 |
| គ្រួសារចិញ្ចឹមជ្រូកលើភូមិដ្ឋានខេត្តសុកត្រាំងរីករាយពេលតម្លៃជ្រូកកើនខ្ពស់។ |
ជាង៣០ឆ្នាំចិញ្ចឹមជ្រូក ពូផាមវ៉ាំងវូ ឃុំឡុងហ៊ឹង ស្រុកមីទូមានច្រើនបទពិសោធន៍ក្នុងការចិញ្ចឹមជ្រូក។ ពូវូឱ្យដឹង៖ ដើម្បីចិញ្ចឹមជ្រូកមានចំណូលល្អ ច្រើនឆ្នាំកន្លង ខ្ញុំជ្រើសចិញ្ចឹមជ្រូកមេ ធម្មតាខ្ញុំចិញ្ចឹមជ្រូកមេ២ក្បាល ជ្រូកកើត២លើក/ឆ្នាំ (ជាង៥០ក្បាល/ឆ្នាំ) ចំនួនជ្រូកកើតជាង១ខែនិងលក់ជ្រូកពូជ រាល់លើកខ្ញុំទុកប្រហែល១០ក្បាលចិញ្ចឹមលក់ជ្រូកសាច់។ គិតដោយឡែកក្នុងឆ្នាំ២០២៥នេះ ខ្ញុំទើបលក់នៅចុងខែមីនាកន្លងហើយចំនួន៨ក្បាល តម្លៃលក់៧៤.០០០ដុង/គីឡូក្រាម ទូទាត់ថវិការួចចំណេញជាង៣២លានដុង។ ក្រៅពីនោះ ខ្ញុំនៅលក់ជ្រូកព្រៃចំនួន៣០ក្បាល ទូទាត់ថវិការួចនៅចំណេញជាង២លានដុង/ក្បាល។ សព្វថ្ងៃ ខ្ញុំកំពុងបន្តថែទាំហ្វូងជ្រូកមេបង្រុមនឹងកើតលើកបន្ទាប់ក្នុងឆ្នាំនិងបម្រុងទុកមក១០ក្បាលចិញ្ចឹមលក់សាច់។ ដ្បិតសព្វថ្ងៃតម្លៃជ្រូកសាច់យ៉ាងល្អ គ្រួសារមានចំណេញខ្ពស់ជាង៣០% ប្រៀបនិងឆ្នាំមុន។ បើដូចតម្លៃសព្វថ្ងៃគឺចំណេញពីលក់ជ្រូកសាច់ ជ្រូកព្រៃខ្ញុំមានចំណូលបានជាង១៥០លានដុង/ឆ្នាំ។ ជាង២០ឆ្នាំចិញ្ចឹមជ្រូកដ្បិតនៅជួបការលំបាក តែពូស៊ើងតុង ឃុំអាងនិញ ស្រុកចូវថាញ់នៅតែរក្សាចិញ្ចឹមជ្រូក។ ពូតុងឱ្យដឹង៖ ខ្ញុំចិញ្ចឹមជ្រូក៣លើក/ឆ្នាំជាមួយបរិមាណចិញ្ចឹមរាល់លើក២៥ក្បាល។ ជ្រូកចិញ្ចឹម៣,៥ខែគឺលក់បាន។ ដើម្បីលក់បានថ្លៃ ខ្ញុំចែកពេលលក់ត្រូវតាមខណៈពេលជិតបុណ្យតេតឬសែនឆេងម៉េង ខណៈពេលនេះតម្លៃជ្រូកកើនជាងថ្ងៃធម្មតា។ ដូចកាលបុណ្យឆេងម៉េងកន្លងហើយខ្ញុំលក់ជ្រូកសាច់បាន១០ក្បាលតម្លៃ៧០.០០០ដុង/គីឡូក្រាមជ្រូកសាច់ ទូទាត់ថវិការួចនៅចំណេញ៤លានដុង/ក្បាល។
សមមិត្តដាវវ៉ាំងបៃ អនុប្រធានសាខាស្នងការចិញ្ចឹមនិងពេទ្យសត្វខេត្តសុកត្រាំងឱ្យដឹង៖ សព្វថ្ងៃជ្រូកសាច់កើនខ្ពស់ជួយឱ្យអ្នកចិញ្ចឹមជ្រូកមានចំណេញច្រើន។ តាំងពីនោះការអភិវឌ្ឍហ្វូងជ្រូកបានងាយស្រួល បណ្តាគ្រួសារចិញ្ចឹមជ្រូកត្រូវចាក់វាក់សាំងបង្ការជំងឺគ្រប់គ្រាន់ឱ្យជ្រូកនិងអនុវត្តបណ្តាវិធានការសុវត្ថិភាពក្នុងចិញ្ចឹមដូចអនាម័យកំចាត់រោគទ្រុងចិញ្ចឹម ពិនិត្យកំចាត់រោគ បណ្តាសម្ភារៈឧបករណ៍ចិញ្ចឹមជ្រូក៕
ធ្វីលីវ - ធូថាវ
Thông tin bạn đọc
Đóng Lưu thông tin