 |
| ក្រុមប្រតិភូពិនិត្យល្បឿនកសាងផ្ទះនៅចំណុះកម្មវិធីបំបាត់ផ្ទះបណ្តោះអាសន្នផ្ទះទ្រុឌទ្រោមលើភូមិដ្ឋានស្រុកមីស្វៀង។ |
ចំពោះស្រុកមីស្វៀង ជាស្រុកបានខេត្តផ្តល់សច្ចាប័នជំនួយផ្ទះចំនួន៤២០ខ្នងជូនដល់មុខសញ្ញាចំណុះកម្មវិធីបំបាត់ផ្ទះបណ្តោះអាសន្នផ្ទះទ្រុឌទ្រោម។ មកដល់ពេលនេះស្រុកមីស្វៀងបានដំណើរការកសាងផ្ទះចំនួន៣៤៩ខ្នង ក្នុងនោះកសាងសម្រេច៣៤១ខ្នង។ ចំណែកទីរួមខេត្តវិញចូវជាភូមិភាគបានជំនួយ២.២៦២ខ្នងចំណុះកម្មវិធីបំបាត់ផ្ទះបណ្តោះអាសន្នផ្ទះទ្រុឌទ្រោមលើភូមិដ្ឋានខេត្ត។ មកដល់ពេលនេះទីរួមខេត្តបានដំណើរការកសាងចំនួន១.០៦៧ខ្នងក្នុងនោះកសាងសម្រេចបានចំនួន៦៦៧ខ្នង។ តាមថ្នាក់ដឹកនាំគណៈកម្មាធិការប្រជាជនបណ្តាភូមិភាគ កម្មវិធីបំបាត់ផ្ទះបណ្តោះអាសន្នផ្ទះទ្រុឌទ្រោមលើភូមិដ្ឋានខេត្តតែងបានគណៈកម្មាធិការបក្ស រដ្ឋអំណាចប្រមូលផ្តុំអនុវត្តដោយម៉ឹងម៉ាត់ មានប្រសិទ្ធភាព ខិតខំជម្រុញល្បឿងដើម្បីសម្រេចតាមផែនការដាក់ចេញ។ ទន្ទឹមនោះ បណ្តាភូមិភាគក៏បានកៀរគររាល់ប្រភពកម្លាំង និងការចូលរួមគប់វាល់ ជំនួយរបស់ស្ថាប័ន អាជីវកម្ម កម្មាភិបាល បុគ្គលិក និងប្រជាជន។
 |
| គ្រួសារជាច្រើននៅទីរួមខេត្តវិញចូវសម្តែងក្តីរីករាយចំពោះក្រុមប្រតិភូពេលបានជំនួយផ្ទះនៅចំណុះកម្មវិធីបំបាត់ផ្ទះបណ្តោះអាសន្នផ្ទះទ្រុឌទ្រោម។ |
ក្រុមប្រតិភូបានពិនិត្យល្បឿនកសាងផ្ទះនៅនៃគ្រួសារមួយចំនួនលើភូមិដ្ឋានស្រុកមីស្វៀង ទីរួមខេត្តវិញចូវ។ នៅទីនេះ សមមិត្តង្វៀងវ៉ាំងខើយបានសួរសុខទុក្ខនិងលើកទឹកចិត្តបណ្តាគ្រួសារដែលបានជំនួយផ្ទះនៅគប្បីខិតខំពលកម្មផលិត អភិវឌ្ឍសេដ្ឋកិច្ច គប់វាល់កម្លាំងដើម្បីកសាងភូមិភាគ។ អនុប្រធានគណៈកម្មាធិការប្រជាជនខេត្តស្នើថ្នាក់ដឹកនាំគណៈកម្មាធិការប្រជាជនស្រុកមីស្វៀងនិងទីរួមខេត្តវិញចូវបន្តជម្រុញល្បឿនកសាងដើម្បីធានាសម្រេចតាមទិសដៅនៃកម្មវិធីដែលខេត្តដាក់ចេញ ទន្ទឹមនោះ ជម្រុញការងារផ្សព្វផ្សាយ កៀរគរការចូលរួមគប់វាល់នៃប្រជាជនគ្រប់ជាន់ថ្នាក់ក្នុងការជំនួយបំបាត់ផ្ទះបណ្តោះអាសន្នផ្ទះទ្រុឌទ្រោមនៅភូមិភាគ៕
តឹងផាក-សុផល
Thông tin bạn đọc
Đóng Lưu thông tin