 |
| សមាជិកានារីស្រុកចូវថាញ់ចូលរួមក្រុមសហការតម្បាញ។ |
ដោយក្តីសង្ឃឹមចង់បង្កការងារធ្វើនៅផ្ទះ បង្កើនប្រាក់ចំណូលឱ្យបងប្អូននារីដែលគ្មានលក្ខណៈទៅពលកម្មនៅឯក្រុមហ៊ុន បងស្រីទ្រឿងង៉ុកសាង-ប្រធានសាខាសមាគមនារីភូមិមីអាង ឃុំធៀងមីបានទៅដល់ស្រុកឡុងមី ខេត្តហូវយ៉ាងដើម្បីចងសម្ពន្ធជាមួយនឹងក្រុមហ៊ុន មូលដ្ឋាននៅទីនោះបើកថ្នាក់បង្រៀនរបរត្បាញត្រកៀតប៉ោងតាមរូបភាពនិងគំរូថ្មី ដើម្បីរកការងារធ្វើឱ្យបងប្អូននារី។ ដូច្នេះ ថ្នាក់បង្រៀបរបរត្បាញត្រកៀតប៉ោងបានត្រឹមតែ៣ថ្ងៃនៅផ្ទះបងស្រី ក្រោយពីរៀនរួចហើយបងប្អូននារីមានរបរស្ទាត់ជំនាញនិងចាប់ផ្តើមប្រកបរបរត្បាញត្រកៀតប៉ោងរកប្រាក់ចំណូល។
បងស្រីទ្រឿងង៉ុកសាង-ប្រធានសាខាសមាគមនារីភូមិមីអាងឃុំធៀងមីបានឱ្យដឹង៖ ទម្រង់ត្បាញត្រកៀតប៉ោងនេះបានឆ្លើយតបតម្រូវការជាក់ស្តែងរបស់សមាជិកានៅភូមិភាគ។ ថ្វីដ្បិតទម្រង់មិននាំមកនូវប្រាក់ចំណូលច្រើនតែមានតួនាទីយ៉ាងសំខាន់ក្នុងសេដ្ឋកិច្ចគ្រួសារនៃសមាជិកា ទន្ទឹមនោះ ជួយបងប្អូននារីមានប្រាក់ចំណូលរួមចំណែកក្នុងការអភិវឌ្ឍសេដ្ឋកិច្ចគ្រួសារលំនឹងជីវភាព។ វត្ថុធាតុ មានដូច ត្រកៀតប៉ោង គ្រោងឆឹ្អង។ល។ តែងបានក្រុមហ៊ុនផ្គត់ផ្គង់វត្ថុធាតុ ដូច្នេះ បងប្អូននារីយកទៅផ្ទះត្បាញ។ មធ្យមក្នុងមួយថ្ងៃបងប្អូននារីត្បាញបានពី៣-៤សម្រាប់។ ដោយមានតម្លៃ៤០ពាន់ដុង/សម្រាប់ ក្រោយពីផាត់ទាត់រួចរាល់បងប្អូននារីនៅចំណេញជាង៨០ពាន់ដុង/ថ្ងៃ។ បើបងប្អូននារីណាធ្វើបានរហ័សអាចធ្វើបានច្រើនជាងទៀត។
ដោយឃើញការងារនេះសមស្របជាមួយបងប្អូននារីនៅជនបទ បំផុតគឺនារីមានវ័យចាស់មិនអាចទៅធ្វើការនៅក្រុមហ៊ុនបាន ដូច្នេះ របរត្បាញត្រកៀតប៉ោងបានបងប្អូននារីក្នុងភូមិបង្រៀនបន្តគ្នា អ្នកចេះបង្រៀនអ្នកមិនចេះ។ សព្វថ្ងៃ បណ្តាភូមិជិតខាងក៏រៀនតាមដែរនិងបម្រុងបើកទូលាយក៏ដូចជាចងសម្ពន្ធដើម្បីបង្កលក្ខណៈសម្រាប់បងប្អូននារីមានការងារធ្វើ រកប្រាក់ចំណូលឱ្យគ្រួសារ។ បងស្រីង្វៀងធីថាញ់ នៅភូមិមីតឹង ឃុំធៀងមីបានឱ្យដឹង៖ គ្មានបង់ទុនវិនិយោគ ម្ចាស់ការបានពេលវេលាដើម្បីរកប្រាក់ចំណូល ដូច្នេះពេលកន្លង បណ្តាថ្នាក់បង្រៀនរបររយៈពេលខ្លីបានរួមចំណែកដោះស្រាយការងារធ្វើ ជួយបងប្អូននារីលំនឹងក្នុងជីវភាព មិនទៅធ្វើការឆ្ងាយ មានឱកាសថែទាំកូនចៅក្នុងគ្រួសារ។
