តាមសមមិត្តវ៉វ៉ាំងវូ-អនុប្រធានសមាគមកសិករស្រុកមីទូបានឱ្យដឹង៖
កំណត់ការរួមដំណើរជាមួយសមាជិកកសិករក្នុងការចលនាអភិវឌ្ឍសេដ្ឋកិច្ចជាភារកិច្ចយ៉ាងសំខាន់នៃអង្គការសមាគម ពេលកន្លងចាត់តាំងជាច្រើនសកម្មភាពបង្កលក្ខណៈងាយស្រួលដើម្បីជំរុញលើកទឹកចិត្តសមាជិកកសិករបង្កើតអាជីពដោយសកម្មភាពជាក់ស្តែងដូចជំនួយប្រភពទុន បើកថ្នាក់ហ្វឹកហាត់ពីការដាំដុះ ចិញ្ចឹមសត្វ កសាងបណ្តាទម្រង់ជួយគ្នាចាកផុតក្រឈានឡើងធូរធារ។ល។
 |
| ទម្រង់ចិញ្ចឹមជ្រូកគួបផ្សំនឹងបិតស្រានាំមកនូវប្រសិទ្ធភាពរបស់គ្រួសារបងយ័ញបូណា នៅបឹងកក់ឃុំភូមីស្រុកមីទូ(សុកត្រាំង)។ |
ជាសមាជិកកសិករឈានឡើងធូរធារអាស្រ័យប្រើប្រភពទុនធនាគារគោលនយោបាយមានប្រសិទ្ធភាព បងយ័ញបូណា នៅភូមិបឹងកក់ ឃុំភូមីស្រុកមីទូបានឱ្យដឹង៖ ពីមុនគ្រួសារខ្ញុំជួបការលំបាក គ្មានដីផលិត ប្តីប្រពន្ធខ្ញុំធ្វើការឈ្នួលដើម្បីផ្គត់ផ្គង់ជីវភាពគ្រួសារ។ ឆ្នាំ២០២១ បានសមាគមកសិករស្រុកបង្កលក្ខណៈឱ្យបុលទុនពីធនាគារគោលនយោបាយសង្គមបាន៩៥លានដុង។ ជាមួយទុននេះ ប្តីប្រពន្ធខ្ញុំវិនិយោគទិញឧបករណ៍សម្រាប់បិតស្រា។ ក្រោយពីមួយរយៈសន្សំបានទុនខ្លះ គ្រួសារខ្ញុំទិញជ្រូកចិញ្ចឹមដើម្បីរកប្រាក់ចំណូលផ្គត់ផ្គង់ជីវភាពគ្រួសារ។ បានដឹង រាល់ថ្ងៃគ្រួសារបងបិតស្រាបានចំនួន១១០លីត្រដោយតម្លៃ១១.០០០ដុង/លីត្រ។ ដោយឡែកពីការចិញ្ចឹមជ្រូកអាស្រ័យមិនទាន់មានបទពិសោធន៍ ម្ល៉ោះហើយ គ្រួសារបងចិញ្ចឹមត្រឹមតែ៤ក្បាល ក្រោយមកដោយព្យាយាមឧស្សាហ៍រៀនសូត្រពីបច្ចេកទេសចិញ្ចឹមទម្រង់នាំមកនូវប្រសិទ្ធភាព ដូច្នេះគ្រួសារបងបានបង្កើនការចិញ្ចឹមចំនួន២០ក្បាល/លើក។ បងបូណាបានឱ្យដឹងបន្ថែម៖ ពីបិតស្រាគួបផ្សំនឹងចិញ្ចឹមជ្រូកបានផ្តល់នូវប្រាក់ចំណូលប្រហែល៣០០លានដុង/ឆ្នាំ អាស្រ័យហេតុនោះសេដ្ឋកិច្ចគ្រួសារបានធូរធារ កូនៗមានការងារធ្វើលំនឹង បុណ្យចូលឆ្នាំថ្មីប្រពៃណីឆ្នាំនេះយ៉ាងសប្បាយរីករាយ។
