មិននៅក្នុងផ្ទះចង្អៀតបណ្តោះអាសន្នទៀត ក្តីរីករាយចំពោះគ្រួសារមីងស៊ើងធីសង នៅភូមិចាក់ទឹង ឃុំតាយវ៉ាំង ស្រុកត្រឹងដេជាគ្រួសារមួយក្នុងចំណោមច្រើនគ្រួសារមានផ្ទះថ្មីពីកម្មវិធីបំបាត់ផ្ទះបណ្តោះអាសន្នផ្ទះទ្រុឌទ្រោមរបស់រដ្ឋាភិបាល។ ពេលនេះមីងស្ងប់ចិត្តពេលមានកន្លែងនៅកក់ក្តៅមិនបារម្ភភ្លៀងខ្យល់ទៀត។ ខ្ញុំអគុណថ្នាក់ដឹកនាំគ្រប់ថ្នាក់និងមាមីងជិតខាងបានយកចិត្តទុកដាក់ឧបត្ថម្ភកសាងផ្ទះឱ្យខ្ញុំ ចូលឆ្នាំថ្មីឆ្នាំនេះគ្រួសារខ្ញុំពិតជាសុភមង្គល។ មីងសងចែករំលែក។ ឯពូស៊ើងផននៅភូមិបឹងចុង ឃុំតាយវ៉ាំង ស្រុកត្រឹងដេមិនលាក់បានក្តីរំភើបឱ្យដឹង៖ មុននេះខ្ញុំនិងពួកកូនរស់ក្នុងផ្ទះទ្រុឌទ្រោម រាល់ពេលភ្លៀងផ្ទះលេចមុខលេចក្រោយ។ មុនបុណ្យតេតបានរដ្ឋអំណាចភូមិភាគសង់ផ្ទះមហាសាមគ្គី ឥឡូវផ្ទះខ្ញុំមាំមួនណាស់មិននៅបារម្ភពេលមេឃភ្លៀងទៀត។ ពីពេលនេះទៅគ្រួសារខ្ញុំស្ងប់ចិត្តពលកម្ម អភិវឌ្ឍសេដ្ឋកិច្ច។ រួមក្តីរីករាយដូចគ្រួសារមីងសងនិងពូផន ពូលីថាញ់ទៀងជាគ្រួសារគោលនយោបាយជនជាតិខ្មែរនៅភូមិបើដឹប ឃុំតាយវ៉ាំង ស្រុកត្រឹងដេក៏បានទទួលឆ្នាំថ្មីក្នុងផ្ទះថ្មីកក់ក្តៅ។ ទឹកមុខញញឹមប្រិមប្រិយពូទៀងឱ្យដឹង៖ អាយុ៧៦ឆ្នាំហើយខ្ញុំគ្មានអ្វីសង្ឃឹមជាងពេលបានរស់ក្នុងផ្ទះថ្មីខែងរ៉ែងដូច្នេះ។ បើរដ្ឋមិនឧបត្ថម្ភប្រហែលមួយជីវិតនេះខ្ញុំនៅតែរស់ក្នុងផ្ទះចាស់ទ្រុឌទ្រោម។
 |
| ផ្ទះមហាសាមគ្គីនាំមកក្តីរីករាយជូនមាមីងក្រនាឱកាសបុណ្យតេត។ |
រួមជាមួយមីងសង ពូផន ពូទៀងបណ្តាគ្រួសារបានឧបត្ថម្ភផ្ទះថ្មីមានភាពសប្បាយរីករាយឥតឧបមា។ ជាមួយពួកគាត់ផ្ទះថ្មីជាអំណោយដ៏មានតម្លៃ បញ្ជាក់ឱ្យការយកចិត្តទុកដាក់របស់គ្រប់ថ្នាក់ គ្រប់ផ្នែកចំពោះស្ថានភាពជួបលំបាកពីផ្ទះនៅ។ អនុប្រធានគណៈកម្មាធិការរណសិរ្សមាតុភូមិវៀតណាមស្រុកត្រឹងដេថាច់ធីសាផៃឱ្យដឹង៖ ត្រឹងដេតែងយកចិត្តទុកដាក់គិតអានការងារសុខុមាលភាពសង្គមឧបត្ថម្ភគ្រួសារក្រ គ្រួសារមានស្ថានភាពលំបាកឈានឡើងក្នុងជីវភាព។ ពីការងារឧបត្ថម្ភផ្ទះនៅយើងខ្ញុំអនុវត្តច្រើនឆ្នាំកន្លង។ គិតពីឆ្នាំ២០២០មកដល់សព្វថ្ងៃ រណសិរ្សមាតុភូមិវៀតណាមស្រុកត្រឹងដេឧបត្ថម្ភកសាងផ្ទះមហាសាមគ្គីបាន៤៥៧ខ្នងឱ្យគ្រួសារក្រសរុបទឹកប្រាក់២០,៨៤៨ពាន់លានដុង(ពីមូលនិធិដើម្បីអ្នកក្ររបស់ស្រុកបាន៧៨ខ្នងសរុបទឹកប្រាក់៣,៩ពាន់លានដុងចលនាពីមូលនិធិដើម្បីអ្នកក្ររបស់ខេត្ត បណ្តាអាជីវកម្ម សមាគម អង្គការមហាជនសង្គមបាន៣៦៩ខ្នង សរុបទឹកប្រាក់២០,០៧៨ពាន់លានដុង)ផ្ទះ៥៨៦ខ្នងសរុបទឹកប្រាក់២៩,៣០៨ពាន់លានដុង (ផ្ទះតបគុណ៤ខ្នងចំនួនប្រាក់១៥០លានដុង ផ្ទះមេត្តាធម៌៥៨២ខ្នងសរុបទឹកប្រាក់២៩,១៥៨ពាន់លានដុង)។ ដោយឡែកឆ្នាំ២០២៥សរុបគ្រួសារមានសំណូមពរបំបាត់ផ្ទះបណ្តោះផ្ទះទ្រុឌទ្រោមលើភូមិដ្ឋានស្រុកគឺ៦០៩គ្រួ គិតដល់ថ្ងៃ៣០ខែមីនាឆ្នាំ២០២៥សម្រេចបាន២២០ខ្នង(ក្នុងនោះសង់ថ្មី១៩៣ខ្នងជួសជុល២៧ខ្នង)ជួយមាមីងមានទីលំនៅស្ថេរភាពស្ងប់ចិត្តពលកម្មផលិត។ មកផ្ទាល់បណ្តាគ្រួសារបានឧបត្ថម្ភកសាងផ្ទះទើបឃើញអស់ក្តីរីករាយរបស់មាមីងនិងឃើញច្បាស់អត្ថន័យធំធេងរបស់កម្មវិធីឧបត្ថម្ភកសាងផ្ទះនៅឱ្យគ្រួសារក្រ។
 |
| គ្រួសារជនរួមរួមជាតិខ្មែររីករាយពេលមានផ្ទះថ្មីទទួលបុណ្យចូលឆ្នាំថ្មី។ |
បណ្តាផ្ទះថ្មីខែងរ៉ែងរឹងមាំបានប្រគល់ជូននាឱកាសបុណ្យតេត បុណ្យចូលឆ្នាំថ្មី ពិធីបុណ្យ៣០-មេសាមានអត្ថន័យធំធេង សំដៅជួយមាមីងមានលក្ខណៈទទួលឆ្នាំថ្មីសុខសាន្តត្រាណជួបជុំគ្រួសារក្នុងផ្ទះថ្មី៕
ចន្ថា
Thông tin bạn đọc
Đóng Lưu thông tin