ព្រឹកថ្ងៃទី២២ កុម្ភៈ បណ្តាសមមិត្តឡឹមវ៉ាំងម៉ឹង-សមាជិកគណៈប្រតិបត្តិការមជ្ឈិមបក្ស លេខាបក្សខេត្ត ប្រធានក្រុមតំណាងរដ្ឋសភាខេត្តសុកត្រាំង ត្រឹងវ៉ាំងឡូវ-អនុលេខាបក្សខេត្ត ប្រធានគណៈកម្មាធិការប្រជាជនខេត្តសុកត្រាំង ធ្វើជាអធិបតីសម័យប្រជុំ ដើម្បីស្តាប់របាយការណ៍ពីការរៀបចំពិធីសម្ពោធ ដាក់ឱ្យប្រើប្រាស់មណ្ឌលឧស្សាហកម្មត្រឹងដេនិងចាប់ផ្តើមសាងសង់រោងចក្រចំនួន២ក្នុងមណ្ឌលឧស្សាហកម្មត្រឹងដេ។ អញ្ជើញចូលរួមមានបណ្តាសមមិត្តឡឹមហ្វាងងីប-សមាជិកគណៈអចិន្ត្រៃយ៍បក្សខេត្ត អនុប្រធានប្រចាំការគណៈកម្មាធិការប្រជាជនខេត្ត វឿងក្វុកណាម-សមាជិកបក្សខេត្ត អនុប្រធានគណៈកម្មាធិការប្រជាជនខេត្ត ថ្នាក់ដឹកនាំបណ្តា មន្ទីរ គណៈផ្នែកខេត្ត គណៈកម្មាធិការប្រជាជនស្រុកត្រឹងដេនិងថ្នាក់ដឹកនាំក្រុមហ៊ុនភាគហ៊ុនបេតុងហាថាញ់-ម្ចាស់វិនិយោគហេដ្ឋារចនាសម្ព័ន្ធមណ្ឌលឧស្សាហកម្មត្រឹងដេ។
គិតមកដល់ពេលនេះ បណ្តាសំណង់ហេដ្ឋារចនាសម្ព័ន្ធបច្ចេកទេសក្នុងមណ្ឌលឧស្សាហកម្មត្រឹងដេដូច ផ្លូវគមនាគមន៍ជនបទផ្លូវបង្ហូតទឹកភ្លៀងផ្គត់ផ្គង់ទឹក ផ្គត់ផ្គង់អគ្គិសនីនិងបង្ការអគ្គិភ័យសារវ័ន្តបានសម្រេចមានគ្រប់លក្ខណៈក្នុងការទទួលអ្នកវិនិយោគ។បច្ចុប្បន្ន ក្រុមហ៊ុនភាគហ៊ុនបេតុងហាថាញ់ កំពុងរៀបចំយ៉ាងសកម្មនូវឯកសារពាក់ព័ន្ធដើម្បីបម្រើដល់ការសម្ពោធមណ្ឌលឧស្សាហកម្ម ដាក់ឱ្យប្រើប្រាស់និងចាប់ផ្តើមសាងសង់រោងចក្រចំនួន២នៅក្នុងមណ្ឌលឧស្សាហកម្ម។ ឆ្លងតាមនោះ ក្រុមហ៊ុនភាគហ៊ុនបេតុងហាថាញ់ ស្នើគណៈកម្មាធិការប្រជាជនខេត្តសុកត្រាំង រួមជាមួយមន្ទីរ គណៈផ្នែកខេត្តនិងគណៈកម្មាធិការប្រជាជនស្រុកត្រឹងដេ ជួយឧបត្ថម្ភក្រុមហ៊ុនអនុវត្តនីតិវិធីពាក់ព័ន្ធ ដើម្បីធានានូវលក្ខណៈចាត់តាំងពិធីសម្ពោធតាមផែនការ។
 |
| ទិដ្ឋភាពនៃសម័យប្រជុំ។ |
តាមនោះ អ្នកវិនិយោគហេដ្ឋារចនាសម្ព័ន្ធបានចុះកិច្ចសន្យាចាត់តាំងពិធីសម្ពោធមណ្ឌលឧស្សាហកម្មត្រឹងដេ ដែលបម្រុងនៅថ្ងៃទី២៥ មេសា ឆ្នាំ២០២៥ ក្នុងឱកាសខួបអនុស្សាវរីយ៍លើកទី៥០នៃការរំដោះភាគខាងត្បូងឯកភាពប្រទេសជាតិនៅថ្ងៃទី៣០ មេសា ឆ្នាំ១៩៧៥-ថ្ងៃទី៣០ មេសា ឆ្នាំ២០២៥និងអំណរមហាសន្និបាតបក្ខភាគគ្រប់ថ្នាក់។ បច្ចុប្បន្ន អ្នកវិនិយោគហេដ្ឋារចនាសម្ព័ន្ធបច្ចេកទេសកំពុងដំណើរការជាបន្ទាន់នូវឯកសារ នីតិវិធី សម្រេចរាល់សំណង់ហេដ្ឋារចនាសម្ព័ន្ធបច្ចេកទេសរបស់មណ្ឌលឧស្សាហកម្មត្រឹងដេ បម្រុងនឹងសម្រេចមុនពេលដែលចាត់តាំងពិធីសម្ពោធ។ គណៈគ្រប់គ្រងបណ្តាមណ្ឌលឧស្សាហកម្មខេត្តបានកសាងផែនការសម្រាប់ការត្រួតពិនិត្យនិងណែនាំអ្នកវិនិយោគក្នុងការអនុវត្តខ្លឹមសារការងារទាក់ទងនឹងការងារទទួលសំណង់តាមការកំណត់។
