 |
| បងទ្រីវធឿងកសិករផលិត ធ្វើអាជីវកម្មពូកែ នៅភូមិអំពូជ្រុំ ឃុំថាមដូង ស្រុកមីស្វៀង (សុកត្រាំង)។ |
ក្រៅពីធ្វើស្រែ បងធឿងក៏ទុកដី២កុងសម្រាប់ដាំអំពៅ។ បន្ទាប់ពីប្រមូលផលបងគាបធ្វើទឹកអំពៅ នៅសល់រម្ងាស់ជាស្ករនិងស្កររលាយសមា្រប់លក់ បង្កប្រភពចំណូលបន្ថែម។ ចម្ការអំពៅបានបងថែទាំយ៉ាងយកចិត្តទុកដាក់ ធានាការប្រមូលផលបានជុំឆ្នាំ។
ក្រៅពីផលិតកសិកម្ម គ្រួសារបងក៏ធ្វើអាជីវកម្មតូចដូច លក់ទឹកអំពៅ ការ៉េម ទឹកកកសម្រាប់បម្រើដល់សិស្សានុសិស្សនិងមាមីងក្នុងភូមិ។ ការងារនេះជួយឱ្យបងមានប្រាក់ចំណូលស្ថិរភាព។
បងនិយាយ “អ្នករាល់គ្នាដឹងថាការធ្វើស្រែចម្ការមិនមែនជាការងាយស្រួលនោះទេ ប៉ុន្តែប្រសិនបើយើងឧស្សាហ៍ព្យាយាម គឺគ្មានអ្វីដែលអ្នកមិនអាចធ្វើបានឡើយ។ សំខាន់យើងត្រូវមានការខិតខំ ស៊ូទ្រាំគឺយើងនឹងទទួលបានលទ្ធផល”។
ក្រៅពីនេះ បងធឿងក៏វិនិយោគលើគ្រឿងម៉ាស៊ីនកសិកម្ម ដើម្បីបម្រើដល់ការផលិត។ បច្ចុប្បន្នបងមានម៉ាស៊ីនភ្ជួរដី៤គ្រឿងនិងម៉ាស៊ីនកាត់ស្រូវ១គ្រឿង ដើម្បីបម្រើតម្រូវការផលិតរបស់គ្រួសារនិងមាមីងក្នុងភូមិ។ អាស្រ័យហេតុនេះ មិនត្រឹមតែជួយបងសកម្មក្នុងការផលិតប៉ុណ្ណោះទេ ថែមទាំងបង្កការងារធ្វើឱ្យអ្នកនៅក្នុងភូមិទៀតផង។
ដោយឧស្សាហ៍ព្យាយាមនិងភាពប៉ិនប្រសប់ក្នុងផលិត ធ្វើអាជីវកម្ម បន្ទាប់ពីទូទាត់ការចំណាយរួច ស្រូវ១រដូវបងធឿងមានចំណូលមធ្យមប្រមាណ១៨០លានដុង។ក្នុងនោះ រដូវប្រាំងមានចំណូលប្រមាណ១៦០លានដុង ចំពោះរដូវស្រូវដើមឆ្នាំចំណូលប្រមាណ៨០លានដុង។
ក្រៅពីធ្វើស្រែ បងនៅទាំងមានម៉ាស៊ីនភ្ជួរដីនិងម៉ាស៊ីនកាត់ស្រូវដើម្បីបម្រើការផលិតកសិកម្មឱ្យមាមីងក្នុងភូមិដោយផ្ទៃដីដែលសកម្មប្រមាណ២០០កុង។ បន្ទាប់ពីគិតថ្លៃសាំងនិងថ្លៃជួលពលករ បងចំណូលបានប្រហែល៨០លានដុង/រដូវ។
ពូត្រឹងវ៉ាំងបាក-លេខាសាខាបក្សភូមិអំពូជ្រុំ ឃុំថាមដូង ស្រុកមីស្វៀង (សុកត្រាំង) ឱ្យដឹង៖ បងទ្រីវធឿង ជាគ្រួសារកសិករគំរូនៅភូមិភាគ។ គ្រួសារបងមានដីច្រើន ងាយស្រួលក្នុងការផលិតកសិកម្ម។ ជាអ្នកឧស្សាហ៍ព្យាយាម បងធឿងបានវិនិយោគក្នុងផលិតនិងធ្វើអាជីវកម្មកសិកម្ម គ្រួសារបងមានម៉ាស៊ីនភ្ជួរដី ម៉ាស៊ីនកាត់ស្រូវ មិនត្រឹមតែផលិតបម្រើគ្រួសារប៉ុណ្ណោះទេ នៅទាំងធ្វើសេវាមាមីងក្នុងភូមិ។ ក្នុង១រដូវបងបង្កការងាររកស៊ីលំនឹងដល់ពលករជាច្រើននៅក្នុងភូមិឆ្លងតាមការបើកម៉ាស៊ីនកាត់ស្រូវ ម៉ាស៊ីនភ្ជួរដី ម៉ាស៊ីនជ្រួយដី។
មិនត្រឹមតែពូកែធ្វើសេដ្ឋកិច្ច ៣ឆ្នាំជិតៗនេះបង បានដាំផ្កាដើម្បីបម្រើតម្រូវការលក់ឱ្យមាមីងក្នុងឃុំនារដូវបុណ្យតេត។ បងឱ្យដឹងរដូវផ្កាកន្លងហើយ បងចំណេញប្រមាណ៧-៨លានដុង។
ដោយកម្លាំងពលកម្មនិងស្មារតីឈានឡើងដោយខ្លួនឯងបងទ្រីវធឿង សក្តិសមជាគំរូឆ្នើមក្នុងចលនាកសិករផលិត ធ្វើអាជីវកម្មពូកែនៅភូមិភាគ។ជាមួយការខិតខំប្រឹងប្រែងមិនចេះនឿយហត់បងធឿង បានទទួលស្គាល់ជាកសិករផលិតធ្វើអាជីវកម្មពូកែថ្នាក់ស្រុកក្នុងប៉ុន្មានឆ្នាំកន្លង។
វឌ្ឍា-លីហាន់
Thông tin bạn đọc
Đóng Lưu thông tin