អភិវឌ្ឍសេដ្ឋកិច្ចគ្រួសារដោយការដាំអំពៅ

ប៉ុន្មានឆ្នាំជិតៗនេះ អំពៅបានចាត់ទុកជាដំណាំសំខាន់របស់ឃុំអាងថាញ់ណាម ស្រុកគូឡាវយុង (សុកត្រាំង)។ ពីការដាំអំពៅជាវត្ថុធាតុសម្រាប់រោងចក្រស្ករស គ្រួសារជាច្រើនបានចាកផុតក្រ ឈានឡើងធូរធារ មានច្រើនផ្ទះរឹងមាំបានសង់ឡើង ទិដ្ឋភាពជនបទកំពុងប្រែថ្មីបន្តិចម្តងៗ ជីវភាពរបស់ប្រជាជនកាន់តែសុខដុម សម្បូរធូរធារ។

បងគីមធឿន ភូមិវ៉ថាញ់វ៉ាំង ឃុំអាងថាញ់ណាម ស្រុកគូឡាវយុង (សុកត្រាំង) អភិវឌ្ឍសេដ្ឋកិច្ចដោយសារការដាំអំពៅ។

ឃុំអាងថាញ់ណាម ស្រុកគូឡាវយុងមានផ្ទៃដីកសិកម្មប្រហែល១.៧០០ហិកតា ក្នុងនោះ ដីដាំអំពៅមានប្រមាណ៧៤២ហិកតា។ ពូជអំពៅសំខាន់បានកសិករដាំច្រើនគឺ K៩៥-១៥៦ KK៣ ROC១៦ ទិន្នផលអំពៅមធ្យមពី១៣០-១៥០តោន/ហិកតា អំពៅជាវត្ថុធាតុបានអនុវត្តកិច្ចសន្យាចងសម្ព័ន្ធលក់ជាមួយក្រុមហ៊ុនភាគហ៊ុនស្ករអំពៅសុកត្រាំង។

មកចម្ការអំពៅរបស់បងគីមធឿន ភូមិវ៉ថាញ់វ៉ាំង ឃុំអាងថាញ់ណាម ស្រុកគូឡាវយុង បច្ចុប្បន្ន បងជាគ្រូបង្រៀននៅសាលាបឋមសិក្សាតែមានចំណូលចិត្តធ្វើស្រែចម្ការ ពិសេសគឺដាំអំពៅ ដោយសារមានបទពិសោធន៍និងរៀនសូត្រពីមាមីងជិតខាង បងដាំអំពៅមកដល់ពេលនេះបានប្រហែល១០ឆ្នាំ។ ឆ្នាំនេះ បងដាំអំពៅលើផ្ទៃដី៣ហិកតា បច្ចុប្បន្ន អំពៅរបស់គ្រួសារបងកំពុងក្នុងដំណាក់កាលប្រមូលផល ទិន្នផលអំពៅសម្រេចប្រហែល១៣-១៥តោន/កុង។ បងធឿនចែករំលែក៖ ដាំអំពៅមានភាពងាយស្រួល មិនសូវបង់ពេលវេលាមើលថែ ដូច្នេះ មិនឥទ្ធិពលដល់ការងារសំខាន់របស់ខ្ញុំ កាលពីរដូវកន្លង គ្រាន់តែដាំលើផ្ទៃដី២ហិកតា ខ្ញុំរកបានប្រាក់ចំណេញប្រហែល២០០លានដុង បន្ទាប់ពីគិតការចំណាយរួច ដូច្នេះហើយ រដូវនេះខ្ញុំបានសម្រេចចិត្តបង្កើនផ្ទៃដីដាំអំពៅឱ្យបាន៣ហិកតា។ ឆ្នាំនេះអំពៅបានថ្លៃមានតម្លៃពី១.០០០-១.០៥០ដុង/គីឡូក្រាម មាមីងដាំអំពៅនៅលើភូមិដ្ឋាននរណាក៏រំភើបចិត្តដែរ។

