 |
| ទម្រង់ដាំគូឆាយរបស់បងស្រីថាច់ធីផល្លា នៅភូមិដាយងៀថាំង ឃុំដាយតឹម ស្រុកមីស្វៀង (សុកត្រាំង) រកបានប្រាក់ចំណូលលំនឹង។ |
តាមសមមិត្តទ្រីវហ្វាតី-លេខាសម្ព័ន្ធយុវជនឃុំដាយតឹមឱ្យដឹង រយៈពេលកន្លង សម្ព័ន្ធយុវជនឃុំដាយតឹមសកម្មផ្សព្វផ្សាយជំនួយបង្កលក្ខណៈឱ្យសមាជិកយុវជនជនជាតិនៅភូមិភាគបានទទួលបណ្តាប្រភពទុនបុលអាទិភាព សហការបើកថ្នាក់ហ្វឹកហាត់ពីការដាំដុះ ចិញ្ចឹមសត្វដើម្បីសមាជិកយុវជនកសាងបណ្តាទម្រង់ប្រសិទ្ធភាពរួមចំណែកលើកកម្ពស់តម្លៃផលិតឈានឡើងចាកផុតក្រដោយចីរភាព។ ជាសមាជិកាយុវជនជនជាតិបានជំនួយទុនសម្រាប់អភិវឌ្ឍសេដ្ឋកិច្ច បងស្រីថាច់ធីផល្លា នៅភូមិដាយងៀថាំង ឃុំដាយតឹមឱ្យដឹង៖ មុននេះជីវភាពគ្រួសារជួបការលំបាក ចង់ពង្រីកសេដ្ឋកិច្ចប៉ុន្តែគ្មានទុន ឆ្លងតាមរយៈសម្ព័ន្ធយុវជនស្រុក ឆ្នាំ២០១៤ខ្ញុំបានធនាគារគោលនយោបាយសង្គមស្រុកឱ្យបុល៣០លានដុងសម្រាប់ទិញគោទឹកដោះមកចិញ្ចឹម។ អាស្រ័យខិតខំពលកម្មផលិតដោយដំបូងគោ២ក្បាល មកដល់សព្វថ្ងៃកើនឡើងបាន៦ក្បាល ក្នុងនោះ៣ក្បាលកំពុងផ្តល់ទឹកដោះ មធ្យមក្នុងមួយថ្ងៃផ្តល់ទឹកដោះបាន៥០គីឡូក្រាម ដោយតម្លៃពី១៣.៥០០-១៤.០០០ដុង/គីឡូក្រាម ក្រោយពីផាត់ទាត់រួចរាល់ ក្នុងមួយខែនៅចំណេញ១៥លានដុង។ ដោយឃើញដំណាំគូឆាយបង់ដើមតិច ម្ល៉ោះហើយឆ្នាំ២០២១បងស្រីបានវិនិយោគដាំ២.០០០ម២។ តាមបងផល្លា គឺចន្លោះ២ថ្ងៃអាចប្រមូលផ្កាបាន៣០គីឡូក្រាម ដោយតម្លៃពី២៥.០០០-៤០.០០០ដុង/គីឡូក្រាម ក្រោយពីផាត់ទាត់រួចរាល់នៅចំណេញ៦លានដុង/ខែ។ ដោយប្រភពចំណូលប្រហែល២៥០លានដុង/ឆ្នាំពីទម្រង់ខាងលើ ជីវភាពគ្រួសារបងស្រីផល្លាមានភាពធូរធារជាងមុន។
ចំណែកទម្រង់ដាំបន្លែរបស់បងស៊ើងតឹងតាយ សាខាសម្ព័ន្ធយុវជនភូមិដាយងៀថាំងក៏រកបានប្រាក់ចំណូលលំនឹង។ បងតាយឱ្យដឹង៖ ឆ្នាំ២០២០ ខ្ញុំមានគ្រួសារនៅដោយឡែក បានឪពុកម្តាយចែកដីចំការបាន២,៥កុងកាលនោះមិន ទាន់មានបទពិសោធន៍ក្នុងការផលិត ទុនក៏តិច ម៉្លោះហើយទិន្នផលមិនខ្ពស់។ ឆ្នាំ២០២៣ ដោយបានសម្ព័ន្ធយុវជនឃុំបង្កលក្ខណៈឱ្យបុលទុនបាន២០លានដុង ខ្ញុំវិនិយោគកូនពូជមកដាំនិងសម្ភារៈកសិកម្មសម្រាប់ផលិត រៀនសូត្របទពិសោធន៍ការផលិតពីមាមីងក្នុងភូមិភាគម៉្លោះហើយទម្រង់ដំណាំពីមួយថ្ងៃកាន់តែសម្រេចប្រសិទ្ធភាព។ ជាមួយដីចំការ២,៥កុងបងដាំបណ្តាប្រភេទបន្លែដូច ខ្ទឹមស្លឹក ស្ពៃក្តោប ស្ពៃផ្កា សាឡាដ។ល។ ៤រដុវ/ឆ្នាំ ក្រោយពីផាត់ទាត់រួចរាល់នៅចំណេញប្រហែល៩០លានដុង។
សមមិត្តទ្រីវហ្វាតី-លេខាសម្ព័ន្ធយុវជនឃុំដាយតឹមឱ្យដឹងបន្ថែម៖ សព្វថ្ងៃសម្ព័ន្ធយុវជនឃុំដាយតឹមគ្រប់គ្រង៧ក្រុមប្រិតសំចៃដោយមានសមាជិកយុវជនបុលទុនចំនួន៣៩២រូប ជាមួយថវិកាជាង៩ពាន់លានដុង។ ដើម្បីសកម្មភាពពីមួយថ្ងៃកាន់តែប្រសិទ្ធភាព ពេលខាងមុខ សម្ព័ន្ធយុវជនឃុំជម្រុញការងារផ្សព្វផ្សាយឱ្យ សមាជិកយុវជនពីគោលនយោបាយរបស់បក្សនិងក្រឹត្យច្បាប់របស់រដ្ឋ។ សកម្មលើកទឹកចិត្តនិងជំនួយដើម្បីសមាជិកយុវជនបង្កើតអាជីពកសាងនិងបើកទូលាយទម្រង់សេដ្ឋកិច្ចរួមចំណែកជម្រុញការអភិវឌ្ឍសេដ្ឋកិច្ច-សង្គមនៅភូមិភាគ៕
ថាញ់វ៉ាង
Thông tin bạn đọc
Đóng Lưu thông tin