 |
| បងថាច់ខា នៅភូមិកៀកឡើយអា ឃុំឡឹមតឹង ស្រុកថាញ់ទ្រី (សុកត្រាំង) បានលំនឹងជីវភាពដោយទម្រង់ចិញ្ចឹមជ្រូក។ |
មកសួរសុខទុក្ខគ្រួសារបងថាច់ខា នៅភូមិកៀកឡើយអា ឃុំឡឹមតឹង ជាគ្រួសារលំនឹងជីវភាព អាស្រ័យទម្រង់ចិញ្ចឹមជ្រូកមេ។ នាំយើងខ្ញុំទស្សនាទម្រង់របស់គ្រួសារ បងខាបានឱ្យដឹង៖ ពីមុនជីវភាពគ្រួសារជួបការលំបាក គ្មានដីផលិត ឆ្នាំ២០០៤ បានធនាគារគោលនយោបាយសង្គមស្រុកឱ្យបុល១២លានដុង ដោយការឧទ្ទេសនាមពីសមាគមនារីឃុំ ចំនួនប្រាក់នេះខ្ញុំបានទិញជ្រូកមេមកចិញ្ចឹម ប៉ុន្តែចិញ្ចឹមជ្រូកកើតជំងឺផ្ទួនៗ ដូច្នេះ ទើបខ្ញុំបង្វែរមកចិញ្ចឹមក្របី គោវិញ ដល់ឆ្នាំ២០២២ ទើបខ្ញុំទិញជ្រូកមេមកចិញ្ចឹមម្តងទៀតចំនួន២ក្បាល។ ដើម្បីធានាទម្រង់ចិញ្ចឹមជ្រូករីកចម្រើនល្អ បងខាតែងស្វែងយល់ពីរបៀបចិញ្ចឹមបង្ការជំងឺជ្រូក ម៉្លោះហើយតាំងពីចិញ្ចឹមមកដល់សព្វថ្ងៃ ជ្រូករបស់បងខាឆាប់ធំ។ រាល់ឆ្នាំ ជ្រូកកើតបាន២លើក ក្នុងមួយលើកកើតបានពី៩-១០ក្បាលចិញ្ចឹមប្រហែល៤ខែ អាចលក់បានដោយទម្ងន់១០០គីឡូក្រាម/ក្បាល ដោយតម្លៃពី៥០-៥៥ពាន់ដុង/គីឡូក្រាម បងខាបានឱ្យដឹងដូច្នេះ។ រាល់ឆ្នាំ ដោយចំណូលប្រហែល១០០លានដុងពីការចិញ្ចឹមជ្រូកនិង៨០លានដុងពីការចិញ្ចឹមក្របីនិងគោ ដូច្នេះ ទើបជីវភាពគ្រួសារបងខាបានលំនឹងនិងចាកផុតក្រ។ ចំណែកគ្រួសារបងស្រីឡឹមធីថាញ់ង៉ា នៅភូមិជាមួយគ្នាបានឱ្យដឹង៖ មុននេះគ្រួសារខ្ញុំធ្វើស្រែជាចម្បង ឆ្នាំ ២០១៤ ដោយឃើញទម្រង់ចិញ្ចឹមជ្រូកនៅភូមិភាគនាំមកនូវប្រសិទ្ធភាព ម៉្លោះហើយទើបខ្ញុំពិគ្រោះជាមួយនឹងគ្រួសារក៏សម្រេចចិត្តធ្វើទ្រុង ទិញជ្រូកសាច់មកចិញ្ចឹមដើម្បីពង្រីកសេដ្ឋកិច្ចគ្រួសារ។ ដំបូងដោយមិនទាន់មានបទពិសោធន៍ក្នុងការថែទាំ ដូច្នេះទើបគ្រួសារបងស្រីចិញ្ចឹមបានត្រឹមតែពី៥-១០ក្បាល ក្រោយមកដោយឃើញទម្រង់មានប្រសិទ្ធភាពគ្រួសារបងស្រីបើកទូលាយចិញ្ចឹមកើនឡើង២០ក្បាល ដោយឡែក២ឆ្នាំជិតៗនេះគ្រួសារបងស្រីចិញ្ចឹមចំនួន៦០ក្បាល/លើក។ ចែករំលែកពី ទម្រង់ចិញ្ចឹមរបស់គ្រួសារបងង៉ាបានឱ្យដឹង៖ មធ្យម ក្នុងមួយឆ្នាំ គ្រួសារខ្ញុំចិញ្ចឹមបាន២លើក ក្នុងមួយលើកចិញ្ចឹមបានចំនួន៦០ក្បាល ពេលលក់ ជ្រូកមានទម្ងន់១០០គីឡូក្រាម/ក្បាល ជាមួយតម្លៃ៥០-៥៥ពាន់ដុង/គីឡូក្រាម។ ការចិញ្ចឹមជ្រូកបាននាំមកនូវប្រភពចំណូលឱ្យគ្រួសារខ្ញុំប្រហែល២៤០លានដុង/ឆ្នាំ អាស្រ័យហេតុនោះ ទើបជីវភាពគ្រួសារខ្ញុំបានឈានឡើងធូរធារ។
សមមិត្តហ្វិញកឹមទូ-ប្រធានសមាគមនារីឃុំឡឹមតឹងឱ្យដឹង៖
ពេលកន្លង ទម្រង់ចិញ្ចឹមជូ្រកបានជួយសមាជិកាលើកកម្ពស់ប្រាក់ចំណូលលំនឹងជីវភាព។ ដើម្បីការផលិតរបស់សមាជិកាមួយថ្ងៃកាន់តែប្រសិទ្ធភាព ពេលខាងមុខ សមាគមនឹងសហការជាមួយផ្នែកជំនាញនានាបើកថ្នាក់ហ្វឹកហាត់ពីវិទ្យាសាស្រ្ត-បច្ចេកទេសដាំដុះ ចិញ្ចឹមសត្វ។ សកម្មជំនួយទុនបុលអាទិភាពសម្រាប់សមាជិកាមានលក្ខណៈបើកទូលាយទម្រង់ផលិតជាជំហានលើកកម្ពស់ប្រាក់ចំណូលឈានឡើងធូរធារ៕
ថាញ់វ៉ាង-សុផល
Thông tin bạn đọc
Đóng Lưu thông tin