កាលពីមុន ផ្ទះនៅបណ្តោះអាសន្នជាក្តីបារម្ភឥតឈប់ឈររបស់គ្រួសារក្រជាច្រើនពេលរដូវវស្សាមកដល់។ ប៉ុន្តែឥឡូវដោយសារគម្រោង១កម្មវិធីទិសដៅជាតិ គ្រួសារជាច្រើនបានឧបត្ថម្ភសង់ផ្ទះនៅរឹងមាំ ជួយពួកគាត់ស្ងប់ចិត្តធ្វើការរកស៊ី អភិវឌ្ឍសេដ្ឋកិច្ចគ្រួសារ។ គ្រួសារបងយឿងគៀងប៊ី នៅភូមិដើមជ្រៃធ្លាប់រស់នៅក្នុងផ្ទះស្លឹកដែលទ្រុឌទ្រោម រាល់ពេលភ្លៀងម្តងៗខ្លាចរបើកដំបូល។ នៅចុងឆ្នាំ២០២៤ ដោយសារគោលនយោបាយឧបត្ថម្ភផ្ទះនៅ គ្រួសាររបស់បងបានជូនផ្ទះដ៏រឹងមាំមួយខ្នង។ បងយឿងគៀងប៊ីចែក រំលែក៖ ពីមុនផ្ទះទ្រុឌទ្រោមខ្ញុំទៅធ្វើការបារម្ភពីប្រពន្ធកូននៅផ្ទះមិនដឹងមានអ្វី ឥឡូវមានផ្ទះរឹងមាំ ដូច្នេះ ខ្ញុំ អាចស្ងប់ចិត្តទៅធ្វើការ។ អរគុណរដ្ឋដែលបានជំនួយឧបត្ថម្ភ។
 |
| បងស្រីយ័ញធីសុខានៅក្បែរហ្វូងគោដែលបានជំនួយឧបត្ថម្ភពីកម្មវិធី។ |
កាលពីមុននេះ មាមីងភូមីត្រូវធ្វើការឈ្នួលមិនស្ថេរភាព គ្មានមធ្យោបាយផលិត ប៉ុន្តែឥឡូវនេះ គ្រួសារជាច្រើនមានឱកាសអភិវឌ្ឍសេដ្ឋកិច្ចពីទម្រង់ឧបត្ថម្ភរបរ។ បងស្រីយ័ញធីសុខា នៅភូមិដើមស្វាយ ធ្លាប់ប្រាថ្នាចង់បានគោ១ក្បាលដើម្បីចិញ្ចឹម តែមិនដែលហ៊ានគិតថាក្តីស្រមៃក្លាយជាការពិត។ ពីមុនប្រាក់ចំណូលរបស់គ្រួសារបងស្រីពឹងលើការឈ្នួលដែលមិនស្ថិរភាព ពេលមានការងារធ្វើទើបគ្រប់ចិញ្ចឹមជីវិត ពេលគ្មានការងារធ្វើជីវភាពគ្រួសារលំបាក។ ពីកម្មវិធីទិសដៅជាតិ បងស្រីបានឧបត្ថម្ភគោមេមួយគូដែលជាទ្រព្យសម្បត្តិដ៏មានតម្លៃ ជួយបងស្រីមានលក្ខណៈអភិវឌ្ឍសេដ្ឋកិច្ចស្ថេរភាព។ បងយ័ញធីសុខានៅភូមិដើមស្វាយ រីករាយឱ្យដឹង៖ ពីមុន ខ្ញុំគ្រាន់តែប្រាថ្នាចង់បានគោមួយក្បាល ដើម្បីធ្វើជាដើមទុន ឥឡូវ រដ្ឋជួយឧបត្ថម្ភគោមួយគូ ខ្ញុំសប្បាយចិត្តណាស់ បើយើងថែទាំបានល្អ ពេលគោកើតកូនទុកគោមេសម្រាប់ ចិញ្ចឹមលក់គោឈ្មោលដើម្បីមានទុនធ្វើការ។ ចាប់ពីពេលនេះទៅ គ្រួសារខ្ញុំមានមុខរបរស្ថេរភាពហើយ។
ឆ្នាំ២០២៤ ឃុំភូមីបានបែងចែកថវិកាជាង១,៣ពាន់លានដុង ពីកម្មវិធីទិសដៅជាតិអភិវឌ្ឍសេដ្ឋកិច្ច-សង្គមនៅតំបន់ជនជាតិភាគតិច។ បណ្តាប្រភពទុនដែលបានផ្សព្វផ្សាយអនុវត្តមានប្រសិទ្ធភាព ដោយផ្តោតលើការដោះស្រាយតម្រូវការបន្ទាន់របស់ប្រជាជនដូចជា សង់ផ្ទះចំនួន៣ខ្នងដល់គ្រួសារក្រ ផ្លាស់ប្តូររបរ ផ្គត់ផ្គង់ទឹកស្អាតដល់៤គ្រួសារ ឧបត្ថម្ភគោមេដល់២០គ្រួសារដើម្បីចិញ្ចឹម ទន្ទឹមនឹងនោះ ថែរក្សា ជួសជុលនូវសំណង់ហេដ្ឋារចនាសម្ព័ន្ធសំខាន់ៗ។ អាស្រ័យហេតុនេះ អត្រាគ្រួសារក្រនៅលើភូមិដ្ឋានឃុំបានថយចុះគួរឱ្យកត់សំគាល់ ជួយគ្រួសារជាច្រើនមានឱកាសឈានឡើងចាកផុតក្រស្ថេរភាព។
ប្រធានគណៈកម្មាធិការប្រជាជនឃុំភូមីលោកឡឹមមេរិន្ទ បានអះអាងថា៖
កម្មវិធីទិសដៅជាតិអភិវឌ្ឍសេដ្ឋកិច្ចសង្គមនៅតំបន់ជនជាតិភាគតិចបាននិងកំពុងក្លាយជាកម្លាំងដ៏សំខាន់ ដើម្បីជំរុញការអភិវឌ្ឍគ្រប់វិស័យនៅលើភូមិដ្ឋាន កែលម្អជីវភាពរបស់ជនរួមជាតិយ៉ាងច្បាស់ក្រឡែត មកដល់ពេលនេះ អត្រាគ្រួសារក្ររបស់ឃុំនៅត្រឹម៤០គ្រួសារ ស្រូបអត្រា០,៩៧% ក្បែរក្រ១៦៥គ្រួសារ ស្រូបអត្រា៣,៩៩%។
ការផ្លាស់ថ្មីរបស់ភូមីមិនគ្រាន់តែជាតួលេខប៉ុណ្ណោះទេ ប៉ុន្តែនៅទាំងមានការផ្លាស់ប្តូរយ៉ាងច្បាស់ក្រឡែតក្នុងជីវភាពរបស់ប្រជាជន។ ពីផ្ទះរឹងមាំ ដល់វាលស្រែស្រស់បំព្រងនិងទឹកមុខញញឹមរបស់ប្រជាជនជាសក្ខីភាពដ៏រស់រវើកបំផុតដែលបញ្ជាក់ឱ្យឃើញភូមីរីកចម្រើនឈានឡើង៕
វឌ្ឍា-លីហាន់
Thông tin bạn đọc
Đóng Lưu thông tin