 |
| មីងលីធីសាមេន (ខាងឆ្វេង) ភូមិបូលៀង១ ឃុំធ្វឹងហ៊ឹង ឈានឡើងចាកផុតក្រពីទម្រង់ចិញ្ចឹមគោទឹកដោះ។ |
ស្វែងរកគ្រួសារមីងលីធីសាមេន ភូមិបូលៀង១ ឃុំធ្វឹងហ៊ឹងជាគ្រួសារឈានឡើងចាកផុតក្រ ដោយសារទម្រង់ចិញ្ចឹមគោទឹកដោះ។ នាំយើងខ្ញុំទៅទស្សនាទម្រង់ចិញ្ចឹមគោទឹកដោះរបស់គ្រួសារ មីងសាមេនចែករំលែក៖ ការចិញ្ចឹមគោទឹកដោះថ្វីដ្បិតតែមានការលំបាក ប៉ុន្តែនាំមកនូវប្រសិទ្ធភាពសេដ្ឋកិច្ចលើសច្រើនដងបើធៀបនឹងការធ្វើស្រែ។ ដើម្បីឱ្យហ្វូងគោឆាប់ធំត្រូវចេះបច្ចេកទេសថែទាំ តាមដានសុខភាពនិងអត្រាផ្តល់ទឹកដោះរបស់គោ ក្រៅពីនេះ ចំណីរបស់គោត្រូវធានាបានជាតិបំប៉នគ្រប់គ្រាន់ឱ្យមានបរិមាណទឹកដោះខ្ពស់និងគុណភាព។ ទន្ទឹមនឹងនោះ ការជ្រើសរើសពូជគោក៏មានសារៈសំខាន់ណាស់។ ដោយការឧស្សាហ៍ព្យាយាមថែទាំ ការខិតខំរៀនសូត្របច្ចេកទេសចិញ្ចឹម ម្ល៉ោះហើយ ដំបូងពីគោ១ក្បាល បច្ចុប្បន្ន គ្រួសារមីងមានគោកើនឡើងដល់១០ក្បាល ក្នុងនោះ មាន៣ក្បាលកំពុងផ្តល់ទឹកដោះ មធ្យមសម្រេចប្រហែល៤០គីឡូក្រាម/ថ្ងៃ តម្លៃពី១៣.៥០០-១៦.៥០០ដុង/គីឡូក្រាម។ មីងសាមេនចែករំលែក៖ រៀងរាល់ឆ្នាំ គ្រួសារខ្ញុំមានប្រាក់ចំណូលប្រហែល១៥០លានដុង ពីការចិញ្ចឹមគោទឹកដោះបូកផ្សំជាមួយប្រាក់៦លានដុង/ខែ ពីធ្វើការបន្ថែមរបស់ប្តី ដូច្នេះ ជីវភាពគ្រួសារបានលំនឹងបន្តិចម្តងៗនិងឈានឡើងចាកផុតក្រ។ ឆ្នាំ២០២០ គ្រួសារមីងសង់ផ្ទះ១ខ្នង តម្លៃជិត៣០០លានដុង។
គ្រួសារមីងលីធីធឿង នៅភូមិជាមួយគ្នា មានបទពិសោធន៍ជាង១០ឆ្នាំ ចិញ្ចឹមគោទឹកដោះ។ សំណេះសំណាលជាមួយយើងខ្ញុំ មីងធឿងចែករំលែក៖ កាលពីមុន គ្រួសារខ្ញុំមានស្ថានភាពលំបាក ឆ្នាំ២០០៥ បានឧបត្ថម្ភគោស៊ីន១ក្បាលពីគម្រោងលើកកម្ពស់ជីវភាព ប៉ុន្តែបន្ទាប់ពីការចិញ្ចឹម២ឆ្នាំ ឃើញគ្មានប្រសិទ្ធភាព ខ្ញុំសម្រេចចិត្តបុលធនាគារគោលនយោបាយសង្គមវិនិយោគចិញ្ចឹមគោទឹកដោះ១ក្បាល។ ដោយមានឆន្ទៈក្នុងការរកស៊ី រៀនរបៀបថែទាំពីបងប្អូនសមាជិកា ដូច្នេះ ហ្វូងគោឆាប់ធំ ដំបូងពីគោទឹកដោះ១ក្បាល បន្ទាប់ពីលក់៥លើក បច្ចុប្បន្នគ្រួសារមីងរក្សាទុកបាន១៣ក្បាល។ មីងធឿងឱ្យដឹង៖ ក្នុងចំណោមគោ១៣ក្បាល មានគោ៣ក្បាលកំពុងផ្តល់ទឹកដោះ មធ្យមសម្រេចប្រហែលពី៣៥-៤០គីឡូក្រាម/ថ្ងៃ តម្លៃ១៣.៥០០ដុង/គីឡូក្រាម បន្ទាប់ពីគិតការចំណាយរួច ក្នុងមួយសប្តាហ៍ ខ្ញុំចំណេញប្រហែល៣,៥លានដុង។ បានដឹង ថ្មីៗនេះ គ្រួសារមីងលក់២ក្បាល បានប្រហែល៤២លានដុង។ ជាមួយនឹងប្រាក់ចំណូលជាង២០០លានដុង/ឆ្នាំ ជីវភាពរបស់គ្រួសារមីងធឿងកាន់តែធូរធារ។
សមមិត្តត្រឹងធីហ្វេ-ប្រធានសមាគមនារីឃុំធ្វឹងហ៊ឹងឱ្យដឹង៖
អាចឃើញថា ទម្រង់ចិញ្ចឹមគោទឹកដោះបានជួយសមាជិកាខ្មែរជាច្រើនបង្កើនប្រាក់ចំណូលលំនឹងជីវភាព។ ដើម្បីឱ្យបងប្អូននារីផលិតកាន់តែមានប្រសិទ្ធភាព នាពេលខាងមុខ សមាគមនឹងសហការយ៉ាងសកម្មជាមួយនឹងផ្នែកជំនាញ ដើម្បីចាត់តាំងបណ្តាថ្នាក់ហ្វឹកហាត់ជឿនលឿនពីវិទ្យាសាស្ត្រ-បច្ចេកទេសក្នុងការដាំដុះ ចិញ្ចឹមសត្វ។ ទន្ទឹមនឹងនោះ ឧបត្ថម្ភប្រភពទុនអាទិភាព ដើម្បីសមាជិកាមានលក្ខណៈបើកទូលាយចិញ្ចឹមសត្វ រកប្រាក់ចំណូលបន្ថែម ឈានឡើងធ្វើមានដោយស្របច្បាប់៕
ថាញ់វ៉ាង - លីហាន់
Thông tin bạn đọc
Đóng Lưu thông tin