ព្រឹកថ្ងៃទី១៤ មីនា នៅគណៈកម្មាធិការប្រជាជនខេត្ត សមមិត្តត្រឹងវ៉ាំងឡូវ-អនុលេខាបក្សខេត្ត ប្រធានគណៈកម្មាធិការប្រជាជនខេត្តសុកត្រាំង ធ្វើជាអធិបតីសម័យប្រជុំ ដើម្បីស្តាប់របាយការណ៍ ស្តីពីការអនុវត្តខ្លឹមសារកម្មវិធីកំណើនសេដ្ឋកិច្ចឆ្នាំ២០២៥។ អញ្ជើញចូលរួមមានបណ្តាសមមិត្តឡឹមហ្វាងងីប-សមាជិកគណៈអចិន្ត្រៃយ៍បក្សខេត្ត អនុប្រធានប្រចាំការគណៈកម្មាធិការប្រជាជនខេត្ត ង្វៀងវ៉ាំងខើយ-សមាជិកបក្សខេត្ត អនុប្រធានគណៈកម្មាធិការប្រជាជនខេត្ត ថ្នាក់ដឹកនាំបណ្តាមន្ទីរ ផ្នែកពាក់ព័ន្ធ។
 |
| ទិដ្ឋភាពតំណាងចូលរួមសម័យប្រជុំ។ |
ដើម្បីអនុវត្តជោគជ័យនូវសេចក្តីសម្រេចលេខ៨/NQ-HĐND ចុះថ្ងៃទី១៧ កុម្ភៈ ឆ្នាំ២០២៥ របស់ក្រុមប្រឹក្សាប្រជាជនខេត្តសុកត្រាំង ស្តីពីការកែសម្រួលគោលដៅសំខាន់ៗមួយចំនួនក្នុងសេចក្តីសម្រេចលេខ១៣៧/NQ-HĐND ចុះថ្ងៃទី៦ ធ្នូ ឆ្នាំ២០២៤ របស់ក្រុមប្រឹក្សាប្រជាជនខេត្ត ពីការអភិវឌ្ឍសេដ្ឋកិច្ច-សង្គមឆ្នាំ២០២៥ គណៈកម្មាធិការប្រជាជនខេត្ត បានកសាងផែនការអនុវត្តភារកិច្ចដំណោះស្រាយសំខាន់ៗក្នុងការជំរុញកំណើនសេដ្ឋកិច្ចនិងជុំរុញផ្តល់ផ្ទេរទុនវិនិយោគរដ្ឋធានាបាននូវគោលដៅកំណើនសេដ្ឋកិច្ចខេត្តសុកត្រាំងឆ្នាំ២០២៥ សម្រេចពី៨%ឡើង។
គោលដៅកំណើន៨%ឡើង គឺជាភារកិច្ចដ៏លំបាក ការសាកល្បង ប៉ុន្តែត្រូវតែប្តេជ្ញានឹងសេចក្តីសម្រេច ដើម្បីបង្កើនសន្ទុះ បង្កកម្លាំង បង្កភាពរឹងមាំ បង្កឱកាសសម្រាប់កំណើនពីរខ្ទង់ក្នុងឆ្នាំបន្តបន្ទាប់។ កំណើនសេដ្ឋកិច្ចលឿន ប៉ុន្តែត្រូវតែមាននិរន្តរភាព ធានាស្ថិរភាពសេដ្ឋកិច្ចបណ្តាភាពស្មើសំខាន់ៗនៃសេដ្ឋកិច្ចលើកកម្ពស់ជីវភាពសម្ភារៈនិងស្មារតីរបស់ប្រជាជន ធានាសុខុមាលភាពសង្គម សមភាព សង្គមជឿនលឿន ការពារបរិស្ថាន ភាពស្មើ ស្រុះស្រួលរវាងការអនុវត្តគោលដៅកំណើនរយៈពេលខ្លី ជាមួយការអភិវឌ្ឍរយៈពេលមធ្យមនិងរយៈពេលវែង មិនលះបង់ភាពជឿនលឿន យុត្តិធម៌សង្គមនិងបរិស្ថានដើម្បីនឹងដូរយកកំណើនសេដ្ឋកិច្ច។ កំណើនសេដ្ឋកិច្ចត្រូវតែពឹងផ្អែកលើវិទ្យាសាស្ត្រ បច្ចេកវិទ្យា ផ្លាស់ថ្មីការច្នៃប្រឌិតនិងផ្លាស់ប្តូរឌីជីថល ធនធានមនុស្សដែលមានគុណភាពខ្ពស់ បង្កើនទិន្នផលពលកម្ម។ គោលដៅគឺដើម្បីសម្រេចបាននូវកំណើនសេដ្ឋកិច្ចប្រកបដោយចីរភាព រួមបញ្ចូល គ្រប់វិស័យនាំមកនូវផលប្រយោជន៍ដល់ប្រជាជន…។
តំណាងទាំងឡាយបានគប់វាល់មតិយោបល់មួយចំនួនលើការអនុវត្តភារកិច្ច ដំណោះស្រាយសំខាន់ៗ ដើម្បីជំរុញកំណើនសេដ្ឋកិច្ចនិងជុំរុញផ្តល់ផ្ទេរទុនវិនិយោគរដ្ឋ ធានាបាននូវគោលដៅកំណើនសេដ្ឋកិច្ចខេត្តសុកត្រាំង ឆ្នាំ២០២៥ សម្រេច៨%ឡើងទៅ។
ថ្លែងប្រសាសន៍នៅសម័យប្រជុំ សមមិត្តត្រឹងវ៉ាំងឡូវ បានស្នើឱ្យបណ្តាមន្ទីរ គណៈផ្នែកពាក់ព័ន្ធស្រាវជ្រាវ ពិនិត្យ តាមដានយ៉ាងដិតដល់លើវិស័យនីមួយៗ ក្តាប់ច្បាស់ស្ថានភាព ធ្វើល្អការវិភាគ ការព្យាករណ៍ អភិវឌ្ឍយ៉ាងសកម្មនូវផែនការដំណោះស្រាយព្រមៗគ្នា គ្រប់វិស័យ ចំណុចសំខាន់ៗដើម្បីឆ្លើយតបទាន់ពេល ខ្នះខ្នែង ប្រសិទ្ធភាព ពិសេស ចំពោះបញ្ហាដែលទើបនឹងកើតមាន បញ្ហាលំបាក៕
ថាច់ពេច្រ-លីហាន់
Thông tin bạn đọc
Đóng Lưu thông tin