 |
| ដងផ្លូវដានបានវិនិយោគស្អាតបាតនៅតំបន់ជនរួមជាតិខ្មែររបស់ឃុំអាងហ៊ីប ស្រុកចូវថាញ់។ |
លោកប៊ូយបាវក្វុក-អនុប្រធានគណៈកម្មាធិការប្រជាជនឃុំអាងហ៊ីបបានឱ្យដឹង៖ ឃុំបានទទួលផលពីគម្រោង១ គម្រោង៣និងគម្រោង៤របស់កម្មវិធី ម៉្លោះហើយបានប្រមូលផ្តុំប្រភពកម្លាំងសម្រាប់ផ្សព្វផ្សាយព្រមៗគ្នាបណ្តាគម្រោង អនុគម្រោងដើម្បីបង្កលក្ខណៈឱ្យជនរួមជាតិខ្មែរអភិវឌ្ឍសេដ្ឋកិច្ច លំនឹងជីវភាព។ តាមនោះ ឃុំក៏បានជំនួយផ្ទះ៥០ខ្នង បង្វែររបរ ជំនួយឧបករណ៍ស្តុកទឹក ជំនួយកូនពូជដំណាំ សត្វចិញ្ចឹមឱ្យជិត១០០គ្រួសារជាជនជាតិភាគតិច។ អាស្រ័យហេតុនោះ បណ្តាគ្រួសារក្រ គ្រួសារក្បែរក្រមានផ្ទះនៅលំនឹង មានលក្ខណៈអភិវឌ្ឍសេដ្ឋកិច្ចលំនឹងជីវភាព។
 |
| ពូងោជីតឹម នៅភូមិកំពង់ទ្រព្យអា ឃុំអាងហ៊ីប ស្រុកចូវថាញ់កំពុងថែទាំគោរបស់គ្រួសារ។ |
ពូងោជីតឹមនៅភូមិកំពង់ទ្រព្យអា ឃុំអាងហ៊ីបបានឱ្យដឹង៖ ថ្ងៃធម្មតាខ្ញុំធ្វើជាងកំបោរ ដូច្នេះជីវភាពគ្រួសារនៅជួបការលំបាក។ ពីរឆ្នាំជិតៗនេះ ពេលបានរដ្ឋសង់ផ្ទះជូន ជំនួយគោ៣ក្បាលនិងជំនួយបុលទុនទើបគ្រួសារខ្ញុំមានលក្ខណៈអភិវឌ្ឍសេដ្ឋកិច្ចដើម្បីចាកផុតក្រ។ សព្វថ្ងៃ ក្រៅពីធ្វើជាងកំបោរខ្ញុំតែងខិតខំថែទាំគោ ចំណែកប្រពន្ធខ្ញុំលក់បន្លែនៅមុខផ្ទះដូច្នេះមានប្រាក់ចំណូលលំនឹង ជីវភាពបានធូរធារជាបណ្តើរៗ។ ចំណែកបងស្រីស៊ើងធីគឿន នៅភូមិពាងសំរឹទ្ធិ ឃុំអាងហ៊ីបក៏មានក្តីរីករាយពេលទទួលបានផ្ទះថ្មីរបស់កម្មវិធីដែលបានជំនួយ។ បងគឿនបានឱ្យដឹង៖ មានផ្ទះថ្មរឹងមាំជាក្តីរីករាយបំផុតរបស់ខ្ញុំពីព្រោះមិនបារម្ភខ្លាចភ្លៀងលេច ដូចពីមុនទៀតឡើយ។ បច្ចុប្បន្ន ខ្ញុំតែងដឹកនាំកូនៗខិតខំធ្វើការបង្កបង្កើនផល រស់នៅឱ្យចេះប្រិតសំចៃដើម្បីចាកផុតក្រ។
ព្រមជាមួយនោះ ឃុំអាងហ៊ីបក៏ទទួលផលពីគម្រោង៤ពីការវិនិយោគហេដ្ឋារចនាសម្ព័ន្ធមូលដ្ឋានចាំបាច់សម្រាប់ការផលិតនិងជីវភាពរស់នៅក្នុងតំបន់ជនជាតិភាគតិច។ ទន្ទឹមនោះ ឃុំក៏វិនិយោគសម្រេចបណ្តាប្រព័ន្ធគមនាគមន៍ជនបទដើម្បីបង្កលក្ខណៈងាយស្រួលក្នុងការធ្វើដំណើរទៅមកនិងដឹកជញ្ជូនកសិផល។ ដូច្នេះ ទើបសព្វថ្ងៃបណ្តាដងផ្លូវជនបទភូមិនានាបានវិនិយោគសម្រេចរួចរាល់ និងក្លាយជាដងផ្លូវគំរូស្អាតរបស់ស្រុក។ លោកប៊ូយបាវក្វុកបានឱ្យដឹងបន្ថែម៖ ប្រសិទ្ធភាពនៃកម្មវិធីបានជួយមាមីងមានផ្ទះនៅលំនឹង មានលក្ខណៈអភិវឌ្ឍសេដ្ឋកិច្ចឈានឡើងចាកផុតក្រដោយចីរភាព។ ព្រមជាមួយនោះ សំណង់ជនបទកសាងសម្រេចរួចរាល់ បានបង្កលក្ខណៈងាយស្រួលក្នុងការដោះដូរកសិផលរួមចំណែកជម្រុញអភិវឌ្ឍសេដ្ឋកិច្ចតំបន់ជនរួមជាតិខ្មែរ។ ប្រការនោះកាន់តែបានរួមចំណែកសម្រាប់អាងហ៊ីបឈានដល់ការសម្រេចបទដ្ឋានជនបទថ្មីគំរូពីវប្បធម៌ក្នុងឆ្នាំ២០២៥។
ផ្តើមប្រភពទុនពីកម្មវិធីបានជួយអាងហ៊ីបមានជំហានអភិវឌ្ឍ ជីវភាពសម្ភារៈរបស់ជនជាតិភាគតិចតែងកើនឡើង។ ពេលខាងមុខ គណៈកម្មាធិការបក្ស រដ្ឋអំណាចភូមិភាគនឹងបន្តផ្សព្វផ្សាយអនុវត្តមានប្រសិទ្ធភាពនៃកម្មវិធី។ ទន្ទឹមនោះ ជួយគ្រួសារក្រ គ្រួសារក្បែរក្រ ជនជាតិភាគតិចមានលក្ខណៈឈានឡើងក្នុងជីវភាព៕
ដាលីន
Thông tin bạn đọc
Đóng Lưu thông tin