 |
| ទិដ្ឋភាពជនបទថ្មីនៅភូមិព្រែកឈ្វេង ឃុំថាញ់ភូ ស្រុកមីស្វៀង (សុកត្រាំង)។ |
ភូមិព្រែកឈ្វេងមានផ្ទៃដីធម្មជាតិ៧១២ហិកតា ប្រជាជនក្នុងភូមិមានចំនួន៨៨៧គ្រួសារ ដោយមាន៣.៤៧២នាក់ ក្នុងនោះ ជនជាតិខ្មែរស្រូបអត្រា៩៨%។ ពីមុនផ្លូវគមនាគមន៍ក្នុងភូមិមិនទាន់បានល្អ ម៉្លោះហើយ ការធ្វើដំណើរទៅមក លក់ដូរ ដឹកជញ្ជូនកសិផលតែងជួបការលំបាក ធ្វើឱ្យតម្លៃកសិផលចុះថោក ឥទ្ធិពលដល់ប្រាក់ចំណូលរបស់ប្រជាជន។
ចំពោះស្ថានភាពនោះ គណៈការងាររណសិរ្សភូមិព្រែកឈ្វេងបានកំណត់ការកសាងជនបទថ្មីជាគោលការណ៍និងភារកិច្ចសំខាន់ បង្កកម្លាំងអភិវឌ្ឍសេដ្ឋកិច្ច-សង្គមលើកកម្ពស់ជីវភាពប្រជាជន។ ប្រធានគណៈការងាររណសិរ្សភូមិព្រែកឈ្វេង លោកស៊ើងអ៊ូយបានឱ្យដឹង៖ គណៈការងាររណសិរ្សភូមិបានចលនាមាមីងព្រួតដៃអនុវត្តតាមពាក្យស្លោក “ប្រជាជនដឹង ប្រជាជនពិគ្រោះ ប្រជាជនគប់វាល់ ប្រជាជនធ្វើ ប្រជាជនពិនិត្យ ប្រជាជនគ្រប់គ្រងនិងទទួលផល” បង្កការស្របចិត្តក្នុងប្រជាជននិងរួមចំណែកផ្លាស់ប្តូរទិដ្ឋភាពភូមិភាគ។
ប្រព័ន្ធហេដ្ឋារចនាសម្ព័ន្ធគមនាគមន៍បានកែលម្អយ៉ាងច្បាស់ដោយដងផ្លូវជនបទប្រវែង៧គីឡូម៉ែត្រ បានកាប់ឆ្ការស្មៅ អនាម័យបរិស្ថាន។ ពិសេស ដងផ្លូវមានប្រវែង២,៥គីឡូម៉ែត្របានបើកទូលាយនិងដាក់ប្រព័ន្ធអគ្គិសនីអុជបំភ្លឺដោយមាន៥០អំពូល ប្រជាជនបានស្ម័គ្រចិត្តបរិច្ចាគដីដើម្បីធ្វើផ្លូវដានពីភូមិព្រែកឈ្វេងទៅភូមិភូហ៊ឹងមានប្រវែងជាង៨០០ម៉ែត្រ។ ទន្ទឹមនោះ រដ្ឋអំណាចភូមិភាគក៏បានដំណើរការស្តារប្រឡាយវាលស្រែមួយចំនួននិងបង្ការទឹកលេចឱ្យគ្រួសារប្រជាជនក្នុងភូមិ។
ទន្ទឹមនឹងការអភិវឌ្ឍហេដ្ឋារចនាសម្ព័ន្ធ សេដ្ឋកិច្ចរបស់ប្រជាជនក៏មានការរីកចម្រើន។ អាស្រ័យចលនាមាមីងបង្វែររចនាសម្ព័ន្ធដំណាំ អនុវត្តវិទ្យាសាស្រ្តបច្ចេកទេសចូលក្នុងការផលិត ទម្រង់សេដ្ឋកិច្ចជាច្រើនមានប្រសិទ្ធភាពបានផ្សព្វផ្សាយ ពិសេស ជាទម្រង់ផលិតស្រូវ-បង្កង ដាំបន្លែនិងចិញ្ចឹមគោស៊ីន។ រដ្ឋអំណាចភូមិភាគក៏ជំនួយគ្រួសារ២១០គ្រួបុលទុនពីធនាគារគោលនយោបាយសង្គមជាមួយទឹកប្រាក់ជាង៣ពាន់លានដុង បង្កលក្ខណៈសម្រាប់មាមីងបើកទូលាយការផលិត កែលម្អប្រាក់ចំណូល។ ទន្ទឹមនោះ អត្រាគ្រួសារក្រក្នុងភូមិថយចុះនៅត្រឹម១,៣៥% គ្រួសារក្បែរក្រនៅត្រឹមតែ២,១៤%។ ចលនាកសាងជីវភាពវប្បធម៌ក៏បានសម្រេចច្រើនសមិទ្ធផលគួរឱ្យកត់សម្គាល់។ សព្វថ្ងៃ ភូមិមាន៨៥៥/៨៨៧គ្រួសារ សម្រេចបទដ្ឋានគ្រួសារវប្បធម៌ ស្រូបអត្រា៩៩,៧៧%។ ប្រជាជនមានស្មារតីក្នុងការរក្សាបរិស្ថាន ប្រមូលសំរាមដាក់ចំកន្លែងតាមកំណត់និងដាំដើមឈើជាម្លប់តាមដងផ្លូវ។ ដងផ្លូវ “ជ្រះ-ស្អាត-បៃតង” របស់ភូមិបានក្លាយជាគំរូក្នុងការចលនាកសាងជនបទថ្មីរបស់ភូមិភាគ។
សន្តិសុខសណ្តាប់ធ្នាប់ក៏បានរក្សារឹងមាំ រួមចំណែកបង្កបរិស្ថានរស់នៅសុវត្ថិភាពឱ្យមាមីង។ ភូមិមាន៥ក្រុមសន្តិសុខប្រជាជននិងកងកម្លាំងសន្តិសុខសណ្តាប់ធ្នាប់នៅមូលដ្ឋាន៤រូប ដោះស្រាយទាន់ពេលបណ្តាការជម្លោះក្នុងសហគមន៍ បង្ការទប់ស្កាត់អបាយមុខសង្គម។ ដើម្បីពង្រីកបណ្តាលទ្ធផលដែលសម្រេចបាន រដ្ឋអំណាចនិងប្រជាជនភូមិព្រែកឈ្វេងដាក់ចេញភារកិច្ចសំខាន់ៗដូច អភិវឌ្ឍសេដ្ឋកិច្ចដោយចីរភាព ជំនួយមាមីងបើកទូលាយការផលិត បង្កើនអនុវត្តវិទ្យាសាស្រ្តបច្ចេកទេសដើម្បីលើកកម្ពស់ ទិន្នផលនិងគុណភាពកសិផល។ ទន្ទឹមនោះ រដ្ឋអំណាចនឹងបន្តកៀរគរបណ្តាប្រភពកម្លាំង សម្រាប់ជួសជុលហេដ្ឋារចនាសម្ព័ន្ធមូលដ្ឋាន បើកទូលាយប្រព័ន្ធគមនាគមន៍ជនបទនិងធារាសាស្រ្តវាលស្រែសម្រាប់បម្រើការផលិតនិងប្រជុំជីវភាពរបស់មាមីង។
សំឡឹងក្នុងប៉ុន្មានឆ្នាំកន្លង អាចឃើញច្បាស់ការផ្លាស់ថ្មីយ៉ាងខ្លាំងរបស់ភូមិព្រែកឈ្វេងចាប់ពីពេលអនុវត្តកម្មវិធីកសាងជនបទថ្មី។ ជាភូមិមួយជួបការលំបាក បច្ចុប្បន្ន ភូមិបានក្លាយជាចំណុចភ្លឺដោយមានហេដ្ឋារចនាសម្ព័ន្ធរាបរលូន ជីវភាពរបស់ប្រជាជនបានលើកកម្ពស់វប្បធម៌-សង្គមមានការអភិវឌ្ឍ សន្តិសុខរក្សាបានលំនឹង។ នេះជាលទ្ធផលនៃការខិតខំរបស់រដ្ឋអំណាចនិងប្រជាជន បង្កជាបុព្វបទដ៏រឹងមាំសម្រាប់ការអភិវឌ្ឍដោយចីរភាពក្នុងអនាគត។
សមមិត្តភូវៀតបេន-អនុប្រធានគណៈកម្មាធិការប្រជាជនឃុំថាញ់ភូឱ្យដឹង៖
ភូមិព្រែកឈ្វេងជាភូមិមានអត្រាគ្រួសារក្រ ក្បែរក្រតិចបំផុតរបស់ឃុំថាញ់ភូ មាមីងនៅទីនេះតែងខិតខំធ្វើការបង្កបង្កើនផល មិនរំពឹងពីការជំនួយរបស់រដ្ឋអំណាចនៅភូមិភាគ។ ព្រមជាមួយនោះ រដ្ឋអំណាចតែងរួមដំណើរជាមួយប្រជាជន មិនត្រឹមជំនួយអភិវឌ្ឍសេដ្ឋកិច្ច នៅទាំងបង្កលក្ខណៈដើម្បីមាមីងឈានឡើងដោយខ្លួនឯង លើកកម្ពស់ជីវភាពនៅទាំងប្រមូលផ្តុំក្នុងបណ្តាគោលនបាយ បង្កការងារធ្វើដោយចីរភាព កែលម្អហេដ្ឋារចនាសម្ព័ន្ធ រក្សាសន្តិសុខសណ្តាប់ធ្នាប់និងអភិវឌ្ឍវប្បធម៌សហគមន៍។ អាស្រ័យហេតុនោះ ព្រែកឈ្វេងមួយថ្ងៃកាន់តែផ្លាស់ថ្មី ក្លាយជាចំណុចភ្លឺក្នុងការចលនាកសាងជនបទថ្មី៕
វឌ្ឍា-សុផល
Thông tin bạn đọc
Đóng Lưu thông tin