 |
| សមមិត្តវឿងក្វុកណាម-សមាជិកបក្សខេត្ត អនុប្រធានគណៈកម្មាធិការប្រជាជនខេត្ត ប្រគល់សេចក្តីសម្រេចទទួលស្គាល់ឃុំថាញ់ធើយអាង ស្រុកត្រឹងដេ (សុកត្រាំង) សម្រេចបទដ្ឋានជនបទថ្មី។ |
ឃុំថាញ់ធើយអាង ស្រុកត្រឹងដេ ជាឃុំមណ្ឌល១ចំណុះតំបន់ជនជាតិភាគតិច ដោយមានជនជាតិខ្មែរជាង៣៧%។ ក្នុងថ្ងៃដំបូងផ្សព្វផ្សាយកសាងជនបទថ្មី សេដ្ឋកិច្ច-វប្បធម៌-សង្គមរបស់ឃុំ មានការអភិវឌ្ឍយឺត ជីវភាពប្រជាជនជួបការលំបាក ប្រព័ន្ធហេដ្ឋារចនាសម្ព័ន្ធគមនាគមន៍ ដំណាក់សុខាភិបាល សាលារៀន មិនទាន់សម្រេចបទដ្ឋាន។
អស់រយៈកាល១៤ឆ្នាំ អនុវត្តកម្មវិធីទិសដៅជាតិពីការកសាងជនបទថ្មី ឃុំបានប្រមូលផ្ដុំវិនិយោគអភិវឌ្ឍហេដ្ឋារចនាសម្ព័ន្ធគមនាគមន៍ ធារាសាស្ត្រ សាលារៀននិងបណ្ដាសំណង់សំខាន់ៗដទៃទៀត។ អាស្រ័យហេតុនោះ ការដោះដូរទំនិញ ធ្វើដំណើរទៅមករបស់ប្រជាជនមានភាពងាយស្រួល ទិដ្ឋភាពជនបទពីមួយថ្ងៃកាន់តែល្អស្អាត។ កម្មវិធីកសាងជនបទថ្មីបានរួមចំណែកលើកកម្ពស់ជីវភាពប្រជាជន។ ប្រជាជនប្រើប្រាស់អគ្គិសនីសុវត្ថិភាពសម្រេច៩៩% ប្រើទឹកស្អាតសម្រេចបទដ្ឋានជាតិ៩៤%។ ឆ្នាំ២០២៤ ប្រាក់ចំណូលលើមនុស្សម្នាក់សម្រេច៦១លានដុង/ម្នាក់/ឆ្នាំ ចំនួនគ្រួសារក្រលើភូមិដ្ឋានឃុំ ស្រូបអត្រា១,៣៦% ឃុំមិននៅផ្ទះបណ្ដោះអាសន្ន ផ្ទះទ្រុឌទ្រោមទៀតឡើយ។
| សមមិត្តវឿងក្វុកណាម-សមាជិកបក្សខេត្ត អនុប្រធានគណៈកម្មាធិការប្រជាជនខេត្ត ជូនផ្ទាំងនិមិត្តរូបចំនួនទឹកប្រាក់១០០លានដុងរបស់គណៈកម្មាធិការបក្ស ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមខេត្តសុកត្រាំង ដល់ឃុំថាញ់ធើយអាង ស្រុកត្រឹងដេ (សុកត្រាំង)។ |
សមមិត្តវឿងក្វុកណាម បានវាយតម្លៃខ្ពស់ចំពោះលទ្ធផលដែលបក្ខភាគ រដ្ឋអំណាចនិងប្រជាជនឃុំថាញ់ធើយអាងសម្រេចបានក្នុងការកសាងឃុំសម្រេចជនបទថ្មី។ ស្នើក្នុងពេលខាងមុខ ឃុំមិនបង្អង់លើកកម្ពស់តួនាទី ភារៈរបស់គណៈកម្មាធិការបក្ស រដ្ឋអំណាចនិងទូទាំងប្រព័ន្ធនយោបាយស្រុក ឃុំបំផុតគឺតួនាទីរបស់អ្នកដឹកនាំក្នុងការងារផ្សព្វផ្សាយចលនាបណ្តាគ្រួសារនិងប្រជាជនយល់ដឹងច្បាស់ពីយុទ្ធសាស្ត្រយ៉ាងសំខាន់ក្នុងការកសាងជនបទថ្មី។ បន្តអនុវត្តមានប្រសិទ្ធភាពពីរចនាសម្ព័ន្ធកសិកម្មជំរុញអភិវឌ្ឍទម្រង់សេដ្ឋកិច្ចសហការ ចងសម្ព័ន្ធផលិតតាមប្រព័ន្ធ តម្លៃ អនុវត្តវិទ្យាសាស្រ្ត-បច្ចេកវិជ្ជាចូលក្នុងការផលិតកសិកម្ម បង្វែរការដាំដុះ ចិញ្ចឹមសត្វសមស្របនឹងលក្ខណៈភូមិភាគ។ កៀរគរគួបផ្សំមានប្រសិទ្ធភាពបណ្តាប្រភពកម្លាំងដើម្បីផ្សព្វផ្សាយព្រមៗគ្នាបណ្តាភារកិច្ចកសាងជនបទថ្មី។
 |
| សមមិត្តលឺវហឺវយ័ញ-សមាជិកបក្សខេត្ត លេខាបក្សស្រុកត្រឹងដេ ជូនលិខិតសរសើររបស់ប្រធានគណៈកម្មាធិការប្រជាជនស្រុកដល់សមូហភាព បុគ្គលដែលបានគប់វាល់ក្នុងការកសាងឃុំថាញ់ធើយអាង ស្រុកត្រឹងដេ (សុកត្រាំង) សម្រេចបទដ្ឋានជនបទថ្មី។ |
នាឱកាសនេះ មានសមូហភាពចំនួន២និងបុគ្គល៣រូប បានទទួលប័ណ្ណសរសើររបស់ប្រធានគណៈកម្មាធិការប្រជាជនខេត្ត ដែលសម្រេចភារកិច្ចឆ្នើមក្នុងការកសាងឃុំថាញ់ធើយអាងសម្រេចឃុំជនបទថ្មី។ មានសមូហភាពចំនួន៥និងបុគ្គលចំនួន១០រូប បានទទួលលិខិតសរសើររបស់ប្រធានគណៈកម្មាធិការប្រជាជនស្រុក ដែលសម្រេចភារកិច្ចឆ្នើមក្នុងការកសាងឃុំថាញ់ធើយអាងសម្រេចឃុំជនបទថ្មី។ គណៈកម្មាធិការបក្ស ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមខេត្តសុកត្រាំង ជូនឃុំថាញ់ធើយអាងទឹកប្រាក់១០០លានដុង ធនាគារAgribank ត្រឹងដេជូនផ្ទះ៣ខ្នងឱ្យប្រជាជននៅឃុំថាញ់ធើយអាង បណ្តាអង្គការ សប្បុរសជនបានជូនអាហារូបករណ៍និងកង់ដល់សិស្សានុសិស្សលើភូមិដ្ឋានឃុំថាញ់ធើយអាង៕
ធ្វីលីវ-សុផល
Thông tin bạn đọc
Đóng Lưu thông tin