គម្រោងអភិវឌ្ឍចិញ្ចឹមគោ ជួយបន្ថយភាពក្រីក្រនៅតំបន់ជនជាតិភាគតិច

គម្រោងអភិវឌ្ឍចិញ្ចឹមគោ បានផ្សព្វផ្សាយអនុវត្តនៅលើភូមិដ្ឋាន គឺជាគម្រោងអនុវត្តគោលនយោបាយរៀបចំរចនាសម្ព័ន្ធដំណាំ សត្វចិញ្ចឹមដោយតម្លៃសេដ្ឋកិច្ចនិងសមស្របជាមួយលក្ខណៈអភិវឌ្ឍរឹងមាំក្នុងការផលិតកសិកម្ម។ ពីគម្រោងនេះ គ្រួសារកសិករជាច្រើនបានកសាងទម្រង់ផ្ទាល់ខ្លួន ដើម្បីបង្កើតការងារធ្វើនៅនឹងកន្លែង មានប្រាក់ចំណូលស្ថិរភាព ជីវភាពគ្រួសារនិងសេដ្ឋកិច្ចគ្រួសារមួយជំហានម្តងៗបានឈានឡើងជាលំដាប់។

តាមមន្ទីរកសិកម្មនិងអភិវឌ្ឍន៍ជនបទខេត្តសុកត្រាំង គម្រោងនេះ បានផ្សព្វផ្សាយអនុវត្តដោយចំណាយថវិកាសរុបជាង២.២០០ពាន់លានដុង។ ក្នុងដំណាក់កាល២០២២-២០២៥ គណៈគ្រប់គ្រងគម្រោងបានផ្សព្វផ្សាយឯកសារឃោសនា ព័ត៌មានចំនួន២.០០០ ស្តីពីគោលនយោបាយឧបត្ថម្ភរបស់គម្រោង បើកថ្នាក់ហ្វឹកហាត់ចំនួន៧០ថ្នាក់ ចែកឯកសារណែនាំបច្ចេកទេស២.១០០ ពីការចិញ្ចឹមគោសាច់ គោទឹកដោះដល់ប្រជាជន ឧបត្ថម្ភមេរូបចំនួន៥.៥០៤ឯកតា សម្រាប់គោសាច់ចំនួន២.៧៥២ក្បាល ជាមួយនឹងពូជ Red Brahman Red Sindhi ឧបត្ថម្ភគោមេ៦២០ក្បាល បង្កាត់ពូជ Red Brahman ដល់២៣៧គ្រួសារសម្រាប់ចិញ្ចឹម ដើម្បីបន្ថយគោក្តាមនិងបង្កាត់ពូជគោធំដល់ភូមិភាគ ឧបត្ថម្ភមេរូបគោទឹកដោះចំនួន៦.២៧៤កម្រិតនិងបណ្តាសម្ភារៈ ឧបករណ៍សម្រាប់ការបង្កាត់ពូជសិប្បនិម្មិតនៃគោទឹកដោះ…។