តាមក្រុមហ៊ុនភាគហ៊ុនបេតុងហាថាញ់ ប្រសិនបើក្រុមហ៊ុនបានបញ្ចប់សំណុំឯកសារ បែបបទទាន់ពេលនិងបានអនុញ្ញាតសាងសង់ចំពោះ២គម្រោងវិនិយោគក្រុមហ៊ុននឹងគួបផ្សំចាត់តាំងចាប់ផ្តើមសាងសង់រោងចក្រផលិតឥដ្ឋក្រាលនិងរោងចក្រផលិតបេតុងក្នុងពិធីសម្ពោធមណ្ឌលឧស្សាហកម្មត្រឹងដេ។
 |
| ថ្នាក់ដឹកនាំក្រុមហ៊ុនភាគហ៊ុនបេតុងហាថាញ់ បានរាយការណ៍អំពីផែនការចាត់តាំងពិធីសម្ពោធមណ្ឌលឧស្សាហកម្មត្រឹងដេ។ |
ក្នុងសម័យប្រជុំ ថ្នាក់ដឹកនាំគណៈគ្រប់គ្រងបណ្តាមណ្ឌលឧស្សាហកម្មខេត្ត មន្ទីរកសិកម្មនិងបរិស្ថាន មន្ទីរសាងសង់ មន្ទីរហិរញ្ញវត្ថុ… ព័ត៌មានលម្អិត បែបបទជាក់ស្តែង ពេលវេលាដើម្បីអនុវត្តនីតិវិធីពាក់ព័ន្ធ អ្វីដែលជាការទទួលខុសត្រូវរបស់មន្ទីរ គណៈផ្នែក គណៈកម្មាធិការប្រជាជនស្រុកត្រឹងដេ ការទទួលខុសត្រូវរបស់ក្រុមហ៊ុនភាគហ៊ុនបេតុងហាថាញ់ ដើម្បីឆាប់បានសម្រេចនូវនីតិវិធីតាមការកំណត់។
បញ្ចប់សម័យប្រជុំ សមមិត្តត្រឹងវ៉ាំងឡូវ បានអះអាងថា មណ្ឌលឧស្សាហកម្មត្រឹងដេ គឺជាគម្រោងដ៏សំខាន់ដែលបានគណៈកម្មាធិការបក្សខេត្ត គណៈកម្មាធិការប្រជាជនយកចិត្តទុកដាក់ដឹកនាំ ចង្អុលការយ៉ាងជិតដិតនិងមកដល់ពេលនេះ មណ្ឌលឧស្សាហកម្មបានបំពេញលក្ខណៈក្នុងការទទួលអ្នកវិនិយោគ។ ប្រធានគណៈកម្មាធិការប្រជាជនខេត្ត បានកត់សំគាល់និងវាយតម្លៃខ្ពស់ចំពោះការខិតខំប្រឹងប្រែងរបស់ក្រុមហ៊ុនភាគហ៊ុនបេតុងហាថាញ់ក្នុងការវិនិយោគសាងសង់ហេដ្ឋានរចនាសម្ព័ន្ធនៅមណ្ឌលឧស្សាហកម្ម។ សមមិត្តឱ្យដឹង បច្ចុប្បន្ន ការងារនៅមណ្ឌលឧស្សាហកម្មត្រឹងដេ នៅតែមានចំនួនច្រើន ពិសេស បណ្តានីតិវិធីចាប់ផ្តើមសាងសង់២គម្រោងវិនិយោគ ដូចេ្នះ ទាមទារបណ្តាមន្ទីរ គណៈផ្នែក ភូមិភាគនិងអ្នកវិនិយោគត្រូវប្តេជ្ញាសហការយ៉ាងជិតស្និទ្ធជាមួយការផ្សព្វផ្សាយអនុវត្ត មើលការងារណាដែលត្រូវធ្វើមុន ធ្វើក្រោយឬធ្វើទន្ទឹមគ្នានិងក្រោមការទទួលខុសត្រូវនៃមន្ទីរ គណៈផ្នែក ភូមិភាគ រួចចាប់ផ្តើមអនុវត្តភ្លាម… ខិតខំបំពេញបែបបទឱ្យបានឆាប់ដែលអាចធ្វើទៅបាន ដើម្បីធានាដល់ការសម្ពោធមណ្ឌលឧស្សាហកម្មត្រឹងដេនិង២គម្រោងវិនិយោគតាមផែនការដែលបានដាក់ចេញ៕
ហ្វាងឡាង-លីហាន់
Thông tin bạn đọc
Đóng Lưu thông tin