 |
| បងស្រីដាំងធីបែ នៅភូមិដើមស្វាយ ឃុំភូមី ស្រុកមីទូ (សុកត្រាំង) បានឧបត្ថម្ភពីគម្រោងផ្លាស់ប្តូរមុខរបរ។ |
ជាមួយពាក្យស្លោក៖ “ការងារអ្វីដែលមានប្រយោជន៍ដល់ប្រជាជនត្រូវតែធ្វើ ការងារអ្វីដែលបង្កគ្រោះថ្នាក់ដល់ប្រជាជនត្រូវតែជៀសវាង” ឃុំភូមីបានផ្សព្វផ្សាយអនុវត្តគោលការណ៍ គោលនយោបាយជាច្រើនដើម្បីបន្តលើកស្ទួយជីវភាពសម្ភារៈនិងស្មារតីរបស់ប្រជាជន។ ពីប្រភពទុនកម្មវិធី ឃុំបានផ្តោតលើការអនុវត្តគម្រោងដោះស្រាយអំពីស្ថានភាពខ្វះដីនៅ ផ្ទះនៅ ដីផលិត ទឹកស្អាតប្រើប្រាស់ ផ្លាស់ប្តូរមុខរបរ។
ក្នុងឆ្នាំ២០២៤ ចំពោះគម្រោងឧបត្ថម្ភផ្ទះនៅ ឃុំបានអនុវត្ត៣លើកជំនួយឧបត្ថម្ភផ្ទះនៅដល់មុខសញ្ញាក្រនិងក្បែរក្រ សរុប៣លើកបានឧបត្ថម្ភផ្ទះចំនួន៦៦ខ្នង សរុបថវិកាជាង២,៥ពាន់លានដុង។ តាំងពីនោះ បានជួយគ្រួសារជាច្រើនមានផ្ទះថ្មីរឹងមាំ ជីវភាពមួយជំហានម្តងៗបានកែលម្អ ស្ងប់ចិត្តក្នុងពលកម្មផលិត។ គំរូគឺគ្រួសារបងស្រីយ័ញធីសុខានិងបងដាវភុក នៅភូមិដើមស្វាយ ឃុំភូមី បន្ទាប់ពីឃុំបានពិនិត្យនិងឧបត្ថម្ភផ្ទះនៅថ្មី បងស្រីសប្បាយរីករាយឱ្យដឹង៖ គ្រួសារខ្ញុំក្រ ស្ថានភាពគ្រួសារលំបាក ខ្ញុំឈឺមិនអាចទៅធ្វើការបាន ចំណូលសំខាន់របស់គ្រួសារបានមកពីប្តីទៅធ្វើការឈ្នួល ឃើញដូច្នេះឃុំបានជួយឧបត្ថម្ភផ្ទះដល់ខ្ញុំ សរុបថវិកាចំនួន៤៤លានដុង ខ្ញុំបានបុលបន្ថែមចំនួន៤០លានដុងពីធនាគារគោលនយោបាយសង្គម ដើម្បីសង់ផ្ទះ ស្អាតខែងរែងជាង សម្រាប់ឱ្យកូនៗមានកន្លែងនៅស្ថិរភាព ប្តីរបស់ខ្ញុំក៏ស្ងប់ចិត្តធ្វើការ។ ទន្ទឹមនឹងនោះ គ្រួសារបងស្រីសុខាក៏ទទួលបានការឧបត្ថម្ភគោស៊ីនបន្ថែម២ក្បាលពីគម្រោងឧបត្ថម្ភអភិវឌ្ឍផលិតតាមប្រព័ន្ធតម្លៃ ហេតុដូច្នេះទើបបងស្រីមានរបរសម្រាប់អភិវឌ្ឍ សេដ្ឋកិច្ចគ្រួសារ ជីវភាពរបស់បងស្រីកាន់តែមានភាពប្រសើរឡើង។
ទន្ទឹមនឹងគម្រោងឧបត្ថម្ភទឹកស្អាតប្រើប្រាស់និងផ្លាស់ប្តូរមុខរបរ ពីឆ្នាំ២០២២មកដល់ពេលនេះ ឃុំបានឧបត្ថម្ភទឹកស្អាតប្រើប្រាស់ដល់២៩គ្រួសារសរុបថវិកាជិត១០០លានដុង។ ចំពោះគម្រោងផ្លាស់ប្តូររបរ សរុបថវិកាអនុវត្តជាង៣០០លានដុង ដើម្បីឧបត្ថម្ភផ្លាស់ប្តូររបរដល់៣៣គ្រួសារ គ្រួសារនីមួយៗឧបត្ថម្ភថវិកាចំនួន១០លានដុង សម្រាប់មាមីងទិញឧបករណ៍បម្រើពលកម្មផលិតដូច ម៉ូតូ ទូក ធុងទឹកអំពៅ។ល។ ក្នុងនោះ មានគ្រួសារបងស្រីដាំងធីបែ នៅភូមិដើមស្វាយ ឃុំភូមី បន្ទាប់ពីទទួលបានជំនួយឧបត្ថម្ភ១០លានដុងពីគម្រោង បងស្រីសម្រេចចិត្តទិញធុងទឹកអំពៅសម្រាប់លក់ បងស្រីចែករំលែក៖ ពីមុន ខ្ញុំគ្រាន់តែនៅផ្ទះមើលថែកូន ប្តីខ្ញុំទៅធ្វើជាងកំបោរ ដោយសារមានធុងទឹកអំពៅខ្ញុំមានប្រាក់ចំណូលបន្ថែមសម្រាប់ចិញ្ចឹមជីវិត។
លោកថាច់មិញឡី-អនុប្រធានគណៈកម្មាធិការប្រជាជនឃុំភូមីឱ្យដឹង៖ ក្នុងប៉ុន្មានឆ្នាំកន្លង ឃុំបានផ្សព្វផ្សាយអនុវត្តយ៉ាងមានប្រសិទ្ធភាពនូវកម្មវិធីទិសដៅជាតិនៅតំបន់ជនជាតិភាគតិច អនុវត្តបណ្តាកម្មវិធី គម្រោងវិនិយោគកសាងសម្រេចជាមូលដ្ឋាន អភិវឌ្ឍផលិតបំបាត់អត់ បន្ថយក្រ រួម ចំណែកអនុវត្តល្អនូវលក្ខឋានសេចក្តីសម្រេចមហាសន្និបាតបក្ខភាគឃុំ អាណត្តិកាល២០២០-២០២៥។ តាំងពីនោះ បានរួមចំណែកយ៉ាងសំខាន់ក្នុងការអភិវឌ្ឍសេដ្ឋកិច្ចវប្បធម៌ សង្គមនៅតំបន់ជនជាតិភាគតិច មួយជំហានម្តងៗលើកស្ទួយជីវភាពសម្ភារៈនិងស្មារតីរបស់ប្រជាជន ជំរុញការអភិវឌ្ឍសេដ្ឋកិច្ច បន្ថយក្រស្ថេរភាព បង្កើនផែនមហាសាមគ្គីទូទាំងជនជាតិ៕
ហុងទើ-លីហាន់
Thông tin bạn đọc
Đóng Lưu thông tin