ឯគ្រួសារបងដាវស្វឹងហា នៅភូមិព្រីងកណ្តាល ឃុំធ្វឹងហ៊ឹង ជាសមាជិកកសិករខ្មែរមានទម្រង់ផលិតធ្វើអាជីវកម្មឆ្នើមនៅភូមិភាគ។ សំណេះសំណាលជាមួយយើងខ្ញុំ បងហាបានឱ្យដឹង៖ ឆ្នាំ២០១៥ ខ្ញុំមានគ្រួសារចេញនៅដោយឡែក។ បានឪពុកម្តាយចែកដីចម្ការ២កុង ប្តីប្រពន្ធខ្ញុំខិតខំផលិត ប៉ុន្តែមិនគ្រប់ផ្គត់ផ្គង់ជីវភាពគ្រួសារ។ ឆ្នាំ២០១៦ខ្ញុំចូលរួមសាខាសមាគមកសិករនៅភូមិព្រីងកណ្តាលបានពិនិត្យឱ្យបុលពីប្រភពមូលនិធិជំនួយកសិករ ប្តីប្រពន្ធខ្ញុំក៏ទិញធុងទឹកអំពៅបើកតូបលក់បន្លែសាច់ជ្រូក ត្រី។ អាស្រ័យខិតខំធ្វើការបង្កបង្កើនផល ចាយវាយប្រិតសំចៃ គ្រួសារបងសន្សំបានទុនខ្លះ និងឆ្នាំ២០២០បងហាបុលបន្ថែមបាន៤០លានដុងទិញគោបាន៣ក្បាលចិញ្ចឹម។ ដោយការព្យាយាមនិងរៀនសូត្ររបៀបចិញ្ចឹមពីមាមីងក្នុងភូមិចូលរួមថ្នាក់ហ្វឹកហាត់ពីវិទ្យាសាស្រ្ត-បច្ចេកទេសចិញ្ចឹម ដូច្នេះទម្រង់នាំមកនូវប្រសិទ្ធភាព ក្រោយពីលក់អស់៣លើក សព្វថ្ងៃគោក្នុងទ្រុងនៅ៦ក្បាល។ បងហាបានឱ្យដឹង៖ អស់រយៈកាលខិតខំអភិវឌ្ឍសេដ្ឋកិច្ចពីទម្រង់ខាងលើ ក្រោយពីផាត់ទាត់រួចរាល់ រាល់ឆ្នាំគ្រួសារខ្ញុំរកបានប្រាក់ចំណូលប្រហែល២០០លានដុង តាមនោះគ្រួសារខ្ញុំសន្សំបានប្រាក់សង់បានផ្ទះមួយខ្នងតម្លៃ៥០០លានដុង ដូច្នេះឆ្នាំនេះគ្រួសារខ្ញុំទទួលបុណ្យចូលឆ្នាំថ្មីប្រកបដោយក្តីសប្បាយរីករាយ។
សព្វថ្ងៃសមាគមទទួលគ្រប់គ្រងពីធនាគារគោលនយោបាយសង្គមចំនួន៨៨ក្រុមប្រិតសំចៃដោយមានប្រជាជនបុលទុន៤.៣៧៣រូប សរុបថវិកា១៥១.៤២៧លានដុង។ ដើម្បីសកម្មភាពពីមួយថ្ងៃកាន់តែមានប្រសិទ្ធភាព ពេលខាងមុខសមាគមកសិករស្រុកនឹងផ្សព្វផ្សាយជំរុញស្មារតីបង្កើតអាជីព បង្កលក្ខណៈឱ្យសមាជិកកសិករលើភូមិដ្ឋានស្រុកបានបុលទុនអាទិភាព សហការបើកថ្នាក់ពីការដាំដុះ ចិញ្ចឹមសត្វដើម្បីសមាជិកកសាងទម្រង់អភិវឌ្ឍសេដ្ឋកិច្ចដោយចីរភាព។ ទន្ទឹមនោះ សកម្មបង្វែរវិទ្យាសាស្រ្ត បច្ចេកទេសចូលក្នុងការផលិត ជួយសមាជិកបង្កើនប្រាក់ចំណូល-សមមិត្តវ៉វ៉ាំងវូ-អនុប្រធានសមាគមកសិករស្រុកមីទូបានឱ្យដឹងដូច្នេះ។
អាចនិយាយបានថា ប្រភពទុនបុលអាទិភាពរបស់ធនាគារគោលនយោបាយសង្គមស្រុកតែងរួមដំណើរជាមួយសមាជិកកសិករនៅលើភូមិដ្ឋានស្រុក ជាជំហានបង្កបានការងារធ្វើមានលក្ខណៈអភិវឌ្ឍនិងបើកទូលាយបណ្តាទម្រង់សេដ្ឋកិច្ចនាំមកនូវប្រសិទ្ធភាពលើកកម្ពស់ប្រាក់ចំណូលឈានឡើងធ្វើមានដោយស្របច្បាប់៕
ថាញ់វ៉ាង-សុផល
Thông tin bạn đọc
Đóng Lưu thông tin