 |
| កម្មវិធីឃោសនាខ្លឹមសារទំនាក់ទំនងពីការបន្ថយភាពក្រីក្រ។ |
ទីរួមខេត្តង៉ាណាំមានជាង៦% ជាជនជាតិភាគតិចរស់នៅប្រមូលផ្តុំក្នុងឃុំចំនួន២ គឺឃុំវិញគ្វើយនិងឃុំតឹងឡុង។ ប្រជាជននៅទីនេះភាគច្រើនប្រកបរបរកសិកម្មនិងមួយចំនួនតិចប្រកបរបរធ្វើអាជីវកម្ម លក់ដូរតូច។ ពេលកន្លង បានយកចិត្តទុកដាក់របស់គណៈកម្មាធិការបក្ស រដ្ឋអំណាចភូមិភាគគ្រប់ថ្នាក់ ការងារបន្ថយក្រនៅតំបន់ជនជាតិភាគតិចតែងតែផ្តោតលើការយកចិត្តទុកដាក់និងលើកកម្ពស់ តាំងពីនោះ ធ្វើឱ្យជីវភាពសម្ភារៈនិងស្មារតីរបស់ប្រជាជន ទិដ្ឋភាពជនបទកាន់តែរីកចម្រើន។
ក្នុងឆ្នាំ២០២៤ ទីរួមខេត្តង៉ាណាំបានអនុវត្តយ៉ាងមានប្រសិទ្ធភាពនូវកម្មវិធីទិសដៅជាតិបន្ថយក្រស្ថេរភាព ឆ្លងតាមគម្រោងដូច របរសម្បូរបែប អភិវឌ្ឍទម្រង់បន្ថយក្រ ឧបត្ថម្ភអភិវឌ្ឍផលិតបង្កើនជាតិបំប៉ន អភិវឌ្ឍការអប់រំរបរ ការងារប្រកបដោយស្ថេរភាព លើកកម្ពស់សមត្ថភាពនិងការត្រួតពិនិត្យវាយតម្លៃនៃកម្មវិធី។ សរុបថវិកាអនុវត្តជាង៦ពាន់លានដុង។ បន្ទាប់ពីទទួលការឧបត្ថម្ភជ្រូកពីគម្រោងរបរសម្បូរបែប អភិវឌ្ឍទម្រង់បន្ថយក្រ មីងយឿងធីហ្វា នៅភូមិវិញធ្វឹង ឃុំវិញគ្វើយ ទីរួមខេត្តង៉ាណាំសប្បាយរីករាយនិងរំភើបចិត្តជាខ្លាំង។ គ្រួសារមីងជួបការលំបាក កូនៗរៀបការហើយទៅធ្វើការនៅឆ្ងាយមីងនៅផ្ទះចិញ្ចឹមចៅម្នាក់ឯង គាត់រំភើបចិត្តណាស់ដែលទទួលបានការឧបត្ថម្ភជ្រូកចំនួន៥ក្បាល ពីកម្មវិធីបន្ថយក្រ ចាប់ពីពេលនេះទៅ មីងអាចនៅផ្ទះមើលថែចៅ មានរបរសម្រាប់អភិវឌ្ឍសេដ្ឋកិច្ចគ្រួសារ។ បានកម្មាភិបាលឃុំយកចិត្តទុកដាក់ ណែនាំយ៉ាងអស់ពីចិត្តអំពីបច្ចេកទេសចិញ្ចឹមជ្រូក ដូច្នេះ ជ្រូករបស់មីងឆាប់ធំ មីងហ្វាឱ្យដឹងដូច្នេះ។
លោកត្រឹងមិញជីវ-អនុប្រធានគណៈកម្មាធិការប្រជាជនឃុំវិញគ្វើយឱ្យដឹង៖
ពេលកន្លង បានការយកចិត្តទុកដាក់ពីរដ្ឋអំណាចគ្រប់ថ្នាក់ ការងារបន្ថយក្រតែងទទួលបានការយកចិត្តទុកដាក់ពិសេសពីឃុំ ក្នុងឆ្នាំ២០២៤ ឃុំវិញគ្វើយបានបង្កើតក្រុមចិញ្ចឹមជ្រូកសាច់ដោយមាន១៤គ្រួសារចូលរួម ក្នុងនោះ មានគ្រួសារខ្មែរចំនួន៥គ្រួ សរុបថវិកាឧបត្ថម្ភជាង៧០០លានដុង គ្រួសារនីមួយៗទទួលបានជ្រូកចំនួន៥ក្បាលនិងចំណី៣០បាវ។ អាស្រ័យហេតុនេះ គ្រួសារក្រនិងគ្រួសារក្បែរក្រជាច្រើនខិតខំធ្វើការរកស៊ីមានលក្ខណៈក្នុងការអភិវឌ្ឍសេដ្ឋកិច្ចឈានឡើងចាកផុតក្រស្ថេរភាព។