ក៏ដូចបងធឿន គ្រួសារបងស្រីគីមធីសារឿន នៅភូមិវ៉ថាញ់វ៉ាំង ឃុំអាងថាញ់ណាម ស្រុកគូឡាវយុង ក៏បានអភិវឌ្ឍសេដ្ឋកិច្ចគ្រួសារដោយសារការដាំអំពៅ។ ជាមួយឆន្ទៈប្តេជ្ញាឈានឡើង ធ្វើមានពីអំពៅ បងស្រីសារឿន បានជម្នះរាល់ការលំបាកដាំអំពៅទទួលបានផល ប៉ុន្តែមានតម្លៃទាប។ មាមីងជាច្រើនបានបង្វែរមកដាំដំណាំផ្សេង ប៉ុន្តែបងស្រីនៅតែប្តេជ្ញាបន្តដាំអំពៅរហូតមកដល់បច្ចុប្បន្ន អំពៅបានផ្សារភ្ជាប់ជាមួយបងស្រីជិត២០ឆ្នាំហើយ។ បងស្រីសារឿនឱ្យដឹង៖ រដូវនេះ បងស្រីចាប់ផ្តើមដាំអំពៅតាំងពីខែកុម្ភៈ ឆ្នាំ២០២៤ រហូតមកដល់ពេលនេះក៏បានប្រមូលផល តម្លៃអំពៅឆ្នាំនេះក៏មានស្ថិរភាព ខ្ញុំប្រមូលផលបានប្រហែល១៤តោន/កុង ឆ្នាំនេះ អំពៅបានផលផង លក់បានថ្លៃផង ដូច្នេះ គ្រួសារខ្ញុំសប្បាយចិត្តខ្លាំងណាស់។ ពីការដាំអំពៅជុំឆ្នាំ ម្ល៉ោះហើយជីវភាពគ្រួសារបងស្រីសារឿនកាន់តែលំនឹងនិងអភិវឌ្ឍ សង់ផ្ទះរឹងមាំ មានលក្ខណៈគ្រប់គ្រាន់សម្រាប់កូនៗបានរៀនសូត្រចប់ចុងចប់ដើម។

តាមបទពិសោធន៍ធ្វើកសិកម្មរបស់បងគីមធឿននិងបងស្រីគីមធីសារឿន ក៏ដូចជាមាមីងដាំអំពៅឱ្យដឹង ដើម្បីឱ្យមានចម្ការអំពៅរីកចម្រើន ត្រូវតែមានកម្រិតវិនិយោគសមស្រប ពិសេស ត្រូវផ្តោតលើការលើកកម្ពស់គុណភាពទិន្នផលនិងគុណភាពអំពៅ។ ទន្ទឹមនឹងនោះ ត្រូវអនុវត្តការផលិតអំពៅតាមវិធានការបច្ចេកទេសទំនើប អនុវត្តវិទ្យាសាស្ត្រ-បច្ចេកទេសក្នុងផលិត ដើម្បីនាំមកនូវប្រសិទ្ធភាពសេដ្ឋកិច្ចខ្ពស់។

បងស្រីឡេធីង៉ុកឡាញ់-អនុប្រធានសមាគមកសិករឃុំអាងថាញ់ណាមឱ្យដឹង៖

នាពេលកន្លង សមាគមកសិករឃុំអាងថាញ់ណាមបានជំរុញចលនា “កសិករប្រឡងប្រណាំងផលិត ធ្វើអាជីវកម្មពូកែ សាមគ្គីជួយគ្នាធ្វើមាននិងបន្ថយក្រស្ថេរភាព” ទាក់ទាញសមាជិកចូលរួមយ៉ាងច្រើន។ ពិសេស ចំពោះទម្រង់ដាំអំពៅអភិវឌ្ឍសេដ្ឋកិច្ចតែងបានសមាគមយកចិត្តទុកដាក់ បង្កើតបានក្រុមសហការដាំអំពៅចំនួន៣ក្រុមគឺក្រុមសហការដាំអំពៅភូមិវ៉ាមហូ ក្រុមសហការដាំអំពៅភូមិវ៉ាមហូ A ក្រុមសហការដាំអំពៅភូមិវ៉ថាញ់វ៉ាំង។ បណ្តាក្រុមសហការ បានចុះកិច្ចសន្យាប្រមូលទិញជាមួយក្រុមហ៊ុនភាគហ៊ុនស្ករអំពៅសុកត្រាំង រាល់សមាជិកក្នុងសមាគមជួយឧបត្ថម្ភគ្នាក្នុងការដាំអំពៅ ដោះដូរពលករ ហ៊ុនទុនវិលជុំ៕

ហុងទើ-លីហាន់

អភិវឌ្ឍសេដ្ឋកិច្ចគ្រួសារដោយការដាំអំពៅ

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង

អភិវឌ្ឍសេដ្ឋកិច្ចគ្រួសារដោយការដាំអំពៅ

Thông tin bạn đọc

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង