ភាពវិវឌ្ឍន៍នៅតំបន់ជនបទគេថាញ់

គេថាញ់ជាឃុំតំបន់ជនបទលំបាករបស់ស្រុកគេសាច់ (សុកត្រាំង) និងជាឃុំដែលមានជនរួមជាតិខ្មែររស់នៅកុះករ។ ប៉ុន្មានឆ្នាំកន្លង គេថាញ់តែងទទួលផលពីគោលនយោបាយជនជាតិជាច្រើន ទន្ទឹមនោះ ជាជំហានផ្លាស់ប្តូរទិដ្ឋភាពជនបទ ជីវភាពសម្ភារៈនិងស្មារតីរបស់មាមីងមួយថ្ងៃកាន់តែបានលើកកម្ពស់។

មីងថាច់ធីមីហាន់ នៅភូមិដើមពោធិ៍ ឃុំគេថាញ់ ស្រុកគេសាច់បានជំនួយផ្ទះថ្មី។

ឃុំគេថាញ់មានផ្ទៃដីធម្មជាតិ២.៥៤៨,៤៨ហិកតា ក្នុងនោះ មានផ្ទៃដីធ្វើស្រែ១.២១៥ហិកតា ឈើហូបផ្លែ១.០៥៣,២៥ហិកតា ដោយមានប្រជាជនចំនួន១១.៤៥៥រូប ក្នុងនោះ ជនរួមជាតិខ្មែរ ស្រូបអត្រាជាង៥២%។ ក្នុងប៉ុន្មានឆ្នាំកន្លង ឃុំបានជម្រុញអភិវឌ្ឍសេដ្ឋកិច្ចសមូហភាព ពង្រឹងលើកកម្ពស់គុណភាពសកម្មភាពរបស់បណ្តាក្រុមសហករណ៍ ក្រុមសហការដើម្បីសកម្មចូលរួមផ្សព្វផ្សាយកម្មវិធីវាលស្រែគំរូ ថែទាំចំការឈើហូបផ្លែ បង្វែរវិទ្យាសាស្រ្ត-បច្ចេកទេសជូនប្រជាជន។ អាស្រ័យហេតុនោះ មាមីងកសិករតែងមានបណ្តាទម្រង់សេដ្ឋកិច្ចឆ្នើមនាំមកនូវប្រសិទ្ធភាពខ្ពស់ ច្រកចេញនៃផលិតផលបានលំនឹង។

ទន្ទឹមនោះ អាស្រ័យផ្សព្វផ្សាយកម្មវិធីទិសដៅជាតិអភិវឌ្ឍសេដ្ឋកិច្ច-សង្គមតំបន់ជនជាតិភាគតិច (ហៅកាត់ថាកម្មវិធី) តាមនោះ ជីវភាពរបស់ប្រជាជន ពិសេស គ្រួសារក្រ គ្រួសារក្បែរក្រជនជាតិភាគតិចមួយថ្ងៃកាន់តែវិវឌ្ឍន៍។ ឃុំប្រមូលផ្តុំបណ្តគម្រោងដូច ដោះស្រាយស្ថានភាពខ្វះដីនៅ ផ្ទះនៅ ដីផលិត ទឹកប្រើប្រាស់ ជំនួយអភិវឌ្ឍផលិតតាមប្រព័ន្ធតម្លៃ វិនិយោគហេដ្ឋរចនាសម្ព័ន្ធមូលដ្ឋានចាំបាច់សម្រាប់បម្រើជីវភាពនិងការផលិតរបស់ប្រជាជនតំបន់ជនជាតិភាគតិច អភិវឌ្ឍអប់រំបណ្តុះបណ្តាល លើកកម្ពស់គុណភាពប្រភពធនធានមនុស្ស អភិរក្ស ពង្រីកតម្លៃវប្បធម៌ប្រពៃណីល្អប្រសើររបស់ជនជាតិភាគតិចផ្សារភ្ជាប់នឹងអភិវឌ្ឍទេសចរណ៍។ល។ សរុបប្រភពទុនអនុវត្តគឺជាង១៣ពាន់លានដុង។

មីងថាច់ធីមីហាន់ នៅភូមិដើមពោធិ៍ ឃុំគេថាញ់ ស្រុកគេសាច់ ជាគ្រួសារក្រ គ្មានដីផលិត ប្រាក់ចំណូលពឹងលើធ្វើការឈ្នួល ដូច្នេះទើបជីវភាពតែងជួបការលំបាក។ ក្រោយពីបានរដ្ឋអំណាចភូមិភាគជំនួយផ្ទះនៅដោយតម្លៃ៤៤លានដុងពីគម្រោងដោះស្រាយស្ថានភាពខ្វះផ្ទះនៅមីងហាន់រីករាយឱ្យដឹង៖ ពីមុនគ្រួសាររស់នៅក្នុងខ្ទមតូច ដោយឃើញគ្រួសារខ្ញុំជួបការលំបាក រដ្ឋអំណាចភូមិភាគបានមកសួរសុខទុក្ខពីជីវភាព ក្រោយមកក៏បានជំនួយសង់ផ្ទះមួយខ្នងផ្សំនឹងប្រាក់សន្សំបានខ្លះ ខ្ញុំក៏សង់បានផ្ទះមួយខ្នងយ៉ាងរឹងមាំ។ ខ្ញុំអរគុណរដ្ឋអំណាចភូមិភាគដែលបានជំនួយផ្ទះសម្រាប់គ្រួសារខ្ញុំមានកន្លែងនៅលំនឹង មិនបារម្ភពីភ្លៀងលេចដូចពីមុនទៀតឡើយ ម៉្លោះហើយ គ្រួសារខ្ញុំនឹងខិតខំធ្វើការបង្កបង្កើនផលអភិវឌ្ឍសេដ្ឋកិច្ចគ្រួសារ។

