កម្មាភិបាលខ្មែរអស់ពីចិត្តនឹងការងារសមាគម

04:55, 06/03/2025

តែងលើកកម្ពស់ស្មារតីទទួលបន្ទុក គំរូឈានមុខរាល់ការចលនានៅភូមិភាគ បងលីវប៊ិញស៊ើង-ប្រធានសាខាសមាគមកសិករភូមិ​ដើម​ស្វាយ ឃុំភូមី ស្រុកមីទូ (សុកត្រាំង) តែងបានសមាជិកកសិករនៅភូមិភាគស្រឡាញ់រាប់អានរៀនសូត្រ យកតម្រាប់តាម។

បងលីវប៊ិញស៊ើង (ខាងឆ្វេងដៃ) ប្រធានសាខាសមាគមកសិករភូមិដើមស្វាយតែងចុះមើលទម្រង់ផលិតរបស់សមាជិកកសិករ។
បងលីវប៊ិញស៊ើង (ខាងឆ្វេងដៃ) ប្រធានសាខាសមាគមកសិករភូមិដើមស្វាយតែងចុះមើលទម្រង់ផលិតរបស់សមាជិកកសិករ។

ផ្សារ​ភ្ជាប់​ជា​មួយ​នឹង​ការ​ងារ​សមា​គម​អស់​រយៈ​កាល​១៦​ឆ្នាំ បង​លីវ​ប៊ិញ​ស៊ើង-ប្រ​ធាន​សាខា​សមា​គមក​សិករ​ភូមិ​ដើម​ស្វាយ​អស់​ពី​ចិត្ត​នឹង​ការ​ងារ​សមា​គម សកម្ម​ផ្សព្វ​ផ្សាយ​ចលនា​សមាជិក​អនុ​វត្ត​ល្អ​បណ្តា​គោល​ការណ៍ គោល​នយោ​បាយ​របស់​បក្ស​ ក្រឹត្យ​ច្បាប់​របស់​រដ្ឋ​ លើក​កម្ពស់​ស្មារតី​សាមគ្គី​ជួយ​គ្នា​ទៅ​វិញ​ទៅ​មក​ឈាន​ឡើង​ក្នុង​ជីវភាព។ សំ​ណេះ​សំ​ណាល​ជា​មួយ​យើង​ខ្ញុំ​បង​ស៊ើង​បាន​ឱ្យ​ដឹង៖ ឆ្នាំ​២០០៧ បាន​សមាជិក​កសិករ​ទំ​នុក​ចិត្ត​ជ្រើស​ធ្វើ​ជា​ប្រ​ធាន​សា​ខា​សមា​គម​កសិករ​ភូមិ​ដើម​ស្វាយ​ពេល​ទើប​ទទួល​ភារៈ​ សមា​ជិក​មាន​ត្រឹម​តែ​១៥៦​រូប​ ក្នុង​នោះ​សមា​ជិក​ចំ​នួន​៧០​រូប​ជា​គ្រួ​សារ​ក្រ ជីវភាព​ជួប​ការ​លំ​បាក​ ម៉្លោះ​ហើយ​ ខ្ញុំ​មាន​ការ​បារម្ភ​ រក​គ្រប់​មធ្យោ​បាយ​ដើម្បី​ជួយ​ឱ្យ​សមាជិក​កសិករ​ផ្សព្វ​ផ្សាយ​បណ្តា​ទម្រង់​ផលិត​មាន​ប្រ​សិទ្ធ​ភាព ​សកម្ម​ស្វែង​រក​ពី​ប្រ​ភព​ទុន​បុល​ដើម្បី​សមា​ជិក​កសិករ​មាន​លក្ខណៈ​ពង្រីក​សេដ្ឋ​កិច្ច​គ្រួ​សារ ​ធ្វើ​សេនា​ធិការ​​ឱ្យ​សមា​គម​គ្រប់​ថ្នាក់ ​ចាត់​តាំង​ឱ្យ​សមា​ជិក​កសិករ​ដោះ​ដូរ​បទ​ពិសោធន៍​ក្នុង​ការ​ផលិត​កសាង​ទម្រង់​ផលិត​មាន​ប្រ​សិទ្ធ​ភាព​ដូច​ចិញ្ចឹម​គោ​ទឹក​ដោះ​ គោ​សាច់ ពពែ​និង​ដាំ​បន្លែ។ល។ តាម​នោះ​ជួយ​ឱ្យ​សមាជិក​កសិករ​​ជា​ច្រើន​រូប​បង្កើន​ប្រាក់​ចំ​ណូល​លំ​នឹង​ជីវភាព​​ឈាន​ឡើង​ចាក​ផុត​ក្រ។ មក​ដល់​សព្វ​ថ្ងៃ​ សាខា​សមា​គម​កសិករ​ភូមិ​ដើម​ស្វាយ​នៅ​សមា​ជិក​កសិករ​ក្រ​តែ​១៧​រូប​ មាន​សមា​ជិក​ជា​ច្រើន​បាន​ក្លាយ​ជា​គំ​រូ​ផលិត​ធ្វើ​អា​ជីវកម្ម​ពូកែ​របស់​ភូមិ​ភាគ។ ដើម្បី​ការ​ចលនា​សមាគម​មួយ​ថ្ងៃ​កាន់​តែ​អភិ​វឌ្ឍ​ត្រូវ​មាន​ការ​ផ្លាស់​ថ្មី​ខ្លឹម​សារ​ វិធី​សាស្រ្ត​សកម្ម​ភាព​ស្តាប់​មតិ​របស់​សមាជិក​កសិករ​​ដើម្បី​ដោះ​ស្រាយ​ការ​លំ​បាក​ជួយ​ឱ្យ​សមាជិក​ស្ងប់​ចិត្ត​ ពល​កម្ម​ផលិត​បង​ស៊ើង​បាន​ឱ្យ​ដឹង​ដូច្នេះ។ មិន​ត្រឹម​តែ​គំ​រូ​ក្នុង​ការ​ងារ​សមា​គម​បង​ស៊ើង​នៅ​ទាំង​សកម្ម​ចូល​រួម​ការ​ចលនា​កសាង​ជន​បទ​ថ្មី ​ជាក់​ស្តែង​ដូច​ចលនា​ប្រ​ជា​ជន​គប់​វាល់​ថវិកា​ជិត​២០០​លាន​ដុង​សម្រាប់​កសាង​បង្គោល​ភ្លើង​អុជ​បំ​ភ្លឺ​ដង​ផ្លូវ​ជន​បទ​ចំ​នួន​២៦​បង្គោល ​កសាង​ផ្លូវ​ដាន​និង​ដាំ​ផ្កា​តាម​ចិញ្ចើម​ផ្លូវ​ជន​បទ​ដោយ​ប្រ​វែង​១​គីឡូម៉ែត្រ​ ចលនា​សប្បុរស​ជន​បាន​អង្ករ​ចំ​នួន​២​តោន​សម្រាប់​ជូន​ដល់​ប្រ​ជា​ជន​ដែល​ជួប​ការ​លំ​បាក​នៅ​ភូមិ​ភាគ។