បងថាច់ហាក់ នៅឃុំថាមដូង ស្រុកមីស្វៀង ឱ្យដឹង៖ ចូលរួមក្នុងគម្រោងនេះ ខ្ញុំបានឧបត្ថម្ភពូជ ម៉ាស៊ីនសម្រាប់យកទឹកដោះគោ ដើមទុនសង់ទ្រុង រណ្តៅ Biogas ស្មៅនិងថ្នាក់ហ្វឹកហាត់បច្ចេទេសថែទាំ បង្កាត់ពូជឱ្យគោ… អាស្រ័យហេតុនេះ ខ្ញុំមានការយល់ដឹងច្រើនអំពីបច្ចេកទេសថែទាំគោ ដូច្នេះ ក្នុងចំណោមគោទាំង១១ក្បាល ក្នុងនោះ គោ៦ក្បាលជិតកើត ៥ក្បាលកំពុងផ្តល់ទឹកដោះនិងទឹកដោះឆ្លើយតបតាមតម្រូវតាមស្តង់ដារដែលក្រុមហ៊ុនទិញទឹកដោះគោបានកំណត់។ អាស្រ័យការចិញ្ចឹមគោទឹកដោះ គ្រួសារខ្ញុំបានឈានឡើងធូរធារ។ បងស្រីយ័ញធីសុខា នៅភូមិដើមស្វាយ ឃុំភូមី ស្រុកមីទូ ដោយគ្មានដីផលិត ដូច្នេះ ជីវភាពគ្រួសារតែងជួបការលំបាកពីមួយឆ្នាំទៅមួយឆ្នាំ។ ប្រាក់ចំណូលតិចតួចរបស់ប្តីប្រពន្ធពីធ្វើការឈ្នួលគ្រាន់តែគ្រប់សម្រាប់ចញ្ចឹមជីវភាពប្រចាំថ្ងៃប៉ុណ្ណោះនិងគិតអានឱ្យកូនពីរនាក់រៀនសូត្រ ពេលដែលបានរដ្ឋអំណាចភូមិភាគពិនិត្យឧបត្ថម្ភគោសាច់មួយគូពីកម្មវិធីទិសដៅជាតិអភិវឌ្ឍសេដ្ឋកិច្ច-សង្គម នៅតំបន់ជនជាតិភាគតិចនិងបានរដ្ឋអំណាចភូមិភាគនាំទៅចូលរួមថ្នាក់ហ្វឹកហាត់ពីបច្ចេកទេសចិញ្ចឹមសត្វ ដែលអនុវត្តដោយគម្រោងអភិវឌ្ឍន៍ការចិញ្ចឹមគោក្នុងខេត្ត បងស្រីសុខា រីករាយឱ្យដឹង៖ ប្តីប្រពន្ធខ្ញុំសប្បាយចិត្តណាស់ ព្រោះឥឡូវបានរដ្ឋជំនួយឧបត្ថម្ភគោ។ នាពេលខាងមុខ ប្តីប្រពន្ធនឹងខិតខំពលកម្មឈានឡើងនិងថែទាំគោដើម្បីកើនឡើងចំនួនឱ្យបានច្រើនក្នុងពេលឆាប់ៗនេះ។

បងយ័ញធីសុខា នៅភូមិដើមស្វាយ ឃុំភូមី ស្រុកមីទូ កំពុងថែទាំគោសាច់របស់គ្រួសារ។

សមមិត្តត្រឹងវ៉ាំងដម-នាយករងគណៈគ្រប់គ្រងគម្រោងអភិវឌ្ឍចិញ្ចឹមគោនៅលើភូមិដ្ឋានខេត្ត ឱ្យដឹង គម្រោងកសាងទម្រង់ចិញ្ចឹមគោសាច់ចំនួន១០ក្បាលតាមទិស VietGAP ដែលមានទំហំចិញ្ចឹមគោមេចំនួន៥ក្បាលឡើងទៅ កសាងទម្រង់ដោះស្រាយកាកសំណល់ចំនួន១៧០ ឧបត្ថម្ភគោសាច់ចំនួន២០០ក្បាលដល់៦០គ្រួសារ ដើម្បីបង្កើនទម្ងន់និងគុណភាពគោសាច់។ គម្រោងចិញ្ចឹមគោកំពុងអភិវឌ្ឍឆ្ពោះដល់ការបង្កើនទំហំក្នុងគ្រួសារ រួមចំណែកយ៉ាងសំខាន់ក្នុងការអភិវឌ្ឍសេដ្ឋកិច្ច ដោះស្រាយការធ្វើឱ្យពលករជនបទ ចាកផុតក្រស្ថេរភាព។

អាចឃើញថាគម្រោងអភិវឌ្ឍចិញ្ចឹមគោ ដែលអនុវត្តនៅលើភូមិដ្ឋានខេត្ត គឺជាគម្រោងដែលសមស្របនឹងលក្ខណៈអភិវឌ្ឍសេដ្ឋកិច្ចនៅតំបន់ជនបទដែលមានជនរួមជាតិខ្មែររស់នៅច្រើន។ មិនត្រឹមតែជួយជនរួមជាតិមានលក្ខណៈក្នុងការកសាងទម្រង់ដែលបង្កើតការងារនៅនឹងកន្លែង ការប្រើប្រាស់ស្មៅនិងចំបើងនៅជនបទ ក៏រួមចំណែកដល់ការធ្វើឱ្យសម្បូរបែបដំណាំ ការចិញ្ចឹមសត្វ ដើម្បីអភិវឌ្ឍសេដ្ឋកិច្ចគ្រួសារលំនឹងជីវភាព៕

គម្រោងអភិវឌ្ឍចិញ្ចឹមគោ ជួយបន្ថយភាពក្រីក្រនៅតំបន់ជនជាតិភាគតិច

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង

គម្រោងអភិវឌ្ឍចិញ្ចឹមគោ ជួយបន្ថយភាពក្រីក្រនៅតំបន់ជនជាតិភាគតិច

Thông tin bạn đọc

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង