 |
| ដងផ្លូវជនបទថ្មីនៅឃុំអាងហ៊ីប ស្រុកចូវថាញ់បានវិនិយោគកសាងរឹងមាំស្អាត-បៃតង។ |
ក្នុងប៉ុន្មានឆ្នាំកន្លង អាងហ៊ីបបានប្រមូលផ្តុំវិនិយោគកសាងហេដ្ឋារចនាសម្ព័ន្ធជនបទ ដូចដងផ្លូវគមនាគមន៍ អគ្គិសនីអុជបំភ្លឺ សាលារៀន ដំណាក់ សុខាភិបាល សំណង់បង្ហូតទឹក សំណង់វប្បធម៌-កីឡាហាត់ប្រាណ។ល។ មកដល់សព្វថ្ងៃបណ្តា ដងផ្លូវតភ្ជាប់ពីឃុំមួយទៅឃុំមួយពីភូមិមួយទៅភូមិមួយបានងាយស្រួលក្នុងការធ្វើដំណើរទៅមកនិងដឹកជញ្ជូនកសិផលរបស់ប្រជាជន ប្រជាជនជិត១០០% មានអគ្គិសនីប្រើប្រាស់ ឃុំសម្រេចបទដ្ឋានជាតិពីសុខាភិបាល។ ពូយ័ញនិញចែវ នៅភូមិកំពង់ទ្រព្យA ឃុំអាងហ៊ីប រីករាយឱ្យដឹង៖ ពីមុនដងផ្លូវតូច រថយន្តបើកបរជួបការលំបាក ពេលកសាងជនបទថ្មី ជនបទថ្មីលើកកម្ពស់ ភូមិបានចលនាប្រជាជនបរិច្ចាគដី ដាំផ្កា រំដោះផ្ទៃដី បើកទូលាយផ្លូវ។ អាស្រ័យហេតុនោះ បង្កភាពងាយស្រួលក្នុងការធ្វើដំណើរទៅមករបស់ប្រជាជន។ ទន្ទឹមនឹងនោះ អាងហ៊ីបក៏យកចិត្តទុកដាក់ក្នុងការអភិវឌ្ឍសេដ្ឋកិច្ចកសិកម្ម សកម្មអនុវត្តបង្វែររចនាសម្ព័ន្ធដើម្បីលើកកម្ពស់តម្លៃក្នុងការផលិត ចិញ្ចឹមសត្វ រយៈពេលកន្លង ឃុំបានថ្នាក់លើវិនិយោគនិងចលនាប្រជាជនឱ្យខិតខំអភិវឌ្ឍសេដ្ឋកិច្ច បើកទូលាយបណ្តាទម្រង់សេដ្ឋកិច្ចមានប្រសិទ្ធភាពសមស្របជាមួយលក្ខណៈរបស់ភូមិភាគ។ អាស្រ័យអនុវត្តបណ្តាបច្ចេកវិទ្យាទំនើប បណ្តាទម្រង់នេះនាំមកនូវប្រសិទ្ធភាពសេដ្ឋកិច្ចខ្ពស់ជូនមាមីងកសិករ។ ពូលីសាផន នៅភូមិកំពង់ ទ្រព្យB ឃុំអាងហ៊ីបឱ្យដឹង៖ ក្នុងប៉ុន្មានឆ្នាំជិតៗនេះ អាស្រ័យការយកចិត្តទុកដាក់ជំនួយណែនាំរបស់ស្ថាប័ន អង្គការនានានៅភូមិភាគក្នុងការអនុវត្តបណ្តាទម្រង់ផលិតសមស្របនឹងតម្រូវការទីផ្សារសម្របជាមួយនឹងការប្រែប្រួលអាកាសធាតុបានជួយឱ្យជីវភាពរបស់ខ្ញុំនិងគ្រួសារដទៃទៀតក៏មានការផ្លាស់ថ្មី។ សព្វថ្ងៃ ដីស្រែចំនួន១០កុងធ្វើ២រដូវ/ឆ្នាំនិងចំការ២កុងសម្រាប់ដាំបន្លែ រាល់ឆ្នាំគ្រួសារខ្ញុំរកបានប្រាក់ចំណូលជិត១០០លានដុង។ ចំនួនទឹកប្រាក់នេះជួយឱ្យគ្រួសារខ្ញុំផ្គត់ផ្គង់ជីវភាពប្រចាំថ្ងៃ ជីវភាពមិនលំបាកដូចពីមុនទៀត។ ដើម្បីរក្សានិងលើកកម្ពស់គុណភាពជនបទថ្មីលើកកម្ពស់ អាងហ៊ីបនឹងប្រមូលផ្តុំផ្សព្វផ្សាយឱ្យបានសម្រេចបណ្តាសំណង់ចាំបាច់ ឆ្លើយតបតម្រូវការអភិវឌ្ឍផលិតនិងជីវភាពរបស់ប្រជាជនដូច៖ គមនាគមន៍ អគ្គិសនី ទឹកប្រើប្រាស់ សាលារៀន មណ្ឌលកីឡា អគារប្រជុំជីវភាព សហគមន៍ភូមិ កសាងទិដ្ឋភាពបរិស្ថានស្អាត-បៃតង។ សមមិត្តង្វៀងវ៉ាំងហូវ-លេខាបក្សឃុំ ប្រធានគណៈកម្មាធិការប្រជាជនឃុំអាងហ៊ីបឱ្យដឹង៖ ដើម្បីរក្សាបណ្តាលក្ខឋានជនបទថ្មីលើកកម្ពស់ដែលសម្រេចបាន ឃុំចាត់តាំងសន្និបាតផ្សព្វផ្សាយគួបផ្សំក្នុងពេលប្រជុំរបស់ឃុំ ភូមិដើម្បីផ្សព្វផ្សាយពីគោលនយោបាយ គោលការណ៍ពីការកសាងជនបទថ្មី ផ្សារភ្ជាប់នឹងភារកិច្ចរបស់សមាគម អង្គការមហាជន បណ្តាអង្គភាព សាលារៀន ដំណាក់សុខាភិបាលលើភូមិដ្ឋានចូលរួមអនុវត្ត បណ្តាខ្លឹមសាររក្សាបណ្តាលក្ខឋានជនបទថ្មីលើកកម្ពស់ដែលបានសម្រេច។ តាមនោះ ត្រូវមានការស្របមតិព្រួតដៃគប់វាល់របស់ប្រជាជន ពិសេសគឺការកសាងជនបទថ្មី ធានាភូមិភាគអនុវត្តបណ្តាពាក្យស្លោក ប្រជាជនដឹង ប្រជាជនពិគ្រោះ ប្រជាជនធ្វើ ប្រជាជនពិនិត្យនិងប្រជាជនទទួលផល។
ផ្តើមពីការខិតខំរបស់គណៈកម្មាធិការបក្សនិងអង្គការមហាជនឃុំ ពិសេសគឺការឧបត្ថម្ភរបស់ប្រជាជនក្នុងការកសាងជនបទថ្មីនិងជនបទថ្មីលើកកម្ពស់មិនត្រឹមតែនាំមកនូវទិដ្ឋភាពថ្មីឱ្យតំបន់នេះតែនៅទាំងធ្វើឱ្យជីវភាពប្រជាជននៅទីនេះបានសុខដុមនិងសុភមង្គល៕
ចន្ថា
Thông tin bạn đọc
Đóng Lưu thông tin