រសៀលទី១៤ មីនា បណ្តាសមមិត្តឡឹមវ៉ាំងម៉ឹង-សមាជិកគណៈប្រតិបត្តិការមជ្ឈិមបក្ស លេខាបក្សខេត្ត ប្រធានក្រុមតំណាងរដ្ឋសភាខេត្តសុកត្រាំង ត្រឹងវ៉ាំងឡូវ-អនុលេខាបក្សខេត្ត ប្រធានគណៈកម្មាធិការប្រជាជនខេត្តសុកត្រាំង បានពិនិត្យស្ថានភាពត្រៀមរៀបចំពិធីសម្ពោធមណ្ឌលឧស្សាហកម្មត្រឹងដេ (សុកត្រាំង)។ ចូលរួមនៅមានថ្នាក់ដឹកនាំបណ្តាមន្ទីរ គណៈផ្នែកខេត្តនិងគណៈកម្មាធិការប្រជាជនស្រុកត្រឹងដេ។
ឆ្លងតាមការត្រួតពិនិត្យជាក់ស្តែងសមមិត្តឡឹមវ៉ាំងម៉ឹង បានសម្តែងសេចក្តីរីករាយពេលដែលហេដ្ឋារចនាសម្ព័ន្ធបច្ចេកទេសនៃមណ្ឌលឧស្សាហកម្មត្រឹងដេបានសម្រេចជាស្ថាពរ។ លេខាបក្សខេត្ត បានកត់សំគាល់ចំពោះការខិតខំប្រឹងប្រែងរបស់អ្នកវិនិយោគក្រុមហ៊ុនភាគហ៊ុនបេតុងហាថាញ់ គណៈកម្មាធិការប្រជាជនខេត្តសុកត្រាំងរួមនិងបណ្តាមន្ទីរ គណៈផ្នែកនិងភូមិភាគ។ គិតមកដល់ពេលនេះ បណ្តាសំណង់ហេដ្ឋារចនាសម្ព័ន្ធបច្ចេកទេសរបស់មណ្ឌលឧស្សាហកម្មត្រឹងដេដូច ផ្លូវគមនាគមន៍ ប្រព័ន្ធភ្លើងអុជបំភ្លឺ ប្រព័ន្ធបង្ហូរទឹកភ្លៀង ប្រព័ន្ធផ្គត់ផ្គង់ទឹកស្អាត ផ្នែកផ្គត់ផ្គង់អគ្គិសនី ផ្នែកការពារនិងពន្លត់អគ្គិភ័យ។ល។ ដែលបានកសាងរួចស្រេច។ ទន្ទឹមនឹងនោះ ក្រុមហ៊ុនភាគហ៊ុនបេតុងហាថាញ់បានទទួលរោងចក្រដោះស្រាយទឹកសំណល់ប្រមូលផ្តុំក្នុងមណ្ឌលឧស្សាហកម្មត្រឹងដេ ដែលប្រគល់ដោយគណៈគ្រប់គ្រងមណ្ឌលឧស្សាហកម្មខេត្តបានសហការជាមួយមន្ទីរ ផ្នែក អង្គភាពពាក់ព័ន្ធ។ ព្រមជាមួយនោះ អ្នកវិនិយោគដាក់សំណើសំណុំបែបបទនៃសំណង់និងនីតិវិធីផ្សេងៗស្របតាមកិច្ចសន្យាជាមួយនឹងគណៈកម្មាធិការបក្សខេត្ត គណៈកម្មាធិការប្រជាជនខេត្ត។
 |
| ថ្នាក់ដឹកនាំគណៈកម្មាធិការបក្សខេត្ត គណៈកម្មាធិការប្រជាជនខេត្តសុកត្រាំង ពិនិត្យស្រះឧបទ្ទវហេតុមណ្ឌលឧស្សាហកម្មត្រឹងដេ។ |
ចំពោះសំណង់ដែលនៅខ្វះប្រព័ន្ធដោះស្រាយទឹកសំណល់ប្រមូលផ្តុំ (ស្រះឧបទ្ទវហេតុបំពង់បង្ហូរកាកសំណល់) បង្កើតសំណុំបែបបទ នីតិវិធីស្នើសុំលិខិតអនុញ្ញាតសាងសង់។ល។ លេខាបក្សខេត្ត ស្នើឱ្យអ្នកវិនិយោគត្រូវអនុវត្តជាបន្ទាន់។ បណ្តាមន្ទីរ គណៈផ្នែកខេត្តនិងគណៈកម្មាធិការប្រជាជនស្រុកត្រឹងដេ សហការឧបត្ថម្ភអ្នកវិនិយោគក្នុងការអនុវត្តនីតិវិធីពាក់ព័ន្ធឱ្យបានឆាប់បំផុត។ គណៈគ្រប់គ្រងបណ្តាមណ្ឌលឧស្សាហកម្មខេត្ត នឹងប្រកាសពីលទ្ធផលនៃការត្រួតពិនិត្យនិងទទួលក្នុងពេលឆាប់ៗនេះតាមការកំណត់នៃច្បាប់ ដើម្បីឱ្យមណ្ឌលឧស្សាហកម្មគ្រប់លក្ខណៈចូលដំណើរការ។
 |
| បណ្តាសមមិត្តថ្នាក់ដឹកនាំ គណៈកម្មាធិការបក្សខេត្ត គណៈកម្មាធិការប្រជាជនខេត្តសុកត្រាំងនិងបណ្តាមន្ទីរ គណៈផ្នែកខេត្ត បានពិនិត្យជាក់ស្តែងលើប្រព័ន្ធដោះស្រាយនិងផ្គត់ផ្គង់ទឹកស្អាតក្នុងមណ្ឌលឧស្សាហកម្មត្រឹងដេដែលមានសមត្ថភាពផលិត៥.៨០០ម៣/ថ្ងៃនិងយប់។ |
 |
| សមមិត្តឡឹមវ៉ាំងម៉ឹង-សមាជិកគណៈប្រតិបត្តិការមជ្ឈិមបក្ស លេខាបក្សខេត្ត ប្រធានក្រុមតំណាងរដ្ឋសភាខេត្តសុកត្រាំង (កណ្តាល) បានស្នើដល់អ្នកវិនិយោគ បណ្តាមន្ទីរ គណៈផ្នែកខេត្តនិងភូមិភាគសហការចាត់តាំងពិធីសម្ពោធមណ្ឌលឧស្សាហកម្មត្រឹងដេនាថ្ងៃទី២៥ មេសា ឆ្នាំ២០២៥។ |
លេខាបក្សខេត្តឡឹមវ៉ាំងម៉ឹង បានយល់ព្រមជាមួយអ្នកវិនិយោគនៅថ្ងៃទី២៥ មេសា ឆ្នាំ២០២៥ នឹងចាត់តាំងពិធីសម្ពោធដាក់ឱ្យពាណិជ្ជកម្មហេដ្ឋារចនាសម្ព័ន្ធមណ្ឌលឧស្សាហកម្មត្រឹងដេ ទន្ទឹមនឹងនោះ នឹងចាប់ផ្តើមសាងសង់គម្រោងបន្ទាប់បន្សំរោងចក្រផលិតឥដ្ឋក្រាល ដើម្បីអំណរខួប៥០ឆ្នាំទិវារំដោះភាគខាងត្បូងឯកភាពប្រទេសជាតិថ្ងៃទី៣០ មេសា ឆ្នាំ១៩៧៥-ថ្ងៃទី៣០ មេសា ឆ្នាំ២០២៥។ ហេតុដូច្នេះ អ្នកវិនិយោគត្រូវសហការយ៉ាងសកម្មជាមួយមន្ទីរ គណៈផ្នែកនិងភូមិភាគកសាងផែនការជាក់ស្តែងចាត់តាំងពិធីសម្ពោធ ក្នុងនោះ យកចិត្តទុកដាក់ចំពោះតំណាងភ្ញៀវកិត្តិយស ធានាសន្តិសុខសណ្តាប់ធ្នាប់ បណ្តានីតិវិធីសម្រាប់ការចាប់ផ្តើមសាងសង់រោងចក្របន្ទាប់បន្សំ។ល។ ដើម្បីធានាឱ្យពិធីសម្ពោធមណ្ឌលឧស្សាហកម្មត្រឹងដេ ចាត់តាំងសម្រេចជោគជ័យល្អប្រសើរ៕
ហ្វាងឡាង-លីហាន់
Thông tin bạn đọc
Đóng Lưu thông tin