 |
| បងហ្វិញថាញ់តឹមគំរូផលិត ធ្វើអាជីវកម្មពូកែ។ |
ពេលមានគ្រួសារនៅដោយឡែក បងតឹមមានដីស្រែ៦កុងផលិតស្រូវ។ ចំពោះកសិករ ចំនួនដីស្រែនេះគឺតិចណាស់។ បងតឹមនៅទាំងមិនទាន់មានបទពិសោធន៍ មិនទាន់អនុវត្តតាមវិទ្យាសាស្រ្តបច្ចេកទេសក្នុងការផលិត ម៉្លោះហើយពេលប្រមូលផលមិនសូវបានប៉ុន្មាន ដូច្នេះ មិនគ្រប់ផ្គត់ផ្គង់ជីវភាពគ្រួសារ។ បងតឹមបានគិតថា ប្រសិនបើធ្វើស្រែតាមរបៀបពីមុនគឺទទួលផលមិនបានប៉ុន្មាន ខ្វះខាតគ្រប់សព្វបែបយ៉ាង។ ដូច្នេះបងក៏សម្រេចចិត្តបង្វែរការផលិត បងបានស្វែងរកបណ្តាវាលស្រែគំរូ កសិដ្ឋាន កសិកម្មក្នុងនិងក្រៅខេត្តទៅទស្សនារៀនសូត្របណ្តាទម្រង់ធ្វើស្រែ។ ក្រៅពីនោះ បងនៅទាំងចូលរួមបណ្តាថ្នាក់ហ្វឹកហាត់ពីវិទ្យាសាស្រ្តបច្ចេកទេសចូលក្នុងផលិត ចិញ្ចឹមសត្វអាស្រ័យរដ្ឋអំណាចភូមិភាគនិងបណ្តាសមាគម អង្គការមហាជនចាត់តាំង។ ក្នុងដំណាក់កាលរៀនសូត្របងហ្វិញថាញ់តឹម បានក្រេបជញ្ជក់បទពិសោធន៍យ៉ាងច្រើន តាមនោះ បងអនុវត្តទម្រង់ “បន្ថយ៣ បង្កើន៣” ប្រើពូជគុណភាពខ្ពស់។ល។ ដូច្នេះ ប្រសិទ្ធភាពកើនឡើង ទិន្នផលរដូវនេះខ្ពស់ជាងរដូវមុន។ អាស្រ័យហេតុនោះ ជីវភាពបន្ថយបានការលំបាក។ ពេលមានដើមទុនគ្រាន់បើ បងជួលដីស្រែបន្ថែមដើម្បីបើកទូលាយការផលិត។ ជាមួយអនុវត្តបានត្រឹមត្រូវធ្វើស្រែមានបច្ចេកទេស មកដល់សព្វថ្ងៃ បងមានដីស្រែ១៥០កុងនិងដីចម្ការ៣ហិកតាដាំចេក ក្រូចថ្លុង ដូង។ល។ បងតឹមបានឱ្យដឹង៖ ជាកសិករយើងត្រូវតែខិតខំធ្វើការបង្កបង្កើនផលទើបជីវភាពបានលំនឹងជំហានដំបូងគឺអាស្រ័យដោយការចូលរួមបណ្តាថ្នាក់ហ្វឹកហាត់ពីវិទ្យាសាស្រ្តបច្ចេកទេសចូលក្នុងការផលិត ពិសេស ពេលខ្ញុំទើបបង្កើតអាជីពបានរដ្ឋឱ្យបុលទុនសម្រាប់ទិញម៉ាស៊ីនបោកចម្រុះដើម្បីធ្វើសេវាកសិកម្ម ២ឆ្នាំក្រោយមកខ្ញុំមានដើមសងរដ្ឋវិញ សព្វថ្ងៃ គ្រួសារខ្ញុំមានម៉ាស៊ីនភ្ជួរ ម៉ាស៊ីនបូមទឹកនិងម៉ាស៊ីនបោកចម្រុះចំនួន១០ បានដោះស្រាយឱ្យពលករនៅភូមិភាគជាង៥០នាក់ ដោយប្រាក់ចំណូលពី៧-៨លានដុង/ម្នាក់/ខែ។ ចំពោះបងតឹមក្រៅពីបង្កើតអាជីពបានសម្រេចជោគជ័យ “សេវាកសិកម្ម” ដោះស្រាយការងារធ្វើលំនឹងឱ្យពលករនៅភូមិភាគចំនួន៥០នាក់ បងតឹមនៅទាំងសកម្មចូលរួមបណ្តាការចលនានៅភូមិភាគ គប់វាល់កម្លាំងកសាងស្ពាន ធ្វើផ្លូវនិងដាក់អំពូលភ្លើងអុជបំភ្លឺតាមដងផ្លូវនិងការងារសប្បុរសធម៌ដទៃទៀត ម៉្លោះហើយបានមាមីងនៅភូមិភាគស្រឡាញ់ រាប់អាន។ ជាមួយការស៊ូទ្រាំលំបាក បងហ្វិញថាញ់តឹមបានសម្រេចកិត្តិនាមជាកសិករផលិតពូកែថ្នាក់ខេត្តច្រើនឆ្នាំបន្តបន្ទាប់។ បងបានប្រធានគណៈកម្មាធិការប្រជាជនខេត្តជូនប័ណ្ណសរសើរដោយមានប្រាក់ចំណូលជិត១ពាន់លានដុង/ឆ្នាំ។
លោកហាកុងវិញ-អនុប្រធានសមាគមកសិករឃុំទ្រឿងខាញ់ឱ្យដឹង៖
បងហ្វិញថាញ់តឹមជាអ្នកព្យាយាម ខិតខំរៀនសូត្រអនុវត្តវិទ្យាសាស្រ្តបច្ចេកទេសដើម្បីឈានឡើងធ្វើមានដោយស្របច្បាប់។ ជាមួយលទ្ធផលដែលសម្រេចបាន បងតឹមសក្តិសមសម្រាប់សមាជិកកសិករដទៃរៀនសូត្រនិងយកតម្រាប់តាម៕
ចន្ថា
Thông tin bạn đọc
Đóng Lưu thông tin