ទន្ទឹមនោះ ឃុំក៏បានសកម្មផ្សព្វផ្សាយការងារកសាងជនបទថ្មី គិតមកដល់សព្វថ្ងៃ ឃុំសម្រេច១៥/១៩លក្ខឋានពីការកសាងជនបទថ្មី។ បន្តផ្សព្វផ្សាយចលនាដាំផ្កាតាមដងផ្លូវជនបទថ្មីគំរូនៅបណ្តាភូមិ ចលនាប្រជាជនរៀបចំផ្ទះសម្បែង ធ្វើរបង ចូលរួមអនុវត្តខ្លឹមសារចំនួន១២ពីគ្រួសារវប្បធម៌ជនបទថ្មីតាមសេចក្តីសម្រេចលេខ៩០២/QĐ-UBND របស់គណៈកម្មាធិការប្រជាជនខេត្តបំផុសចលនា។ ដូច្នេះទិដ្ឋភាពជនបទឃុំគេថាញ់ពីមួយថ្ងៃកាន់តែផ្លាស់ថ្មី ដងផ្លូវជនបទពេលណាក៏ស្អាត-បៃតង។

លោកហឿហ្វាយតឹម-ប្រធានគណៈប្រជាជនភូមិដើមពោធិ៍បានឱ្យដឹង៖ ដោយបានការយកចិត្តទុកដាក់របស់រដ្ឋអំណាច ដូច្នេះ ជីវភាពសេដ្ឋកិច្ចរបស់ប្រជាជនមួយថ្ងៃកាន់តែបានកែលម្អ មានឆន្ទៈឈានឡើងចាកផុតក្រ ជម្រុញអភិវឌ្ឍសេដ្ឋកិច្ចគ្រួសារ។ ទន្ទឹមនោះ ឃុំនៅទាំងសហការជាមួយមជ្ឈមណ្ឌលអប់រំរបរនិងអប់រំអចិន្ត្រៃយ៍ស្រុកបើកថ្នាក់បង្រៀនរបរបង្កការងារធ្វើឱ្យប្រជាជន ក្នុងនោះ បើកបង្រៀនក្បាច់រាំប្រពៃណីខ្មែរនៅភូមិដើមពោធិ៍ ក្រៅពីជួយប្រជាជនដោះស្រាយការងារធ្វើ នៅទាំងរួមចំណែកអភិរក្សនិងពង្រីកអត្តសញ្ញាណវប្បធម៌ជនជាតិ។

សមមិត្តក្វាច់ធីធ្វឹង-ប្រធានគណៈកម្មាធិការប្រជាជនឃុំគេថាញ់បានឱ្យដឹង៖

អាស្រ័យផ្សព្វផ្សាយបណ្តាគោលនយោបាយជនជាតិបានធ្វើឱ្យជីវភាពសម្ភារៈនិងស្មារតីរបស់មាមីងមួយថ្ងៃកាន់តែលើកកម្ពស់ អត្រាគ្រួសារក្រ គ្រួសារ ក្បែរក្រកាន់តែថយចុះ គ្រួសារក្រថយចុះនៅ ត្រឹមតែ៣៩៦គ្រួ ស្រូបអត្រា១៤,៤៨% គ្រួសារ ក្រ្បែរក្រ៤១៤គ្រួ ស្រូបអត្រា១៥,១៤%។ ពេល ខាងមុខ ឃុំនឹងបន្តជម្រុញការងារផ្សព្វផ្សាយ ចលនាប្រជាជនសកម្មចូលរួមកសាងជនបទថ្មី អភិវឌ្ឍនិងបើកទូលាយបណ្តាទម្រង់ផលិតមានប្រសិទ្ធភាពដើម្បីលើកកម្ពស់ប្រាក់ចំណូលឱ្យប្រជាជន កសាងបណ្តាដងផ្លូវជនបទថ្មីគំរូ ដង ផ្លូវអាស្រ័យបណ្តាផ្នែក អង្គការមហាជនទទួលបន្ទុកដើម្បីត្រៀមការទទួលស្គាល់ដងផ្លូវជនបទថ្មីគំរូថ្នាក់ស្រុកឆ្នាំ២០២៥ អាស្រ័យគណៈចង្អុលការបណ្តាកម្មវិធីទិសដៅជាតិស្រុកចាត់តាំង។

ហុងទើ-សុផល

ភាពវិវឌ្ឍន៍នៅតំបន់ជនបទគេថាញ់

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង

ភាពវិវឌ្ឍន៍នៅតំបន់ជនបទគេថាញ់

Thông tin bạn đọc

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង