ចលនាកសិករប្រឡងប្រណាំងផលិត ធ្វើអាជីវកម្មពូកែ

នាពេលកន្លង សមាគមកសិករឃុំលីវទូ ស្រុកត្រឹងដេ (សុកត្រាំង) សកម្មផ្លាស់ថ្មី លើកកម្ពស់គុណភាពចលនា “កសិករប្រឡងប្រណាំងផលិត ធ្វើអាជីវកម្មពូកែ សាមគ្គីជួយគ្នាធ្វើមាននិងបន្ថយភាពក្រីក្រស្ថិរភាព” នាំមកនូវលទ្ធផលជាក់ស្តែង បង្កបរិយាកាសប្រឡងប្រណាំងយ៉ាងផុសផុល។ ឆ្លងតាមនោះ រួមចំណែកលើកទឹកចិត្ត ជំរុញស្មារតី ឆន្ទៈនិងការប្តេជ្ញាដើម្បីជម្នះការលំបាកឈានឡើងធ្វើមានរបស់សមាជិកកសិករនៅភូមិភាគ។

មីងញ៉ាងធីសេម នៅភូមិបឹងភ្នៀត ឃុំលីវទូ ស្រុកត្រឹងដេ (សុកត្រាំង) អភិវឌ្ឍសេដ្ឋកិច្ចដោយសារទម្រង់ចិញ្ចឹមជ្រូក។

តាមស្ថិតិរបស់សមាគមកសិករឃុំលីវទូ បច្ចុប្បន្ន ទូទាំងឃុំមានសមាជិកកសិករប្រមាណ២.៥៩៤រូប ក្នុងនោះ មានសមាជិកជាជនជាតិខ្មែរ១.៧៧១រូប។ នាឆ្នាំកន្លង សមាជិកកសិករនៅលើភូមិដ្ឋានបានសាទរចលនា “កសិករប្រឡងប្រណាំងផលិត ធ្វើអាជីវកម្មពូកែ សាមគ្គីជួយគ្នាធ្វើមាននិងបន្ថយក្រស្ថេរភាព” ដោយមានសកម្មភាពជាក់ស្តែងដូច ប្រឡងប្រណាំងអភិវឌ្ឍផលិត ជំរុញការអនុវត្តវិទ្យាសាស្ត្រ-បច្ចេកទេសក្នុងផលិត ជួយគ្នាអភិវឌ្ឍសេដ្ឋកិច្ច។ល។ សមាគមបានកសាងផែនការនិងបំផុសចលនាសមាជិកកសិករចុះឈ្មោះចូលរួមការចលនា មកដល់ពេលនេះ គ្រួសារកសិករចំនួន២.១៥០បានចុះឈ្មោះចូលរួម មានគ្រួសារកសិករចំនួន១.២៩០/២.១៥០រូបបានចុះឈ្មោះជាអ្នកផលិត ធ្វើអាជីវកម្មពូកែ។

ដោយស្មារតីជឿជាក់លើខ្លួនឯង ហ៊ានគិតនិងមានឆន្ទៈឈានឡើងចាកផុតក្រ ធ្វើមាននៅភូមិស្រុករបស់ខ្លួន សមាជិកកសិករជាច្រើនបានផ្លាស់ប្តូរយ៉ាងសកម្មនូវរចនាសម្ព័ន្ធដំណាំ សត្វចិញ្ចឹមវិនិយោគលើការបើកទូលាយផលិត អនុវត្តវិទ្យាសាស្ត្រ-បច្ចេកទេសក្នុងផលិត ឆ្លងតាមទម្រង់ជាច្រើនដូច ធ្វើស្រែគុណភាពខ្ពស់នៅភូមិបឹងប៊ូយនិងបឹងទ្រៀកផលិតជីសរីរាង្គ ចិញ្ចឹមជ្រូកសាច់ ចិញ្ចឹមជ្រូកមេ ដាំដំណាំ។ល។ គំរូគឺទម្រង់ចិញ្ចឹមជ្រូកសាច់របស់គ្រួសារមីងញ៉ាងធីសេម នៅភូមិបឹងទ្រៀក ឃុំលីវទូ មីងសេមឱ្យដឹង ជ្រូកងាយចិញ្ចឹម គ្រាន់តែថែទាំត្រឹមត្រូវ ចេះពីរបៀបការពារជំងឺ ការថែទាំជ្រូកកាន់តែងាយស្រួល។ ដូច្នេះហើយ គ្រួសាររបស់ខ្ញុំបានអនុវត្តទម្រង់ចិញ្ចឹមជ្រូកសាច់ជិត២០ឆ្នាំមកហើយ។ ជាមួយបទពិសោធន៍ដែលរៀនសូត្របានពីឪពុកម្តាយ កាសែត វិទ្យុ ដូច្នេះហើយ ទម្រង់កាន់តែនាំមកនូវប្រសិទ្ធភាពសេដ្ឋកិច្ចខ្ពស់។ បច្ចុប្បន្ន តម្លៃសាច់ជ្រូកនៅលើទីផ្សារស្ថិរភាព ខ្ញុំបានលក់ជ្រូកចំនួន៧ក្បាល បន្ទាប់ពីគិតការចំណាយរួចរាល់ ប្រាក់ចំណេញប្រហែល១លានដុង/ក្បាល។

សមាគមកសិករឃុំបានយកចិត្តទុកដាក់ជាប្រចាំ បង្កលក្ខណៈដើម្បីឧបត្ថម្ភជួយគ្រួសារកសិករអនុវត្តល្អការចុះឈ្មោះផលិត ធ្វើអាជីវកម្មពូកែគ្រប់ថ្នាក់។ ទន្ទឹមនឹងនោះ សមាគមក៏បានជំរុញការឃោសនាអនុវត្តអនាម័យបរិស្ថាន សុវត្ថិភាពម្ហូបអាហារលើវិស័យដាំដុះ ចិញ្ចឹមសត្វនិងចិញ្ចឹមជលផលដែលមានសមាជិកចុះឈ្មោះចូលរួមចំនួន២.៩៧៥រូប។ ក្នុងឆ្នាំ២០២៤ អនុវត្តសេចក្តីសម្រេចលេខ០១-NQ/HNDH ចុះថ្ងៃទី២៦ មេសា ឆ្នាំ២០២២របស់គណៈអចិន្ត្រៃយ៍សមាគមកសិករស្រុក ស្តីពីការបន្ថយក្រស្ថេរភាពក្នុងសមាជិកកសិករដំណាក់កាល២០២២-២០២៦ មានសមាជិកកសិករចំនួន២គ្រួសារបានចុះឈ្មោះរួចផុតពីភាពក្រីក្រជាមួយនឹងទម្រង់ចិញ្ចឹមគោ។

បងយឿងមុនីស័កិ្ត-អនុប្រធានសមាគមកសិករឃុំលីវទូឱ្យដឹង៖ សមាគមបានធ្វើល្អការងារឃោសនាគោលការណ៍ គោលនយោបាយរបស់បក្ស ក្រឹត្យច្បាប់របស់រដ្ឋ សេចក្តីសម្រេចរបស់សមាគមកសិករគ្រប់ថ្នាក់ មួយជំហានម្តងៗបង្កើនការយល់ដឹងដល់កម្មាភិបាល សមាជិកកសិករ។ តាមនោះ សមាជិកកសិករចូលរួមប្រឡងប្រណាំងយ៉ាងសកម្មក្នុងផលិត ធ្វើអាជីវកម្មពូកែ បន្ថយក្រស្ថេរភាព កសាងជនបទថ្មី ទីក្រុងអរិយធម៌ រក្សាសន្តិសុខ សណ្តាប់ធ្នាប់ សុវត្ថិភាពសង្គម រួមចំណែកកសាងប្រព័ន្ធនយោបាយភូមិភាគរឹងមាំ។ នាពេលខាងមុខ សមាគមបន្តកៀរគរសមាជិកកសិករឱ្យចុះឈ្មោះកិត្តិនាម “កសិករផលិត ធ្វើអាជីវកម្មពូកែ” គ្រប់ថ្នាក់ឆ្នាំ២០២៥ ទន្ទឹមនឹងនោះ ចាត់តាំងជម្រើស ឧទ្ទេសនាមគំរូឆ្នើមរបស់សមាគមនិងបណ្តាទម្រង់ចងសម្ព័ន្ធ សហការក្នុងផលិត ធ្វើអាជីវកម្មនាំមកនូវប្រសិទ្ធភាពខ្ពស់។

ចលនា “កសិករប្រឡងប្រណាំងផលិត ធ្វើអាជីវកម្មពូកែ សាមគ្គីជួយគ្នាធ្វើមាននិងបន្ថយក្រស្ថេរភាព” បានរួមចំណែកយ៉ាងសកម្មក្នុងការបំបាត់អត់ បន្ថយក្រ លើកស្ទួយជីវភាពសម្ភារៈ ស្មារតីដល់សមាជិកកសិករនៅលើភូមិដ្ឋាន។ តាំងពីនោះ ជំរុញការអភិវឌ្ឍសេដ្ឋកិច្ច-សង្គម កសាងជីវភាពវប្បធម៌ បង្កការលើកទឹកចិត្តដើម្បីមាមីងកសិកររួមកម្លាំងកសាងជនបទថ្មីនៅលើភូមិដ្ឋាន៕

ហុងទើ-លីហាន់

ចលនាកសិករប្រឡងប្រណាំងផលិត ធ្វើអាជីវកម្មពូកែ

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង

ចលនាកសិករប្រឡងប្រណាំងផលិត ធ្វើអាជីវកម្មពូកែ

Thông tin bạn đọc

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង