ព្រឹកថ្ងៃទី១២ មីនា ក្រុមប្រតិភូខេត្តសុកត្រាំង ដោយបណ្តាសមមិត្តឡឹមវ៉ាំងម៉ឹង-សមាជិកគណៈប្រតិបត្តិការមជ្ឈិមបក្សលេខាបក្សខេត្ត ប្រធានក្រុមតំណាងរដ្ឋសភាខេត្ត ត្រឹងវ៉ាំងឡូវ-អនុលេខាបក្សខេត្ត ប្រធានគណៈកម្មាធិការប្រជាជនខេត្ត ព្រមទាំងថ្នាក់ដឹកនាំបណ្តាមន្ទីរ គណៈផ្នែកខេត្តនិងថ្នាក់ដឹកនាំទីក្រុងសុកត្រាំង បានចុះពិនិត្យល្បឿនគម្រោងផ្លូវវ៉ាន់ដាយ១ វ៉ាន់ដាយ២និងគម្រោងសំណង់សំខាន់ៗមួយចំនួននៅលើភូមិដ្ឋានទីក្រុងសុកត្រាំង។
ក្រុមប្រតិភូបានត្រួតពិនិត្យជាក់ស្តែងគម្រោងវ៉ាន់ដាយ២ នៅចំណុចប្រសព្វជាមួយផ្លូវផាមហ៊ុង ចំណុចប្រសព្វជាមួយផ្លូវតូងឌឹកថាំង។ ពីការរំដោះផ្ទៃដីអនុវត្តគម្រោង បានប្រគល់ផ្ទៃដីដែលមានសរុបប្រវែងផ្លូវ៤.៦៧៧/៥.២៣៤ម៉ែត្រ សម្រេចប្រមាណ៨៩,៤%។ ពីការសាងសង់ដែលកំពុងស្ថិតក្នុងដំណាក់កាលអនុវត្តការងារបូមខ្សាច់ K៩៥ K៩៨ ធារផ្លូវចាក់ក្រួសល្អិតប្រភេទពីរ ដាក់បំពង់បង្ហូតទឹកបណ្តោយ កសាងលូឆ្លងកាត់ផ្លូវ សាងសង់ជន្ទល់ស្ពាន។ល។ ជាមួយនឹងបរិមាណសាងសង់រហូតមកដល់ពេលនេះសម្រេចបានប្រហែល៣៥% យឺតបើធៀបនឹងផែនការដែលបានដាក់ចេញ។
 |
| និយាយរួម បណ្តាគម្រោងប្រឈមមុខនឹងការលំបាកដ៏ធំបំផុតក្នុងការរំដោះផ្ទៃដីនិងការប្រគល់ដីដល់អង្គភាពសាងសង់។ |
បន្ទាប់មក ក្រុមប្រតិភូបានចុះពិនិត្យជាក់ស្តែងគម្រោងផ្លូវវ៉ាន់ដាយ១ (កំណាត់ពីផ្លូវបែកជាបីឡេយឹ្វង-ផាមហ៊ុង សង្កាត់ទី៨ដល់ផ្លូវត្រឹងក្វុកត្វង សង្កាត់ទី៦ ទីក្រុងសុកត្រាំង) ក្រុមប្រតិភូពិនិត្យផ្លូវប្រសព្វជាមួយផ្លូវផាមហ៊ុង ប្រសព្វជាមួយផ្លូវតូងឌឹកថាំង។ ប្រវែងផ្លូវសរុបប្រមាណ៤គីឡូម៉ែត្រ ផ្ទៃផ្លូវក្រាលកៅស៊ូ ទទឹងផ្លូវ២៦ម៉ែត្រ ផ្នែករថយន្ត១៤ម៉ែត្រ ចិញ្ចើមផ្លូវទាំងសងខាង៦ម៉ែត្រ។ ទូទៅនៃគម្រោងមានផ្ទៃដីដកយក៣៧២.៣០០ម៉ែត្រការេ ចំនួនគ្រួសារដែលឥទ្ធិពល១៨៨គ្រួនិង៤អង្គការ មកដល់ពេលនេះ បានប្រគល់ដីឱ្យគម្រោង២,៩៥/៤គីឡូម៉ែត្រ។ល។ល្បឿនសាងសង់និយាយរួមយឺតបើធៀបនឹងផែនការដែលបានដាក់ចេញ។
