 |
| បងស្រីទ្រៀកធីសាខុម នៅភូមិកៀកឡើយ ឃុំឡឹមកៀក ឈានឡើងធូរធារអាស្រ័យប្រភពទុនពីធនាគារគោលនយោបាយសង្គម។ |
មកទស្សនាទម្រង់ចិញ្ចឹមគោរបស់គ្រួសារបងស្រីទៀកធីសាខុម នៅភូមិកៀកឡើយ ឃុំឡឹមកៀក ជាគ្រួសារឈានឡើងធូរធារអាស្រ័យប្រើប្រាស់ប្រភពទុនធនាគារគោលនយោបាយសង្គម។ សំណេះសំណាលជាមួយយើងខ្ញុំ បងស្រីសាខុមឱ្យដឹង៖ មុននេះ ជីវភាពគ្រួសារខ្ញុំជួបការលំបាកណាស់ ឆ្នាំ២០១៧ ដោយបានសមាគមនារីឃុំឧទ្ទេសនាមឱ្យបុលចំនួន១៥លានដុង ខ្ញុំទិញគោ១ក្បាលមកចិញ្ចឹម ក្រោយរយៈកាលមួយឆ្នាំគោក៏កើតបានមួយក្បាលខ្ញុំទុកចិញ្ចឹម ពីព្រោះចិញ្ចឹមគោការថែទាំតិចប៉ុន្តែសម្រេចប្រសិទ្ធភាព។ អាស្រ័យការព្យាយាមថែទាំបានល្អ ម៉្លោះហើយផ្តើមពី១ក្បាលដំបូងនិងលក់អស់៦ក្បាល សព្វថ្ងៃនៅក្នុងទ្រុងនៅចំនួន៧ក្បាល។ ក្រៅពីនោះ ដោយឃើញទម្រង់ចិញ្ចឹមជ្រូករបស់សមាជិកានាំមកនូវប្រសិទ្ធភាព ឆ្នាំ២០២១ បងស្រីខុមសម្រេចចិត្តបុលបន្ថែម៥០លានដុង ដើម្បីទិញជ្រូកមេ២ក្បាលមកចិញ្ចឹមសម្រាប់រកប្រាក់ចំណូលឱ្យគ្រួសារ។ បងស្រីសាខុមឱ្យដឹង៖ មួយឆ្នាំជ្រូកកើតបាន២លើក ក្នុងមួយលើកកើតបានពី៩-១០ក្បាល។ ដោយប្រភពចំណូលប្រហែល១២០លានដុងពីការចិញ្ចឹមជ្រូកនិង៤៥លានដុងពីការចិញ្ចឹមគោ ដូច្នេះទើបជីវភាពគ្រួសារខ្ញុំបានធូរធារ ឆ្នាំ២០២២ គ្រួសារខ្ញុំសង់បានផ្ទះមួយខ្នងដោយតម្លៃ៩០០លានដុង។ ក៏ជាគ្រួសារក្ររបស់ឃុំ ប្រាក់ចំណូលចម្បងគឺធ្វើការឈ្នួល បងស្រីស៊ើងធីសៀម នៅភូមិជាមួយគ្នាឱ្យដឹង៖ ឆ្នាំ២០១២ ដោយបានធនាគារគោលនយោបាយសង្គមស្រុកឱ្យបុល១៥លានដុង អាស្រ័យសមាគមនារីឃុំឧទ្ទេសនាម។ មានទុនរួមផ្សំនឹងការសន្សំទើបខ្ញុំទិញគោ មកចិញ្ចឹម។ ជាមួយការព្យាយាមស៊ូទ្រាំលំបាករៀនសូត្រពីរបៀបចិញ្ចឹម ម៉្លោះហើយគោឆាប់ធំក្នុងមួយឆ្នាំកើតបាន២ក្បាល ដោយឡែកប៉ុន្មានឆ្នាំជិតៗនេះគោរបស់បងស្រីសៀមកើតបានពី៤-៥ក្បាល/ឆ្នាំ។ បងសៀមបានឱ្យដឹង៖ តាំងពីពេលចិញ្ចឹមមកដល់ពេលនេះ គ្រួសារខ្ញុំលក់គោអស់១៧ក្បាល ជាមួយតម្លៃពី១៨-២៥លានដុង/ក្បាល សព្វថ្ងៃ គ្រួសារខ្ញុំនៅគោ៧ក្បាល។ អាស្រ័យចំណូលពីការចិញ្ចឹមគោចំនួន៥០លានដុង/ឆ្នាំនិងធ្វើការងារបន្ថែមរកបានប្រាក់ចំណូលចំនួន១៤លានដុង/ខែទើបជីវភាពគ្រួសារខ្ញុំបានលំនឹងនិងចាកផុតក្រ។
អាចនិយាយបានថាប្រភពទុនអាទិភាពពីធនាគារគោលនយោបាយសង្គមជួយឱ្យសមាជិកា ពិសេសគឺសមាជិកាជនជាតិខ្មែរដែលមានជីវភាពលំបាកលើភូមិដ្ឋានឃុំមានលក្ខណៈពង្រីកសេដ្ឋកិច្ច បង្កើនប្រាក់ចំណូលលំនឹងជីវភាពគ្រួសារ រួមចំណែកយ៉ាងសកម្មក្នុងការបំបាត់អត់បន្ថយក្រនៅភូមិភាគ៕
ថាញ់វ៉ាង
Thông tin bạn đọc
Đóng Lưu thông tin