 |
| បងឡឹមឡែន នៅភូមិទំពក់សក់សេ១ ឃុំមីធ្វឹង ស្រុកមីទូ (សុកត្រាំង) កំពុងថែទាំដំណាំរបស់គ្រួសារ។ |
ជាគ្រួសារក្រ ដូច្នេះក្រោយពេលរៀបការរួច ប្តីប្រពន្ធបងឡឹមឡែន ទៅធ្វើកម្មករនៅឡុងអាង។ បន្ទាប់ពីអស់រយៈពេល៩ឆ្នាំឧស្សាហ៍ព្យាយាមធ្វើកម្មករនិងប្រិតសំចៃ សន្សំបានដើមទុនមួយចំនួន បងត្រឡប់មកស្រុកកំណើតដើម្បីវិនិយោគលើទម្រង់អភិវឌ្ឍសេដ្ឋកិច្ចគ្រួសារ។ បងឡែនទិញដីចម្ការ២កុងនិងដីស្រែ៥កុង ដើមទុនដែលនៅសល់បងសង់ទ្រុងចិញ្ចឹមគោសាច់និងឱ្យប្រពន្ធវិនិយោគលក់ដូរនៅផ្សារមីធ្វឹង។ ប្តីប្រពន្ធបងឡែនប្តេជ្ញាចិត្តធ្វើមាននៅភូមិស្រុកកំណើត។ បងឱ្យដឹង៖ ធ្វើកម្មករគឺមានប្រាក់ចំណូល ប៉ុន្តែប្តីប្រពន្ធខ្ញុំប្តេជ្ញាចិត្តត្រឡប់មកស្រុកកំណើតដើម្បី មើលថែកូនផង ចិញ្ចឹមម្តាយចាស់ផង។ ហេតុដូច្នេះ ពេលទិញបានដីស្រែ ដីចម្ការខ្ញុំប្តេជ្ញាចិត្តត្រូវតែខិតខំធ្វើការរកស៊ី ដើម្បីឈានឡើងចាកផុតក្រ មិនទុកឱ្យកូនក្រលំបាកដូចខ្ញុំ។ ដោយការប្តេជ្ញាចិត្តនោះ បងតែងអនុវត្តបច្ចេកទេសក្នុងការធ្វើស្រែ ដាំដំណាំ ថែទាំគោ។ ជាមួយនឹងជីវភាពប្រិតសំចៃ គ្រាន់តែប៉ុន្មានឆ្នាំក្រោយមក បងឡែនសង់ផ្ទះមានតម្លៃជាង៥០០លានដុង។
ពេលដែលមានផ្ទះលំនឹង ប្តីប្រពន្ធបងឡែនកាន់តែប្តេជ្ញាចិត្តធ្វើការរកស៊ី។ បានរដ្ឋអំណាចភូមិភាគឧបត្ថម្ភឱ្យបុលទុនអាទិភាពចំនួន៣០លានដុងពីធនាគារគោលនយោបាយសង្គម បងទិញគោសាច់ចំនួន២ក្បាលបន្ថែមទៀតដើម្បីចិញ្ចឹម។ បច្ចុប្បន្នក្នុងទ្រុងមានគោចំនួន៥ក្បាល ក្នុងនោះ មានគោមេ២ក្បាល។ តាមបងឡែនពីឆ្នាំ២០១៦ រហូតមកដល់ពេលនេះ កន្លងពីរឆ្នាំម្តង លក់គោ២ក្បាលមានតម្លៃជាង១៥លានដុង/ក្បាល។ បងឡែនឱ្យដឹង៖ ប្តីប្រពន្ធខ្ញុំតែងរួមដំណើរជាមួយគ្នា ដូច្នេះហើយ ម្នាក់ៗឆ្លៀតពេលធ្វើការងារ ដើម្បីរួមគ្នាកសាងគ្រួសារសុខដុម សុភមង្គល។ ខ្ញុំគិតពីការងារស្រែចម្ការ ថែទាំហ្វូងគោ ដាំដំណាំ ចំណែកប្រពន្ធលក់ផ្លែឈើនៅផ្សារ ដូច្នេះមានប្រាក់ចំណូលរាល់ថ្ងៃ ជីវភាពក៏ប្រសើរឡើងបន្តិចម្តងៗ។
លេខាសាខាបក្សភូមិទំពក់សក់សេ១ ឃុំមីធ្វឹង ស៊ើងនក្ខិតាឱ្យដឹង៖ ប្តីប្រពន្ធបងឡឹមឡែនមានឆន្ទៈមុតមាំក្នុងការជម្នះភាពក្រីក្រ ដើម្បីគ្រួសារមានជីវភាពធូរធារនៅក្នុងភូមិភាគដោយកម្លាំងពលកម្មរបស់ខ្លួន។ ដោយបាតដៃទទេ បន្ទាប់ពីខិតខំប្រឹងប្រែងធ្វើការយ៉ាងសកម្មជាច្រើនឆ្នាំមក បច្ចុប្បន្ន បងឡែនសង់ផ្ទះរឹងមាំ ទិញដីបាន៧កុងសម្រាប់ផលិតនិងមានទម្រង់អភិវឌ្ឍសេដ្ឋកិច្ចស្ថេរភាព។ ពេលរំលឹកដល់បងឡែន មាមីងគ្រប់គ្នាក្នុងភូមិស្រុកនរណាក៏សរសើរអំពីភាពស្លូតបូត មានស្មារតីឧស្សាហ៍ព្យាយាមក្នុងការអភិវឌ្ឍសេដ្ឋកិច្ច ដើម្បីចាកផុតក្រ ឈានឡើងធូរធារ។
អាចនិយាយបានថា គ្រួសារបងឡឹមឡែន ភូមិទំពក់សក់សេ១ ឃុំមីធ្វឹង បានអនុវត្តទម្រង់ដាំដំណាំគួបផ្សំនឹងការចិញ្ចឹមសត្វអនុវត្តនូវភាពជឿនលឿនខាងវិទ្យាសាស្ត្របច្ចេកទេសផ្តល់ប្រាក់ចំណូលស្ថេរភាព ជាគំរូជម្នះក្នុងការលំបាកដើម្បីចាកផុតភាពក្រីក្រ ឈានឡើងធ្វើមាន៕
ដាលីន-លីហាន់
Thông tin bạn đọc
Đóng Lưu thông tin