រួមជាមួយឃុំធៀងមី ឆ្នាំ២០២២ ភូតឹងក៏បានបើកថ្នាក់បង្រៀនរបរកាត់ដេរឧស្សាហកម្មបាន៣ថ្នាក់។ សព្វថ្ងៃ ថ្នាក់នេះបានជួយឱ្យបងប្អូននារី ចំនួន៣០រូប ក្រោយពីរៀនរបររួចមានការងារធ្វើលំនឹង។ ជាអ្នកធ្លាប់ប្រកបរបរកសិកម្មនិងការងារផ្ទះ សព្វថ្ងៃ បងស្រីលេធីយីវហៀងនៅភូមិភឿកគ្វើយ ឃុំភូតឹង ស្រុកចូវថាញ់ បានក្លាយជាជាងកាត់ដេរឧស្សាហកម្ម នៅឃុំភូតឹង ដោយមានប្រាក់ចំណូលពី៣-៤លាន ដុង/ខែ។ បងស្រីសំណេះសំណាលចំពោះនារីនៅជនបទមានពេលទំនេរច្រើន ប៉ុន្តែមិនអាចរកការងារបន្ថែមបានដោយនៅគិតគូរដល់កូនចៅនិងគ្រួសារ។ ចាប់ពីមានមូលដ្ឋានកាត់ដេរនៅភូមិភាគ បងប្អូននារីពេលរៀនរបររួចធ្វើបានភ្លាម។ ដំបូងធ្វើមិនទាន់បានស្ទាត់ ប៉ុន្តែគ្រាន់មួយរយៈខ្លី បងប្អូននារីអាចធ្វើបានស្ទាត់របរនិងរកបានប្រាក់ចំណូលលំនឹង អាស្រ័យធ្វើបានផលិតផលច្រើន។
សមមិត្តចូវហុងហ្វា-ប្រធានសមាគមនារីស្រុកចូវថាញ់បានឱ្យដឹង៖
ពេលរៀនបានរបរ ធ្វើការនៅផ្ទះ បងប្អូននារីមានលក្ខណៈមើលថែកូនចៅធ្វើការងារផ្ទះផងនិងឆ្លៀតរកប្រាក់ចំណូលបន្ថែមផងដើម្បីកែលម្អជីវភាពគ្រួសារ។ ទន្ទឹមនោះ ការងារបណ្តុះបណ្តាលរបរ សមាគមគ្រប់ថ្នាក់នៅទាំងចងសម្ពន្ធជាមួយក្រុមហ៊ុនក្នុងនិងក្រៅខេត្តបង្កើតក្រុមសហការត្បាញ ក្រុមចងសម្ពន្ធបង្កការងារធ្វើនិងរកប្រាក់ចំណូលលំនឹងឱ្យសមាជិកា។ តាមនោះ បន្ថយអត្រាពលករគ្មានការងារ អត្រាគ្រួសារក្រលើភូមិដ្ឋាន បង្កឱ្យបងប្អូននារីមានឱកាសអភិវឌ្ឍន៍។
ជួយបងប្អូននារីមានប្រាក់ចំណូលលំនឹងជីវភាពគ្រួសារជាភារកិច្ចមួយយ៉ាងសំខាន់នៃសមាគមនារីស្រុកចូវថាញ់ រួមចំណែកអនុវត្តការងារបន្ថយក្រនិងបណ្តាទិសដៅអភិវឌ្ឍសេដ្ឋកិច្ច-សង្គមរបស់ភូមិភាគ៕
ចន្ថា-សុផល
Thông tin bạn đọc
Đóng Lưu thông tin