 |
| បងស្រីទ្រិញធីង៉ុក ភូមិទំពក់សក់ B1 ឃុំមីធ្វឹង ស្រុកមីទូ (សុកត្រាំង) បានឧបត្ថម្ភគោ២ក្បាលពីគម្រោង៣។ |
ជាមួយពាក្យស្លោក “ប្រគល់ដងសន្ទូច ប្រសើរជាងប្រគល់ត្រីមួយកន្ត្រក” រដ្ឋអំណាចគ្រប់លំដាប់ថ្នាក់ បានអនុវត្តជាក់ស្តែងបណ្តាគោលការណ៍ គោលនយោបាយរបស់បក្សនិងរដ្ឋស្របតាមលក្ខណៈជាក់ស្តែងរបស់ភូមិភាគ បើកឱកាសឲ្យជនរួមជាតិខ្មែរចាកផុតក្រ ដោយការជំនួយអភិវឌ្ឍផលិតតាមប្រព័ន្ធតម្លៃ ដូចជា ឧបត្ថម្ភគោពូជឱ្យគ្រួសារក្រ ក្បែរក្រ ដើម្បីជួយពួកគាត់មានលក្ខណៈអភិវឌ្ឈសេដ្ឋកិច្ច ឈានឡើងចាកផុតក្រ។
សមមិត្តផាងថាញ់ខាយ អនុប្រធានគណៈកម្មាធិការប្រជាជនឃុំមីធ្វឹង បានឱ្យដឹង៖ “ឆ្នាំ២០២៤ ឃុំបានផ្សព្វផ្សាយអនុវត្តគម្រោងជាច្រើន ក្នុងនោះមានគម្រោងទី៣ពីការឧបត្ថម្ភអភិវឌ្ឍផលិតតាមប្រព័ន្ធតម្លៃ (ឧបត្ថម្ភការអភិវឌ្ឍផលិត ធ្វើសម្បូរបែបមុខរបររកស៊ីរបស់សហគមន៍) ឧបត្ថម្ភគោពូជដល់១៤គ្រួសារមានស្ថានភាពលំបាកលើភូមិដ្ឋានឃុំ ដោយទុនជាង៤០០លានដុង។ ជាគ្រួសារទទួលផលពីគោលនយោបាយ បងស្រីទ្រិញធីង៉ុក ភូមិទំពក់សក់ B១ ឃុំមីធ្វឹង គឺជាគ្រួសារក្រគ្មានដីផលិត ប្តីប្រពន្ធបងធ្វើការឈ្នូលដើម្បីរកប្រាក់ផ្គត់ផ្គង់ជីវភាពគ្រួសារ។ នៅឆ្នាំ២០២៤ រដ្ឋអំណាចបានពិនិត្យឧបត្ថម្ភគោ២ក្បាលពីគម្រោងទី៣ពីការជំនួយអភិវឌ្ឍផលិតតាមប្រព័ន្ធតម្លៃ។ រីករាយចំពោះការឧបត្ថម្ភទាន់ពេល បងស្រីង៉ុកចែករំលែក៖ “អរគុណបក្ស និងរដ្ឋ ដែលបានឧបត្ថម្ភគោ២ក្បាលដល់គ្រួសារខ្ញុំ ខ្ញុំនឹងខិតខំថែទាំហ្វូងគោដើម្បីកែលម្អជីវភាព”។
 |
| ពូឡឹមសេនា ភូមិទំពក់សក់ C១ ឃុំមីធ្វឹង ស្រុកមីទូ (សុកត្រាំង) បានឧបត្ថម្ភគោពីគម្រោង៣។ |
ចំណែកពូឡឹមសេនា ភូមិទំពក់សក់ C១ ឃុំមីធ្វឹង ចែករំលែក៖ “គ្រួសារខ្ញុំជាគ្រួសារក្រ រាល់ថ្ងៃត្រូវទៅធ្វើការសំណង់ដើម្បីរកប្រាក់ចិញ្ចឹមជីវិតនិងថែទាំកូនឈឺ យល់ឃើញស្ថានភាពរបស់ខ្ញុំ រដ្ឋអំណាចភូមិភាគ បានឧបត្ថម្ភគោពូជ២ក្បាល ពីគម្រោងទី៣ពីការជំនួយអភិវឌ្ឍផលិតតាមប្រព័ន្ធតម្លៃ។ ខ្ញុំសប្បាយចិត្តណាស់ អរគុណបក្សនិងរដ្ឋដែលបានយកចិត្តទុកដាក់ឧបត្ថម្ភគ្រួសារខ្ញុំ ខ្ញុំសន្យានឹងខិតខំថែទាំហ្វូងគោដើម្បីកែលម្អជីវភាព ឈានឡើងចាកផុតក្រ។” ដោយការឧបត្ថម្ភទាន់ពេលពីកម្មវិធី និងគោលនយោបាយរបស់បក្ស រដ្ឋ ជីវភាពរបស់ប្រជាជនបានផ្លាស់ប្តូរយ៉ាងសកម្ម អត្រាគ្រួសារក្ររបស់ឃុំក្នុងឆ្នាំ២០២៣ គឺ០,៩៦% ថយចុះនៅត្រឹម ០,៣% (ឆ្នាំ២០២៤) ការងារបណ្តុះបណ្តាលរបរ និងដោះស្រាយការធ្វើសម្រេចបានជាង៨០% បើប្រៀបនឹងផែនការ គ្រួសារបានប្រើប្រាស់ទឹកស្អាតសម្រេចបានជាង៩០%។ល។” សមមិត្តលេផាងអ៊ុកលើង ប្រធានគណៈកម្មាធិការប្រជាជនឃុំមីធ្វឹងបានឱ្យដឹងដូច្នេះ។
អាចឃើញថា បណ្តាគោលនយោបាយឧបត្ថម្ភអភិវឌ្ឍន៍សេដ្ឋកិច្ចតំបន់ជនជាតិភាគតិចបាននិងកំពុងរួមចំណែកលើកកម្ពស់ជីវភាពសម្ភារៈ និងស្មារតីរបស់មាមីង ទិដ្ឋភាពតំបន់ជនរួមជាតិខ្មែររស់នៅច្រើនកាន់តែមានភាពប្រសើរឡើង។ លទ្ធផលសម្រេចបានបង្ហាញពីការយកចិត្តទុកដាក់ និងឧបត្ថម្ភរបស់បក្ស រដ្ឋ រដ្ឋអំណាចភូមិភាគក្នុងនោះមានការប្តេជ្ញាចិត្តឈានឡើងចាកផុតក្ររបស់មាមីងក្នុងភូមិភាគ៕
ថាញ់វ៉ាង - អិនទ្វឹង
Thông tin bạn đọc
Đóng Lưu thông tin