សមមិត្ត​លី​ថាញ់-ប្រ​ធាន​សមា​គមក​សិករ​ឃុំ​ភូ​មី​ឱ្យ​ដឹង៖

ក្នុង​ការ​ងារ ​ពូ​ស៊ើង​តែង​ខ្នះ​ខ្នែង​អនុវត្ត​ល្អ​ភារកិច្ច​ដែល​បាន​ប្រ​គល់ ​សកម្ម​គិត​អាន​ជីវភាព​ឱ្យ​សមា​ជិក​កសិករ​ស្តាប់​មតិ​របស់​សមា​ជិក​កសិករ​សកម្ម​ចលនា​ប្រ​ជា​ជន​ចូល​រួម​ការ​ចលនា​កសាង​ជន​បទ​ថ្មី។

ជា​មួយ​គប់​វាល់​យ៉ាង​សកម្ម​ក្នុង​ការ​ងារ​សមាគម បង​លីវ​ប៊ិញ​ស៊ើង​បាន​សមា​គម​កសិករ​ខេត្ត​ ស្រុក​ស្ងើច​សរ​សើរ។ សង្ឃឹម​ថា​ នេះ​ជា​កម្លាំង​ដើម្បី​បង​ខិត​ខំ​សម្រេច​ល្អ​ភារកិច្ច​រួម​ចំ​ណែក​លើក​កម្ពស់​ជីវភាព​សម្ភារៈ​និង​ស្មា​រតី​របស់​សមា​ជិក​កសិករ​កសាង​សាខា​សមា​គម​មួយ​ថ្ងៃ​កាន់​តែង​អភិវឌ្ឍ៕

ថាញ់​វ៉ាង