នាឱកាសនេះ ក្រុមប្រតិភូបានចុះពិនិត្យជាក់ស្តែងគម្រោងនៃស្ពានអក្សរ Y ដល់ផ្លូវហ៊ុងវឿង ទីក្រុងសុកត្រាំង គម្រោងបើកទូលាយកែលម្អទីក្រុងផ្សាវៀតណាម-អនុគម្រោងទីក្រុងសុកត្រាំង គម្រោងស្ពានង្វៀងវ៉ាំងលិននិងគម្រោងជីកស្តារប្រព័ន្ធធារាសាស្ត្រនៃព្រែកបង្កប្រភព ស្តុកទឹកសាបគួបផ្សំនឹងការបង្ការ ទប់ស្កាត់ទឹកជំនន់ គ្រោះរាំងស្ងួត ជ្រាបប្រៃ សម្របជាមួយការប្រែប្រួលអាកាសធាតុនៅលើភូមិដ្ឋានខេត្តសុកត្រាំង។ ក្រុមប្រតិភូ ក៏បានចុះពិនិត្យកន្លែងសាងសង់លូ ដំណាក់បូមទឹកនៅលើព្រែក៨ម៉ែត្រ (ជាប់ព្រែកបូថាវ)។
 |
| ថ្នាក់ដឹកនាំខេត្តសុកត្រាំង បានចង្អុលការដោះស្រាយដាច់ស្រេចផ្នែករំដោះផ្ទៃដី ដើម្បីប្រគល់ដីដល់អ្នកម៉ៅការចាត់តាំងសាងសង់ឱ្យបានទាន់ពេលតាមល្បឿនដែលបានដាក់ចេញ។ |
នៅកន្លែងត្រួតពិនិត្យ តំណាងម្ចាស់វិនិយោគ អ្នកម៉ៅការសាងសង់ បានព័ត៌មានយ៉ាងខ្លីអំពីស្ថានភាពអនុវត្តងាយស្រួល ការលំបាក ស្នើនិងមានការប្តេជ្ញាចំពោះល្បឿននៃការអនុវត្តតាមកិច្ចសន្យា។ល។ តាមនោះ ក្រៅពីភាពងាយស្រួល គឺនិយាយរួមបណ្តាគម្រោងខាងលើ ប្រឈមមុខនឹងការលំបាកដ៏ធំបំផុតក្នុងការរំដោះផ្ទៃដីនិងការប្រគល់ដីដល់អង្គភាពសាងសង់។ បច្ចុប្បន្ន នៅតែមានគ្រួសារមួយចំនួនដែលមិនទាន់បានទទួលប្រាក់ ដោយសារមានការចម្ងល់ តវ៉ាអំពីតម្លៃសំណងនិងមិនព្រមយកដីទាំងសងខាងនៅតំបន់ជិតខាង ការចំណាយលើការឧបត្ថម្ភផ្សេងទៀតមិនទាន់បានអនុម័ត ខ្វះតម្លៃដីជាក់ស្តែងដើម្បីអនុវត្តតម្លៃសំណង…។
ដើម្បីធានាបានសម្រេចតាមពេលវេលានៃស្មារតីចង្អុលការរបស់លេខាបក្សខេត្ត ប្រធានគណៈចង្អុលការគ្រប់គ្រងគម្រោងវិនិយោគកសាងសំណង់សំខាន់ៗរបស់ខេត្ត ថ្នាក់ដឹកនាំគណៈកម្មាធិការប្រជាជនខេត្ត បានស្នើឱ្យមន្ទីរ ផ្នែកនិងគណៈកម្មាធិការប្រជាជនទីក្រុងសុកត្រាំង ដោះស្រាយការលំបាកក្នុងពេលរំដោះផ្ទៃដីឆាប់ៗខាងមុខ ដើម្បីប្រគល់ដីដល់អ្នកម៉ៅការ ដើម្បីចាត់តាំងការសាងសង់ឱ្យបានទាន់ពេលតាមតម្រូវការល្បឿនដែលបានដាក់ចេញ។
គម្រោងជីកស្តារប្រព័ន្ធធារាសាស្ត្រព្រែកបង្កប្រភព ស្តុកទឹកសាបគួបផ្សំនឹងការបង្ការ ទប់ស្កាត់ទឹកជំនន់ គ្រោះរាំងស្ងួត ជ្រាបប្រៃ សម្របជាមួយការប្រែប្រួលអាកាសធាតុនៅលើភូមិដ្ឋានខេត្តសុកត្រាំង មិនទាន់បានអនុវត្តសាងសង់ដោយសារការសំណង រំដោះផ្ទៃដីមានភាពយឺត។ ប្រការនេះ ធ្វើឱ្យឥទ្ធិពលផ្ទាល់ដល់ការអនុវត្តចង្អុលការរបស់គណៈកម្មាធិការបក្សនិងគណៈកម្មាធិការប្រជាជនខេត្ត ស្តីពីការបន្ថយកខ្វក់បរិស្ថានចំពោះព្រែក៨ម៉ែត្រ ទន្ទឹមនឹងនោះ បន្ថយឥទ្ធិពលនៃទឹកជំនន់តាមដងផ្លូវសឿងង្វៀតអាញ់ ត្រឹងក្វាងខាយ ភូឡើយ ក៏ដូចជាជីវភាពរស់នៅប្រចាំថ្ងៃរបស់ប្រជាជនក្នុងតំបន់។
ចំពោះស្ថានភាពខាងលើ ប្រធានគណៈកម្មាធិការប្រជាជនខេត្ត ត្រឹងវ៉ាំងឡូវ បានស្នើឱ្យគណៈកម្មាធិការប្រជាជនទីក្រុងសុកត្រាំង សហការជាមួយមន្ទីរ គណៈផ្នែកពាក់ព័ន្ធ ដើម្បីសម្រេចការរំដោះផ្ទៃដីជាបន្ទាន់ ហើយប្រគល់ដីដល់អ្នកម៉ៅការអនុវត្តសាងសង់ឱ្យបានឆាប់។ ទន្ទឹមនឹងនោះ ត្រូវបង្កើនការត្រួតពិនិត្យទឹកសំណល់ប្រើប្រាស់ ផលិត អាជីវកម្មដែលបង្ហូរទឹកចុះព្រែក៨ម៉ែត្រ ដើម្បីដោះស្រាយស្ថានភាពកខ្វក់បរិស្ថាននាបច្ចុប្បន្នឱ្យបានទាន់ពេល។ ទន្ទឹមនឹងនោះ ប្រធានគណៈកម្មាធិការប្រជាជនខេត្ត ក៏បានស្នើដល់គណៈកម្មាធិការប្រជាជនទីក្រុងសុកត្រាំង សហការជាមួយមន្ទីរ ផ្នែកពាក់ព័ន្ធ ដើម្បីបែងចែកដើមទុនសមស្របសម្រាប់ការវិនិយោគកែលម្អដងផ្លូវសឿងង្វៀតអាញ់សព្វថ្ងៃមានភាពទ្រុឌទ្រោមយ៉ាងធ្ងន់ធ្ងរ ដើម្បីធានាបាននូវតម្រូវការក្នុងការធ្វើដំណើរនិងប្រជុំជីវភាពរបស់ប្រជាជន៕
ក្វាងប៊ិញ-លីហាន់
Thông tin bạn đọc
Đóng Lưu thông tin