 |
| អតីតយុទ្ធជនលីវឹងគំរូភ្លឺក្នុងការធ្វើសេដ្ឋកិច្ចពូកែ។ |
ឆ្នាំ១៩៩៣ អតីតយុទ្ធជនលីវឹងបានស្ម័គ្រចិត្តចូលក្នុងកងជួរទ័ពដើម្បីអនុវត្តភារកិច្ចកសាងនិងការពារមាតុប្រទេស។ អស់រយៈកាល២ឆ្នាំលត់ដំក្នុងកងជួរទ័ព បងបានចេញពីកងជួរទ័ព វិលមកជីវភាពសាមញ្ញ បងមានគ្រួសារនៅដោយឡែកហើយបានឪពុកម្តាយទាំងសងខាងចែកដីស្រែចំនួន៧កុងដើម្បីធ្វើការបង្កបង្កើនផល។ ក្នុងពេលនេះ ជីវភាពគ្រួសារពឹងផ្អែកទៅលើការផលិតកសិកម្ម ម៉្លោះហើយតែងជួបការលំបាក ប៉ុន្តែដោយឆន្ទៈព្យាយាមរបស់កងទ័ពអ៊ំហូដែលបានលត់ដំក្នុងកងជួរទ័ព ម៉្លោះហើយបងលីវឹងកាន់តែខិតខំប្រឹងប្រែងដើម្បីឆ្លងផុតការលំបាកឈានឡើងធូរធារ។
តាមអតីតយុទ្ធជនលីវឹង ប្រាក់ចំណូលពីធ្វើស្រែចំនួន៧កុងបានគ្រប់តែចាយវាយក្នុងគ្រួសារប្រចាំថ្ងៃ។ ប្រការនេះ ធ្វើឱ្យបងមានការបារម្ភរកវិធីណាដើម្បីអភិវឌ្ឍសេដ្ឋកិច្ចគ្រួសារមានប្រសិទ្ធភាពចីរភាព។ ជាមួយឆន្ទៈឈានឡើងធ្វើមាន គួបផ្សំនឹងរួមដំណើររបស់សមាគមអតីតយុទ្ធជនឃុំតឹងហ៊ឹងក្នុងការជំនួយទុនអាទិភាពពីធនាគារគោលនយោបាយ បង្កលក្ខណៈឱ្យចូលរួមបណ្តាថ្នាក់ហ្វឹកហាត់ពីវិទ្យាសាស្រ្តបច្ចេកទេស អនុវត្តទម្រង់ថ្មីសមស្របជាមួយដីធ្លីរបស់ភូមិភាគដើម្បីអនុវត្តបណ្តាវិធានការថែទាំ ព្យាបាលជំងឺលើការផលិតស្រូវ។ ទន្ទឹមនឹងនោះ បងអនុវត្តសម្រេចជោគជ័យទម្រង់ផលិតស្រូវរបស់គ្រួសារ។ អតីតយុទ្ធជនលីវឹងឱ្យដឹង៖ ជាមួយដីស្រែ៧កុងផលិតបណ្តើរ រៀនសូត្របទពិសោធន៍បណ្តើរ ប្រើចាយប្រិតសំចៃនិងទិញដីស្រែបន្ថែមបានចំនួន២២កុង ធ្វើ៣រដូវ/ឆ្នាំ ក្រោយពីផាត់ទាត់រួចរាល់គ្រួសារខ្ញុំនៅចំណេញចំនួន២០០លានដុង។ ឆ្នាំ២០១៦ ដោយឃើញទម្រង់ចិញ្ចឹមគោមានប្រសិទ្ធភាព អតីតយុទ្ធជនលីវឹងបានទិញគោ២ក្បាលមកចិញ្ចឹមដើម្បីរកប្រាក់ចំណូលឱ្យគ្រួសារអតីតយុទ្ធជនលីវឹងឱ្យដឹងបន្ថែម៖ ជាមួយគោ២ក្បាលក្នុងមួយឆ្នាំកើតបានកូនគោ២ក្បាល ដោយលក់ច្រើនលើក សព្វថ្ងៃគោរបស់ខ្ញុំនៅ៤ក្បាល ថ្មីៗនេះ លក់២ក្បាល ដោយតម្លៃ៣០លានដុង។ ជាមួយប្រភពចំណូលខាងលើ បានជួយឱ្យគ្រួសារ អតីតយុទ្ធជនលីវឹងឈានឡើងកាន់ភាពធូរធារហើយសង់បានផ្ទះមួយខ្នងតម្លៃ៣០០លានដុង។ មិនត្រឹមតែគំរូធ្វើសេដ្ឋកិច្ចពូកែប៉ុណ្ណោះទេ អតីតយុទ្ធជនលីវឹងនៅទាំងចូលរួមការចលនាកសាងជនបទថ្មីដូចៈ បរិច្ចាគដី២០០ម២ សម្រាប់ធ្វើផ្លូវជនបទ ចលនាមាមីងគប់វាល់ថវិកា កម្លាំងពលកម្មដើម្បីធ្វើផ្លូវនិងដាំផ្កាតាមដងផ្លូវ។ល។ វាយតម្លៃពីអតីតយុទ្ធជនលីវឹង សមមិត្តង្វៀងថាញ់ហាយ-ប្រធានសមាគមអតីតយុទ្ធជនឃុំតឹងហ៊ឹងឱ្យដឹង៖ រយៈពេលកន្លង សមមិត្តវឹងមិនបង្អង់ក្នុងការស្វែងយល់រៀនសូត្របទពិសោធន៍អនុវត្តបណ្តាទម្រង់ផលិតមានប្រសិទ្ធភាពរួមចំណែកបង្កើនប្រាក់ចំណូលលំនឹងជីវភាពគ្រួសារ។ សមមិត្តជាគំរូឆ្នើមក្នុងចលនាអភិវឌ្ឍសេដ្ឋកិច្ចរបស់សមាគម។
ពង្រីកចរិយាសម្បត្តិរបស់កងទ័ពអ៊ំហូ អតីតយុទ្ធជនលីវឹងបានឆ្លងផុតការលំបាក អភិវឌ្ឍសេដ្ឋកិច្ចគ្រួសារ។ បងសក្តិសមជាគំរូភ្លឺស្វាងពីស្មារតីឆ្លងផុតការលំបាកឈានឡើងដើម្បីសមាជិកអតីតយុទ្ធជននិងយុវជនជំនាន់ក្រោយរៀនសូត្រនិងយកតម្រាប់តាម។
ថាញ់វ៉ាង
Thông tin bạn đọc
Đóng Lưu thông tin