់ មេផ្សិតកធំអាចប្រមូលផល បានពី៤-៥ដង មេផ្សិតកតូចប្រមូលផលពី៧-៨ដង ជាមួយនឹងទម្ងន់ផ្សិតដែលប្រមូលបានពី២០០-២៥០ក្រាមក្នុងថង់នីមួយៗ។ បន្ទាប់ពីមេផ្សិតមិនលូតលាស់ទៀត បងយកមេផ្សិតទាំងអស់ទៅបណ្តុះផ្សិតចំបើង។ បន្ទាប់ពីប្រមូលផលផ្សិតបងយកទៅលក់នៅផ្សារក្នុងតម្លៃពី៦៥.០០០-៧០.០០០ដុង/គីឡូក្រាម ចំណែកផ្សិតអំបោះលក់ដុំឱ្យកន្លែងប្រមូលទិញក្នុងតម្លៃ៤៣.០០០ដុង/គីឡូក្រាម។ ជាមួយ មេផ្សិតចំនួន២០.០០០ថង់នោះ ក្នុងមួយលើកបន្ទាប់ពីគិតការចំណាយរួចចំណេញប្រហែល៧០លានដុង។
ផ្សិតអំបោះជាកសិផលស្អាត មិនប្រើថ្នាំឬជីគីមី ហើយជាអាហារមានជីវជាតិ ងាយស្រួលក្នុងការដាំនិងថែទាំ។ ទោះជាយ៉ាងណាក៏ដោយ ផ្សិតក៏នឹងកើតមានជំងឺដុះផ្សិតនិងជំងឺសត្វល្អិត។ ដើម្បីបង្ក បរិស្ថានលូតលាស់ល្អ ចាំបាច់ត្រូវផ្គត់ផ្គងទឹកឱ្យបានគ្រប់គ្រាន់ រក្សាសំណើមនិងរក្សាទុកផ្សិតឱ្យបានត្រឹមត្រូវតាមបច្ចេកទេស។ តាមបងគើ បច្ចេកទេសដាំផ្សិតអំបោះមិនពិបាកដូចផ្សិតដទៃ គ្រាន់តែក្តាប់ឱ្យច្បាស់ពីរបៀបបច្ចេកទេសនិងបណ្តាកត្តាបរិស្ថានដូចសំណើម ខ្យល់និងការពារសត្វល្អិត។ មេផ្សិតមានភាពសម្របខ្លាំងជាមួយខ្យល់ ដូច្នេះ ត្រូវដាំនៅកន្លែងគ្មានខ្យល់និងត្រូវបង្ការរុយផ្លៃឈើព្រោះវានឹងស៊ីសរសៃផ្សិត។
សំណើមនៅក្នុងកសិដ្ឋានផ្សិតត្រូវតែរក្សាពី២៤-២៥°C ដូច្នេះ ត្រូវស្រោចទឹកឱ្យបានទៀងទាត់ជារៀងរាល់ថ្ងៃ។ បងឱ្យដឹង ពេលមិនទាន់ដាក់ប្រព័ន្ធស្រោចស្វ័យប្រវត្តិ កន្លះម៉ោងត្រូវស្រោចទឹកម្តង។ បច្ចុប្បន្ន បងបានដាក់ប្រព័ន្ធស្រោចស្វ័យប្រវត្តិ៥នាទីស្រោចម្តង។
ជាមួយនឹងចំណេះដឹងជំនាញផ្នែកកសិកម្មនិងការរៀនសូត្រដោយខ្លួនឯង ក្នុងដំណើរនៃការផលិត បងថាច់វ៉ាំងគើ បានកំណត់ច្បាស់ការយល់ដឹងនិងបង្ការ ជំងឺលើផ្សិតអំបោះយ៉ាងឆាប់រហ័ស។ អាស្រ័យហេតុនេះ បងរក្សាបានគុណភាពផ្សិតនិងបន្ថយហានិភ័យក្នុងពេលផលិត។ បងឱ្យដឹង ការក្តាប់ច្បាប់ពីរបៀបថែទាំនិងបង្ការជំងឺគឺជាកត្តាសំខាន់មួយក្នុងការជួយបងអភិវឌ្ឍទម្រង់ដាំផ្សិតប្រកបដោយប្រសិទ្ធភាព។
បងស៊ើងមិញថេ-លេខាសាខាបក្សភូមិព្រែកឈ្វេង ឱ្យដឹង៖ កសិដ្ឋានដាំផ្សិតអំបោះរបស់ប្អូនថាច់វ៉ាំងគើ ជាទម្រង់ដំបូងនៅឃុំថាញ់ភូ នេះជាទម្រង់ថ្មីដើម្បីជួយអភិវឌ្ឍសេដ្ឋកិច្ចគ្រួសារ។ ការអភិវឌ្ឍទម្រង់ដាំផ្សិតអំបោះមិនត្រឹមតែជួយបង្កើនប្រាក់ចំណូលដល់ប្រជាជនប៉ុណ្ណោះទេ នៅទាំងរួមចំណែកដល់ការបង្វែររចនាសម្ព័ន្ធដំណាំលើកកម្ពស់ប្រសិទ្ធភាពសេដ្ឋកិច្ចកសិកម្មនៅភូមិភាគ៕
វឌ្ឍា - លីហាន់
Thông tin bạn đọc
Đóng Lưu thông tin