ក្រៅពីគម្រោងស្តីពីរបរសម្បូរបែបនិងអភិវឌ្ឍទម្រង់បន្ថយក្រ ទីរួមខេត្តង៉ាណាំក៏យកចិត្តទុកដាក់ពិសេសក្នុងការអនុវត្តគម្រោងការទំនាក់ទំនងដោយមានគោលបំណងលើកកម្ពស់គុណភាព បម្រើល្អនូវការងារព័ត៌មាន ការឃោសនានៅភូមិភាគស្តីពីការងារបន្ថយក្រនិងបណ្តាទម្រង់ បទពិសោធន៍ របៀបធ្វើល្អក្នុងពលកម្មផលិតអាជីវកម្ម ដើម្បីប្រជាជនអនុវត្តប្រកបដោយប្រសិទ្ធភាព។ ចំពោះអនុគម្រោងបន្ថយក្រផ្នែកព័ត៌មានទីរួមខេត្តបានចាត់តាំងសន្និបាតហ្វឹកហាត់ដើម្បីបង្កើនសមត្ថភាពដល់កម្មាភិបាលជិត៨០រូប ដែលទទួលបន្ទុកផ្នែកព័ត៌មាន ឃោសនាចំពោះអនុគម្រោងពីបន្ថយភាពក្រីក្រ ទីរួមខេត្តបានផ្សព្វផ្សាយនិងចាត់តាំងកម្មវិធី ឃោសនាខ្លឹមសារទំនាក់ទំនងបន្ថយភាពក្រីក្រ ដើម្បីពង្រឹងការងារទំនាក់ទំនងរួមបញ្ចូលស្ថិរភាពអនុវត្តទម្រង់ប្រកបដោយប្រសិទ្ធភាពនិងបើកទូលាយ។
លោកបាន់ភឿកអាង-អនុប្រធានគណៈកម្មាធិការប្រជាជនទីរួមខេត្តង៉ាណាំឱ្យដឹង៖
ដោយមានគោលដៅជំរុញការបន្ថយភាពក្រីក្រនៅតំបន់ជនជាតិភាគតិច បន្ថយគម្លាតអភិវឌ្ឍន៍បណ្តាជនជាតិបន្តិចម្តងៗបន្ថយតំបន់នៃការលំបាកពិសេស បង្កើតជាបណ្តើរៗនូវមជ្ឈមណ្ឌលសេដ្ឋកិច្ច វប្បធម៌នៅតំបន់ជនជាតិភាគតិច។ នាពេលកន្លង ដោយបានការយកចិត្តទុកដាក់និងបង្កលក្ខណៈងាយស្រួល របស់គណៈកម្មាធិការបក្ស រដ្ឋអំណាចគ្រប់ថ្នាក់ តាំងពីនោះ ហេដ្ឋារចនាសម្ព័ន្ធនិងជីវភាពតំបន់ជនជាតិភាគតិចនៅលើភូមិដ្ឋានទីរួមខេត្តង៉ាណាំបានផ្លាស់ប្តូរយ៉ាងខ្លាំង។ នេះជាកម្លាំងទំនុកចិត្តសម្រាប់ ជនរួមជាតិខ្មែររួមកម្លាំង រួមមតិអភិវឌ្ឍសេដ្ឋកិច្ច បន្ថយក្រស្ថេរភាព កសាងភូមិស្រុកកាន់តែរីកចម្រើន។ ឆ្លងតាមការពិនិត្យនៅចុងឆ្នាំ២០២៤ ទូទាំងទីរួមខេត្ត មានគ្រួសារក្រត្រឹមតែ១៥០គ្រួ ស្រូបអត្រា០,៧% ក្បែរក្រ១.២១២គ្រួ ស្រូបអត្រា៥,៩%។
អាចនិយាយបានថា មកដល់ពេលនេះ ជីវភាពសម្ភារៈនិងស្មារតីរបស់មាមីងជនជាតិភាគតិចភាគច្រើនមានការផ្លាស់ប្តូរយ៉ាងសកម្ម។ ដោយបានការយកចិត្តទុកដាក់ ឧបត្ថម្ភរបស់គណៈផ្នែកបានពង្រឹងទំនុកចិត្តរបស់ប្រជាជនលើការដឹកនាំរបស់បក្ស រដ្ឋអំណាចគ្រប់ថ្នាក់ រួមចំណែកបង្កើនផែនមហាសាមគ្គីទូទាំងជនជាតិ៕
ហុងទើ-លីហាន់
Thông tin bạn đọc
Đóng Lưu thông tin